【後無來者】半場落後三球，費格遜作出執教曼聯而來最瘋狂的半場調動
曼聯傳奇領隊費格遜爵士 (Sir Alex Ferguson) 既然稱得上傳奇，固然有過不少藝高人膽大嘅舉動，甚至爭議事件，例如向碧咸怒踢球鞋嘅「飛靴事件」，令碧咸眉上需要縫針，此後費格遜與碧咸關係破裂。費爵爺喺自傳中回憶，當時佢認為碧咸喺轉會傳聞中迷失，導致水準及態度不佳，接受訓話時竟敢咒罵佢，令佢怒火中燒踢起面前球靴，意外擊中碧咸額頭，而佢事後亦直接向球會提出應將碧咸出售，以保持主帥權威，後者當季後就加盟皇家馬德里。費爵爺執教生涯做出嘅驚人之舉，唔一定都正確或有正面效果，但都係有賴於佢嘅成就、「江湖地位」及果敢性格，換成今日一名普通主帥，球會就可能選擇企喺當家球星一邊。
費Sir令人驚訝嘅事好多，但要數佢執教曼聯而來最瘋狂，可能就係以下呢一個，因為呢個舉動絕對唔會喺今時今日任何一個高度商業化嘅主流聯賽中發生。
1996年4月13日，曼聯作客修咸頓，當時曼聯坐擁簡東拿、堅尼、碧咸、傑斯等猛將，正處於爭冠最後直路，面對只有中下游成績嘅修咸頓。豈料，曼聯半場已經落後至0-3，戰況顯然令人相當意外，而費Sir亦相當憤怒，令佢作出執教曼聯而來最瘋狂嘅半場調動，呢個調動唔係關於球員，而係球衣。費Sir喺更衣室內向球員下令：「除咗件衫佢，換過第二件！」
https://www.youtube.com/watch?v=R_P5gYZEbWw&feature=emb_logo
曼聯今仗本來身穿灰色球衣上陣，但到下半場卻全隊換成藍白間條球衣，令在場所有人，包括評述及球迷都相當驚訝，佢哋未見過有咁嘅事。費Sir賽後解釋：「班球員唔鍾意件灰色衫。佢哋睇唔到其他隊友，佢哋話隊友企得遠啲就睇唔到。換衫完全同迷信無關。」結果，曼聯仍然回天乏術，只係可以靠傑斯完場前破蛋，以1-3敗走。
事件喺賽後成為熱話，好多人認為費Sir只係搵藉口。不過，費Sir嘅「愛徒」加利尼維利就唔係咁睇法，該場比賽踢足90分鐘嘅佢，2018年喺一個網上電台節目中回憶，費Sir當時要求換衫，佢認為費Sir好討厭件衫，但係有科學根據支持。「加利仔」表示，當年費Sir曾經喺利物浦大學邀請一位研究視覺嘅專家到球會，呢位專家每兩個星期就會到球會一次。「加利仔」仍然記得呢位專家向費Sir講述人嘅視覺，例如如何喺抬頭一瞬間形成對在場形勢、人及物件位置嘅判斷，「喺人群中，有啲顏色係你會更快睇得到」，專家亦負責同球員做視力及警覺性訓練。所以，「加利仔」認為費Sir選擇換衫係有道理，正如馬路維修工人都會著鮮色衣服一樣。「加利仔」指，費Sir喺事後甚至要求視覺專家參與下季球衣設計過程。
事實上，曼聯當季成功奪得英超冠軍，而且喺呢場比賽前錄得連續12場聯賽不敗，但呢場一穿起灰色球衣就半場大敗三球，而佢哋此前4次穿上灰色球衣亦從未贏波，連同呢一場波共錄得4負1和。以曼聯只英超元年起嘅班霸實力，難怪費Sir會認為呢個劣跡可能唔係巧合咁簡單。
其實喺比賽中途擅自更換球衣顏色，係違反規則，加上現今足球商業掛帥，球衣贊助及球衣品牌係球會一大收入來源，今時今日大概唔可能再有主流聯賽嘅主帥公開將失利同球衣掛勾。賽後，曼聯被賽會罰款10,000英鎊，但費格遜就豪言 "the best £10,000 I ever spent" 。
另一方面，「加利仔」都認同費Sir喺「轉移視線」方面的確係專家，意思係好似今日嘅摩連奴咁，遇上失利時，擅長用一啲爭議舉動或藉口去轉移輿論焦點，令球員不致承受太大壓力。至於該仗為修咸頓攻入第三球嘅名宿拿鐵斯 (Matt Le Tissier) 就認為費Sir講嘅係無稽之談：「呢個係我聽過最爛嘅藉口，明顯係一名主帥嘗試令批評從球員身上轉移。我哋純粹係將佢哋技術性擊倒，我記得佢哋喺完場前破蛋，但同件波衫無關。」
