朗尼建議聯賽順延到9月，狠批英政府抗疫不力：「當球員係天竺鼠！」
武漢肺炎喺歐洲各地肆虐，英超繼意甲、西甲及法甲之後終於叫停聯賽，直接原因係阿仙奴主帥阿迪達及車路士球員赫臣奧度爾確診之後先採取行動。曾任英格蘭國家隊隊長嘅朗尼就對政府處理疫情嘅效率相當不滿，喺個人專欄中炮轟當局。
事實上，縱使武漢肺炎疫情喺英國開始蔓延，作為完全因為商業利益而誕生嘅聯賽，英超原本連閉門作賽等常見措施都冇，只係取消咗賽前握手儀式，其餘預防措施都係依靠球會自己喺內部去制定。直到阿迪達及赫臣奧度爾確診之後，英超先驚覺事態嚴重，臨急臨忙提出暫停聯賽，英格蘭各級職業聯賽亦係同時宣布暫停。
朗尼就認為英國政府、英超賽會及英格蘭足協缺乏領導才能：「對我嚟講，健康先至係第一位，所有人嘅健康都係，包括球員、球迷，政府必須做出正確嘅決定。如果我因為要去比賽，將病毒帶返屋企傳俾家人，令佢哋患病，咁我會考慮以後唔再踢波，而且唔會原諒英國政府。
喺緊急會議之後，終於作出正確嘅決定 (暫停聯賽) 。喺呢個決定之前，喺英格蘭踢波嘅球員好似被當成天竺鼠一樣 (指被用作醫學實驗) 。」
「點解要等到星期五先決定呢？點解要阿迪達染病後先暫停呢？
對球員、職員同佢哋家人嚟講，呢個係令人擔心嘅一個星期，令人感受到英國政府、英超賽會及英格蘭足協缺乏領導才能。
當三名李斯特城球員出現病癥後，仲叫我哋繼續踢，但一到阿仙奴咁嘅大球會有人感染，佢哋就被迫要作出反應。
其他體育項目——網球、F1、欖球、高爾夫球、其他國家嘅足球——都已經暫停晒，但我哋就被指示要繼續踢。我知道有球員會諗，係唔係因為錢呢？我都唔敢相信係咁，但我哋嘅馬季竟然仲進行緊，俾咁多人聚集埋一齊，話唔定約翰遜 (首相) 自己有隻馬參賽㖭。」
對於現時聯賽點樣處理，朗尼建議延期到9月再繼續餘下賽程，然後2021同2022球季順勢改喺年初開始，因為可以遷就2022年喺11月至12月進行嘅卡塔爾世界盃。
Source: Talksport、Skysports
事實上，縱使武漢肺炎疫情喺英國開始蔓延，作為完全因為商業利益而誕生嘅聯賽，英超原本連閉門作賽等常見措施都冇，只係取消咗賽前握手儀式，其餘預防措施都係依靠球會自己喺內部去制定。直到阿迪達及赫臣奧度爾確診之後，英超先驚覺事態嚴重，臨急臨忙提出暫停聯賽，英格蘭各級職業聯賽亦係同時宣布暫停。
朗尼就認為英國政府、英超賽會及英格蘭足協缺乏領導才能：「對我嚟講，健康先至係第一位，所有人嘅健康都係，包括球員、球迷，政府必須做出正確嘅決定。如果我因為要去比賽，將病毒帶返屋企傳俾家人，令佢哋患病，咁我會考慮以後唔再踢波，而且唔會原諒英國政府。
喺緊急會議之後，終於作出正確嘅決定 (暫停聯賽) 。喺呢個決定之前，喺英格蘭踢波嘅球員好似被當成天竺鼠一樣 (指被用作醫學實驗) 。」
「點解要等到星期五先決定呢？點解要阿迪達染病後先暫停呢？
對球員、職員同佢哋家人嚟講，呢個係令人擔心嘅一個星期，令人感受到英國政府、英超賽會及英格蘭足協缺乏領導才能。
當三名李斯特城球員出現病癥後，仲叫我哋繼續踢，但一到阿仙奴咁嘅大球會有人感染，佢哋就被迫要作出反應。
其他體育項目——網球、F1、欖球、高爾夫球、其他國家嘅足球——都已經暫停晒，但我哋就被指示要繼續踢。我知道有球員會諗，係唔係因為錢呢？我都唔敢相信係咁，但我哋嘅馬季竟然仲進行緊，俾咁多人聚集埋一齊，話唔定約翰遜 (首相) 自己有隻馬參賽㖭。」
對於現時聯賽點樣處理，朗尼建議延期到9月再繼續餘下賽程，然後2021同2022球季順勢改喺年初開始，因為可以遷就2022年喺11月至12月進行嘅卡塔爾世界盃。
Source: Talksport、Skysports