五冠中超名將示範「若要人不知，唔好太低B」，後果轟動原來正中球會下懷？
子華神曰：「若要人不知，唔好太低B」，實在係至理明言，做出不當行為已經係唔啱，仲要大搖大擺係人都知，好自然會被發現，要負上後果。昨日中超名將于漢超就犯下呢個錯誤，令自己千萬年薪報銷，兼要承擔法律責任。
到底于漢超做咗咩咁大件事？其實話大唔大，話小唔小，佢犯嘅係塗改車牌。事緣呢位33歲國腳日前被人拍攝到，喺街邊當眾塗改車牌字母，將自己坐駕車牌中嘅「E」改成「F」，即係用假車牌啦！片段被上傳到網上之後，廣州交通警嘅官方微博竟然留言話「情況已收到，我們來跟進」，消息指于漢超自行向天河公安報到。
有片:
https://youtu.be/xmjYDcy0In8
根據《懂球帝》轉載廣州恆大跟隊記者李儀報導，于漢超塗改車牌嘅動機有兩個可能，可能係由於于漢超嘅車牌係外地車牌，因為佢喺大連出生，戶籍應同樣為大連，而根據廣州交通管制政策，為限制路上車輛數目，非「粵A」車牌車主只可以「開四停四」，即連續行駛超過四日後必須停駛四日，所以于漢超為避開規則而塗改車牌。第二個原因，即使于漢超更改戶籍到廣州，佢嘅坐駕同樣會因為車齡太大而無法達到排放標準，因此無法換成「粵A」車牌。根據相片顯示，佢車牌清楚印上一個「遼」字，因此應屬第一個原因。如中國網民所講，于漢超貫徹佢平時嘅形象，係一名相當低調樸實嘅球員，佢即使年薪千萬都係揸住一架跟隨佢多年嘅舊車，假如于漢超稍微奢侈一啲，絕對可以買夠幾架車，一日換一架輪流揸，就唔需要改車牌，亦有人認為于漢超當街當巷做手腳實在太蠢，而且犯法承擔後果好應該。
總之，佢就被警方處以行政拘留15日、罰款5000元人民幣及駕駛執照扣12分。咁仲未夠，廣州恆大喺事後就宣布，由於于漢超嚴重違反隊規，決定解僱于漢超，令呢名效力球隊6季，協助廣州恆大奪得五次中超冠軍及一次亞冠冠軍嘅功臣喺職業生涯黃昏期淪為失業，據報道，佢本來同恆大仲有一年合約，年薪超過1500萬元人民幣。
不論邊一個國家，都發生過球星超速駕駛、酒後駕駛等事件，按理說隨時涉及人命傷亡，後果應該比塗改車牌嚴重，但甚少聽聞有球會因球員違犯交通規例而解約，所以事件亦轟動中國球壇。難怪有球迷認為于漢超係「以低級錯誤絕殺了自己」，亦有球迷為佢抱不平，認為廣州恆大處罰過嚴，不近人情。另一方面，其他評論認為，廣州恆大早已頒下隊規《三九隊規》，明確註明如有任何違法行為者開除，于漢超自己因小事觸犯隊規，與人無尤，而且于漢超身為國腳，心存僥倖無視法律，影響球員球會形象，難怪恆大首次執行開除球員嘅隊規。
不過，即使喺中國球圈內近年都試過有球員超速駕駛或酒後駕駛，除咗法律後果之外，只要球員態度良好、主動認錯，球會或足協最多都係罰錢罰停賽，《新浪體育》撰文分析，認為廣州恆大借小事下殺手，其實係正好乘機裁走高薪老將。廣州恆大意欲年輕化已久，近年已清洗多名老將，剩低嘅33歲或已上球員有老牌國腳郜林、馮瀟霆、門將曾誠、隊長鄭智，以及于漢超，佢亦因為傷病等原因正淡出主力陣容，如果呢個係真正原因，真係有啲涼薄，但亦要怪于漢超自投羅網。
Source: 新浪體育、懂球帝、UDN
到底于漢超做咗咩咁大件事？其實話大唔大，話小唔小，佢犯嘅係塗改車牌。事緣呢位33歲國腳日前被人拍攝到，喺街邊當眾塗改車牌字母，將自己坐駕車牌中嘅「E」改成「F」，即係用假車牌啦！片段被上傳到網上之後，廣州交通警嘅官方微博竟然留言話「情況已收到，我們來跟進」，消息指于漢超自行向天河公安報到。
有片:
https://youtu.be/xmjYDcy0In8
根據《懂球帝》轉載廣州恆大跟隊記者李儀報導，于漢超塗改車牌嘅動機有兩個可能，可能係由於于漢超嘅車牌係外地車牌，因為佢喺大連出生，戶籍應同樣為大連，而根據廣州交通管制政策，為限制路上車輛數目，非「粵A」車牌車主只可以「開四停四」，即連續行駛超過四日後必須停駛四日，所以于漢超為避開規則而塗改車牌。第二個原因，即使于漢超更改戶籍到廣州，佢嘅坐駕同樣會因為車齡太大而無法達到排放標準，因此無法換成「粵A」車牌。根據相片顯示，佢車牌清楚印上一個「遼」字，因此應屬第一個原因。如中國網民所講，于漢超貫徹佢平時嘅形象，係一名相當低調樸實嘅球員，佢即使年薪千萬都係揸住一架跟隨佢多年嘅舊車，假如于漢超稍微奢侈一啲，絕對可以買夠幾架車，一日換一架輪流揸，就唔需要改車牌，亦有人認為于漢超當街當巷做手腳實在太蠢，而且犯法承擔後果好應該。
總之，佢就被警方處以行政拘留15日、罰款5000元人民幣及駕駛執照扣12分。咁仲未夠，廣州恆大喺事後就宣布，由於于漢超嚴重違反隊規，決定解僱于漢超，令呢名效力球隊6季，協助廣州恆大奪得五次中超冠軍及一次亞冠冠軍嘅功臣喺職業生涯黃昏期淪為失業，據報道，佢本來同恆大仲有一年合約，年薪超過1500萬元人民幣。
不論邊一個國家，都發生過球星超速駕駛、酒後駕駛等事件，按理說隨時涉及人命傷亡，後果應該比塗改車牌嚴重，但甚少聽聞有球會因球員違犯交通規例而解約，所以事件亦轟動中國球壇。難怪有球迷認為于漢超係「以低級錯誤絕殺了自己」，亦有球迷為佢抱不平，認為廣州恆大處罰過嚴，不近人情。另一方面，其他評論認為，廣州恆大早已頒下隊規《三九隊規》，明確註明如有任何違法行為者開除，于漢超自己因小事觸犯隊規，與人無尤，而且于漢超身為國腳，心存僥倖無視法律，影響球員球會形象，難怪恆大首次執行開除球員嘅隊規。
不過，即使喺中國球圈內近年都試過有球員超速駕駛或酒後駕駛，除咗法律後果之外，只要球員態度良好、主動認錯，球會或足協最多都係罰錢罰停賽，《新浪體育》撰文分析，認為廣州恆大借小事下殺手，其實係正好乘機裁走高薪老將。廣州恆大意欲年輕化已久，近年已清洗多名老將，剩低嘅33歲或已上球員有老牌國腳郜林、馮瀟霆、門將曾誠、隊長鄭智，以及于漢超，佢亦因為傷病等原因正淡出主力陣容，如果呢個係真正原因，真係有啲涼薄，但亦要怪于漢超自投羅網。
Source: 新浪體育、懂球帝、UDN