巴塞出售魯營冠名權籌錢，發言人稱佩雷斯都可以買？
西甲球會巴塞隆拿於官方網頁發表聲明宣布，巴塞將於歷史上首次將主場魯營球場冠名權出售予贊助商，於下季起生效。
巴塞隆拿官方聲明表示，董事局通過決議，贊助商可以通過贊助巴塞隆拿基金會，獲得2020-21球季魯營球場冠名權，資金將用於資助有關近日疫情之研究項目。原來係用於抗疫用途，成件事即刻唔同曬！
事後，巴塞發言人Josep Vives被問到，如果死敵皇家馬德里主席佩雷斯 (Florentino Pérez) 旗下公司ACS出錢，巴塞會唔會照樣出售冠名權，還是有某啲限制？發言人一派官腔，答道：「佩雷斯可唔可以買？我哋對任何公司都要保持開放態度。」("If it could be called ACS Camp Nou?" he answered. "We must be open to any company." )
此言一出，馬上成為各大媒體嘅sound bite，有網民見到就相當興奮，講笑咁話皇馬可以出錢買咗魯營個名，改做皇馬相關嘅名，例如班拿貝二號之類，又有網民戲言，叫C朗購買魯營冠名權，改做CR7球場，整蠱下美斯。
講係咁講，如果巴塞係為咗球會賺錢而咁樣做，仲要話佩雷斯都唔介意，咁就會被視為一個頗為無恥嘅做法，再加上近期眾多是是非非，真係又一次公關災難，但今次唔同，由巴塞講明收益係慈善用途開始，已經立於不敗之地，如果皇馬真係用呢個機會去羞辱巴塞，真正被羞辱嘅其實只有自己。就連立場一向較偏向皇馬嘅馬卡報，亦刊出一篇評論文章，題為 "Barcelona's Camp Nou gesture deserves praise" ，大讚巴塞做法，文中指巴塞曾經免費送出球衣胸前廣告位置予UNICEF (聯合國兒童基金會) ，今次即使球會本身受疫情打擊不少，球會史上首次出售魯營冠名權嘅舉動，竟是作為慈善用途，而非為球會自身利益，值得欽佩。誠如巴塞官方聲明所指，今次決定係體現咗球會宗旨 "Més que un club" ("More than a club") 。
Source: Sport.es、fcbarcelona.com、Marca
巴塞隆拿官方聲明表示，董事局通過決議，贊助商可以通過贊助巴塞隆拿基金會，獲得2020-21球季魯營球場冠名權，資金將用於資助有關近日疫情之研究項目。原來係用於抗疫用途，成件事即刻唔同曬！
事後，巴塞發言人Josep Vives被問到，如果死敵皇家馬德里主席佩雷斯 (Florentino Pérez) 旗下公司ACS出錢，巴塞會唔會照樣出售冠名權，還是有某啲限制？發言人一派官腔，答道：「佩雷斯可唔可以買？我哋對任何公司都要保持開放態度。」("If it could be called ACS Camp Nou?" he answered. "We must be open to any company." )
此言一出，馬上成為各大媒體嘅sound bite，有網民見到就相當興奮，講笑咁話皇馬可以出錢買咗魯營個名，改做皇馬相關嘅名，例如班拿貝二號之類，又有網民戲言，叫C朗購買魯營冠名權，改做CR7球場，整蠱下美斯。
講係咁講，如果巴塞係為咗球會賺錢而咁樣做，仲要話佩雷斯都唔介意，咁就會被視為一個頗為無恥嘅做法，再加上近期眾多是是非非，真係又一次公關災難，但今次唔同，由巴塞講明收益係慈善用途開始，已經立於不敗之地，如果皇馬真係用呢個機會去羞辱巴塞，真正被羞辱嘅其實只有自己。就連立場一向較偏向皇馬嘅馬卡報，亦刊出一篇評論文章，題為 "Barcelona's Camp Nou gesture deserves praise" ，大讚巴塞做法，文中指巴塞曾經免費送出球衣胸前廣告位置予UNICEF (聯合國兒童基金會) ，今次即使球會本身受疫情打擊不少，球會史上首次出售魯營冠名權嘅舉動，竟是作為慈善用途，而非為球會自身利益，值得欽佩。誠如巴塞官方聲明所指，今次決定係體現咗球會宗旨 "Més que un club" ("More than a club") 。
Source: Sport.es、fcbarcelona.com、Marca