2017-18球季，曼聯再次推出灰色第三作客球衣，據稱係採用一位球迷嘅設計，通過球迷投票及名宿挑選落實，如果費Sir仲教緊曼聯，唔知會唔會俾呢件事發生呢？
全場精華
https://www.youtube.com/watch?v=g_5Wt_kGrJc
Source: Manutd.com、Goal、Sportbible
費Sir令人驚訝嘅事好多，但要數佢執教曼聯而來最瘋狂，可能就係以下呢一個，因為呢個舉動絕對唔會喺今時今日任何一個高度商業化嘅主流聯賽中發生。
1996年4月13日，曼聯作客修咸頓，當時曼聯坐擁簡東拿、堅尼、碧咸、傑斯等猛將，正處於爭冠最後直路，面對只有中下游成績嘅修咸頓。豈料，曼聯半場已經落後至0-3，戰況顯然令人相當意外，而費Sir亦相當憤怒，令佢作出執教曼聯而來最瘋狂嘅半場調動，呢個調動唔係關於球員，而係球衣。費Sir喺更衣室內向球員下令：「除咗件衫佢，換過第二件！」
https://www.youtube.com/watch?v=R_P5gYZEbWw&feature=emb_logo
曼聯今仗本來身穿灰色球衣上陣，但到下半場卻全隊換成藍白間條球衣，令在場所有人，包括評述及球迷都相當驚訝，佢哋未見過有咁嘅事。費Sir賽後解釋：「班球員唔鍾意件灰色衫。佢哋睇唔到其他隊友，佢哋話隊友企得遠啲就睇唔到。換衫完全同迷信無關。」結果，曼聯仍然回天乏術，只係可以靠傑斯完場前破蛋，以1-3敗走。
事件喺賽後成為熱話，好多人認為費Sir只係搵藉口。不過，費Sir嘅「愛徒」加利尼維利就唔係咁睇法，該場比賽踢足90分鐘嘅佢，2018年喺一個網上電台節目中回憶，費Sir當時要求換衫，佢認為費Sir好討厭件衫，但係有科學根據支持。「加利仔」表示，當年費Sir曾經喺利物浦大學邀請一位研究視覺嘅專家到球會，呢位專家每兩個星期就會到球會一次。「加利仔」仍然記得呢位專家向費Sir講述人嘅視覺，例如如何喺抬頭一瞬間形成對在場形勢、人及物件位置嘅判斷，「喺人群中，有啲顏色係你會更快睇得到」，專家亦負責同球員做視力及警覺性訓練。所以，「加利仔」認為費Sir選擇換衫係有道理，正如馬路維修工人都會著鮮色衣服一樣。「加利仔」指，費Sir喺事後甚至要求視覺專家參與下季球衣設計過程。
事實上，曼聯當季成功奪得英超冠軍，而且喺呢場比賽前錄得連續12場聯賽不敗，但呢場一穿起灰色球衣就半場大敗三球，而佢哋此前4次穿上灰色球衣亦從未贏波，連同呢一場波共錄得4負1和。以曼聯只英超元年起嘅班霸實力，難怪費Sir會認為呢個劣跡可能唔係巧合咁簡單。
其實喺比賽中途擅自更換球衣顏色，係違反規則，加上現今足球商業掛帥，球衣贊助及球衣品牌係球會一大收入來源，今時今日大概唔可能再有主流聯賽嘅主帥公開將失利同球衣掛勾。賽後，曼聯被賽會罰款10,000英鎊，但費格遜就豪言 "the best £10,000 I ever spent" 。
另一方面，「加利仔」都認同費Sir喺「轉移視線」方面的確係專家，意思係好似今日嘅摩連奴咁，遇上失利時，擅長用一啲爭議舉動或藉口去轉移輿論焦點，令球員不致承受太大壓力。至於該仗為修咸頓攻入第三球嘅名宿拿鐵斯 (Matt Le Tissier) 就認為費Sir講嘅係無稽之談：「呢個係我聽過最爛嘅藉口，明顯係一名主帥嘗試令批評從球員身上轉移。我哋純粹係將佢哋技術性擊倒，我記得佢哋喺完場前破蛋，但同件波衫無關。」
2017-18球季，曼聯再次推出灰色第三作客球衣，據稱係採用一位球迷嘅設計，通過球迷投票及名宿挑選落實，如果費Sir仲教緊曼聯，唔知會唔會俾呢件事發生呢？
全場精華
https://www.youtube.com/watch?v=g_5Wt_kGrJc
Source: Manutd.com、Goal、Sportbible