UEFA開會商量球季腰斬方案，曼聯阿仙奴可否執雞入歐聯？
UEFA 歐洲足協近日繼續開會，研究因應疫情而暫停嘅歐洲聯賽如何處理。《Sky Sports》報導，歐洲足協最遲將於5月中發布官方指引，處理各種不同情況，包括聯賽延期、腰斬等情況下，如何決定下季歐洲賽資格等問題。
雖然歐洲足協早前曾經表示，如果成員聯賽未得歐洲足協批准下將球季腰斬，就可能不獲分配下季歐洲賽資格，同時表明鼓勵各成員聯賽完成聯賽，不過現時歐洲各國疫情各異，部分國家如意大利仍然未有疫情放緩跡象，而部分國家就已準備好重開聯賽，例如丹麥就已逐步放寬國內防疫政策，或可於5月17日重開丹麥超級聯賽，而德國亦正研究於5月初恢復德甲。因此，有部分聯賽如期完成並會於下半年展開新球季，此舉有可能促使其他未能如期復賽嘅聯賽選擇將球季腰斬，與前者同步展開新球季 (因為可能涉及歐洲賽及球員合約問題)。
歐洲足協正正需要考慮呢個特別情況，如果有聯賽向歐洲足協提出決定腰斬，歐洲足協可以向佢哋乜嘢指示，去定出下季歐聯歐霸參賽資格？按不完整球季嘅成績結算係一個好大問題嘅做法，相信唔會被採納。其中一個坊間比較多人講嘅係按上季成績決定，背後邏輯係上季成績係最近一個可參考嘅完整賽季。至於另一個方案，係此前較少人想到，今次會議上有人提出嘅球會歐戰系數。
球會歐戰系數，即歐洲足協球會系數 (sporting club coefficient) ，按照每間球會過去5年於歐聯及歐霸比賽嘅成績計算。根據歐洲足協規則文件，球會系數一般用途係決定歐聯及歐霸各階段抽籤種子組別，亦會於分組賽分數相同時，成為最後一個 tie-breaker (其他各項條件都相同時作為決勝準則) 。據報，有人於歐洲足協會上提出，如有聯賽決定腰斬，應使用球會系數決定歐聯及歐霸資格。
雖然呢個消息係由公信力欠佳嘅《太陽報》報導，但亦無需因人廢言，呢個方案喺會上討論確係不足為奇。問題在於，即使歐洲足協有討論呢個方案，採用嘅機會有幾高呢。以英超為例，一旦採用呢個方案，球會系數最高4支球隊將獲歐聯資格，而呢4支球隊依次序係曼城、利物浦、曼聯及阿仙奴，當中曼聯及阿仙奴都不屬於現階般聯賽榜前四分子，聯賽排第5位嘅曼聯於恢復餘下賽事時爭奪前四機會尚且較大，但阿仙奴近季都難以挑戰前四位置，目前更只排第9位。
因此可想而知，萬一用球會系數決定歐聯席位，而英超最終真係需要腰斬，有幾間球會有可能提出法律訴訟，而且呢個情況可能喺其他歐洲聯賽同樣上演。所以，呢個方案被採納嘅機會實在唔高。老實講，只要球季腰斬，似乎任何處理方法都將會引起極大爭議及難保公平，所以歐洲各國亦應該靜觀其變，齊齊靜心等待本國及鄰國疫情受控，切勿急於恢復聯賽及開始新球季，待疫情過後完成今季聯賽始終係目前最穩妥做法。
Source: UEFA、Sky Sports、The Sun
雖然歐洲足協早前曾經表示，如果成員聯賽未得歐洲足協批准下將球季腰斬，就可能不獲分配下季歐洲賽資格，同時表明鼓勵各成員聯賽完成聯賽，不過現時歐洲各國疫情各異，部分國家如意大利仍然未有疫情放緩跡象，而部分國家就已準備好重開聯賽，例如丹麥就已逐步放寬國內防疫政策，或可於5月17日重開丹麥超級聯賽，而德國亦正研究於5月初恢復德甲。因此，有部分聯賽如期完成並會於下半年展開新球季，此舉有可能促使其他未能如期復賽嘅聯賽選擇將球季腰斬，與前者同步展開新球季 (因為可能涉及歐洲賽及球員合約問題)。
歐洲足協正正需要考慮呢個特別情況，如果有聯賽向歐洲足協提出決定腰斬，歐洲足協可以向佢哋乜嘢指示，去定出下季歐聯歐霸參賽資格？按不完整球季嘅成績結算係一個好大問題嘅做法，相信唔會被採納。其中一個坊間比較多人講嘅係按上季成績決定，背後邏輯係上季成績係最近一個可參考嘅完整賽季。至於另一個方案，係此前較少人想到，今次會議上有人提出嘅球會歐戰系數。
球會歐戰系數，即歐洲足協球會系數 (sporting club coefficient) ，按照每間球會過去5年於歐聯及歐霸比賽嘅成績計算。根據歐洲足協規則文件，球會系數一般用途係決定歐聯及歐霸各階段抽籤種子組別，亦會於分組賽分數相同時，成為最後一個 tie-breaker (其他各項條件都相同時作為決勝準則) 。據報，有人於歐洲足協會上提出，如有聯賽決定腰斬，應使用球會系數決定歐聯及歐霸資格。
雖然呢個消息係由公信力欠佳嘅《太陽報》報導，但亦無需因人廢言，呢個方案喺會上討論確係不足為奇。問題在於，即使歐洲足協有討論呢個方案，採用嘅機會有幾高呢。以英超為例，一旦採用呢個方案，球會系數最高4支球隊將獲歐聯資格，而呢4支球隊依次序係曼城、利物浦、曼聯及阿仙奴，當中曼聯及阿仙奴都不屬於現階般聯賽榜前四分子，聯賽排第5位嘅曼聯於恢復餘下賽事時爭奪前四機會尚且較大，但阿仙奴近季都難以挑戰前四位置，目前更只排第9位。
因此可想而知，萬一用球會系數決定歐聯席位，而英超最終真係需要腰斬，有幾間球會有可能提出法律訴訟，而且呢個情況可能喺其他歐洲聯賽同樣上演。所以，呢個方案被採納嘅機會實在唔高。老實講，只要球季腰斬，似乎任何處理方法都將會引起極大爭議及難保公平，所以歐洲各國亦應該靜觀其變，齊齊靜心等待本國及鄰國疫情受控，切勿急於恢復聯賽及開始新球季，待疫情過後完成今季聯賽始終係目前最穩妥做法。
Source: UEFA、Sky Sports、The Sun