創意無限！球隊想出安全的現場觀賽方法
雖然喺幾個歐洲主流聯賽所在嘅國家，疫情仍然未受到控制，不過歐洲仍有其他國家比較有希望於未來一至兩個月內可以開始有限度地進行足球賽事，例如通過閉門作賽等方式。對於球會而言，閉門作賽不論財政及主場氣氛，同樣對球會不利，最近就有報導指，有球會打算於閉門作賽時播放球迷聲效模擬氣氛，但始終唔係好辦法，丹麥就有球會諗出「絕世好橋」，可以俾真實嘅球迷去到主場打氣，而且佢哋相信呢個方法係相當安全。
丹麥超級聯賽球隊米迪蘭特 (FC Midtjylland) ，相信近年有留意歐洲賽事嘅球迷可能有睇過佢哋嘅比賽 (2015-16球季曾於歐霸32強面對曼聯)，呢支對上五季丹超取得兩次冠軍嘅當地聯賽新貴，睇嚟喺凝聚球迷方面比較有心得，佢哋想出一個既可以讓球迷去到球隊主場，又可以保持彼此安全距離嘅方法，一旦聯賽於下月以閉門方式復賽，就可以大派用場。
《BBC》報導，米迪蘭特市場推廣總監 Preben Rokkjaer 向當地報章透露呢個取巧方法，就係外國流行嘅 "drive-in" 。對於香港球迷嚟講，"drive-in" 可能係一個比較陌生嘅概念，"drive-in" 喺呢度所指嘅係 "drive-in theater" 露天汽車影院，即係喺一大塊停車場上面，豎立一個大屏幕或用投影方式，俾喺車上嘅人觀看電影，再透過車內收音機收聽電影音效。呢種設施由二戰前已經喺美國出現，及後慢慢演變，直到90年度更曾經喺韓國等亞洲地區盛行，吸引之處係可以留喺一個較有私隱嘅空間自由自在咁睇戲，例如可以食自己帶去嘅食物，可以隨意傾談或者唔怕俾其他人騷擾。
Drive-in theater:
米迪蘭特嘅想法就係喺主場外嘅停車場設立 "drive-in theater" ，可以俾多達2,000架車停泊，供最多10,000名球迷以最靠近球場嘅方式觀賞賽事，同時又可以保持球迷與球迷之間嘅距離，足夠齊心的話，佢哋嘅即時反應及打氣聲亦會傳到球場之內 (甚至可以加裝收音設備呢！) ，雖然氣氛不如真正入場觀賽，但起碼對球迷同球員嚟講只係一牆之隔。
市場推廣總監 Preben Rokkjaer 更提議，舉辦「裝扮大賽」，將車輛裝飾得最具主場氣息 (如使用主場顏色) 嘅球迷將會得到獎品，亦會設立作客球迷區，將雙方球迷分隔開。「我哋努力嘗試創造最好嘅體驗，去回報呢個地區及眾多忠實球迷。我哋一向講明目標係提供最好嘅球場體驗，疫情唔會改變呢樣嘢，佢只會加上一啲前設。」 Preben Rokkjaer 甚至已設想到其他公共衛生需要，例如萬一球迷要去廁所，佢哋只需要閃一閃車頭燈，就會有保安人員帶佢哋去廁所，而且確保事後消毒。
根據《BBC》報導，丹麥首相 Mette Frederiksen 已於上周五宣布逐步放寬防疫措施，同時繼續執行社交距離規定，包括學校、美容院、髮型屋及牙醫診所等已經重開。丹麥超級聯賽亦預計於5月17日重開。
Source: BBC
丹麥超級聯賽球隊米迪蘭特 (FC Midtjylland) ，相信近年有留意歐洲賽事嘅球迷可能有睇過佢哋嘅比賽 (2015-16球季曾於歐霸32強面對曼聯)，呢支對上五季丹超取得兩次冠軍嘅當地聯賽新貴，睇嚟喺凝聚球迷方面比較有心得，佢哋想出一個既可以讓球迷去到球隊主場，又可以保持彼此安全距離嘅方法，一旦聯賽於下月以閉門方式復賽，就可以大派用場。
《BBC》報導，米迪蘭特市場推廣總監 Preben Rokkjaer 向當地報章透露呢個取巧方法，就係外國流行嘅 "drive-in" 。對於香港球迷嚟講，"drive-in" 可能係一個比較陌生嘅概念，"drive-in" 喺呢度所指嘅係 "drive-in theater" 露天汽車影院，即係喺一大塊停車場上面，豎立一個大屏幕或用投影方式，俾喺車上嘅人觀看電影，再透過車內收音機收聽電影音效。呢種設施由二戰前已經喺美國出現，及後慢慢演變，直到90年度更曾經喺韓國等亞洲地區盛行，吸引之處係可以留喺一個較有私隱嘅空間自由自在咁睇戲，例如可以食自己帶去嘅食物，可以隨意傾談或者唔怕俾其他人騷擾。
Drive-in theater:
米迪蘭特嘅想法就係喺主場外嘅停車場設立 "drive-in theater" ，可以俾多達2,000架車停泊，供最多10,000名球迷以最靠近球場嘅方式觀賞賽事，同時又可以保持球迷與球迷之間嘅距離，足夠齊心的話，佢哋嘅即時反應及打氣聲亦會傳到球場之內 (甚至可以加裝收音設備呢！) ，雖然氣氛不如真正入場觀賽，但起碼對球迷同球員嚟講只係一牆之隔。
市場推廣總監 Preben Rokkjaer 更提議，舉辦「裝扮大賽」，將車輛裝飾得最具主場氣息 (如使用主場顏色) 嘅球迷將會得到獎品，亦會設立作客球迷區，將雙方球迷分隔開。「我哋努力嘗試創造最好嘅體驗，去回報呢個地區及眾多忠實球迷。我哋一向講明目標係提供最好嘅球場體驗，疫情唔會改變呢樣嘢，佢只會加上一啲前設。」 Preben Rokkjaer 甚至已設想到其他公共衛生需要，例如萬一球迷要去廁所，佢哋只需要閃一閃車頭燈，就會有保安人員帶佢哋去廁所，而且確保事後消毒。
根據《BBC》報導，丹麥首相 Mette Frederiksen 已於上周五宣布逐步放寬防疫措施，同時繼續執行社交距離規定，包括學校、美容院、髮型屋及牙醫診所等已經重開。丹麥超級聯賽亦預計於5月17日重開。
Source: BBC