解釋當年與雲加不和傳聞，施捷斯尼：離廠由一支煙開始
祖雲達斯門將施捷斯尼 (Wojciech Szczesny) 當年於阿仙奴出道時，已被雲加認定為未來首席門將，結果佢未成長到當初預期，就被阿仙奴賣走，喺阿仙奴立場嚟講係有少少遺憾，而佢現時雖然仍未算公認頂級，但能夠為意甲班霸祖雲達斯把關，職業生涯發展無論如何都係更上一層樓。當年施捷斯尼由阿仙奴長居正選，到最終被賣走，被傳係因為紀律問題，更有指佢因為賽後喺更衣室內吸煙，引發與雲加不和，因此被放棄。施捷斯尼近日接受訪問時，透露當年內情，傳聞其實係半真半假。
話說喺2015年元旦，阿仙奴作客修咸頓，比賽中施捷斯尼首先一次出迎失誤，被沙迪奧文尼窄位笠射建功，其後再有一次喺兩位隊友之間，小禁區內求其一腳將個波篤橫，被泰迪治輕鬆射入，令球隊以0-2落敗。佢當刻嘅壓力可想而知，而佢喺失第二球後坐喺門線飲水嘅畫面亦都令好多球迷印象深刻。
點知施捷斯尼除咗飲水減壓之外，仲有特別減壓「技巧」，冇錯！就係好多人都覺得有效嘅食煙。施捷斯尼透露，當年有關佢輸波後喺更衣室內吸煙嘅傳聞係真嘅，佢結果亦都被雲加懲罰，而且呢場比賽成為佢最後一次為阿仙奴於英超上陣，但雲加並冇對佢大發雷霆，更加冇任何不愉快事件發生。
「因為要發洩比賽中嘅情緒，我喺更衣室入面食煙。當時大家都喺度，我匿埋喺淋浴間嘅一角，一個冇人見到嘅地方，點起一枝煙。
結果都係有人睇到，而且向雲加報告。幾日之後，雲加搵我，佢問我係唔係真，我話係。佢就罰我錢，件事就完咗。跟住佢話『嗱，你暫時冇得做正選住』，但我哋之間冇任何衝突同不和，我都好專業咁接受。」
「當年我一向都有食煙，雲加都好清楚，不過佢只係唔想有人喺更衣室入面食，其實我都知道。」
「之後我準備坐個星期板凳就可以做返正選，但當時球隊同埋奧斯賓拿狀態都唔錯，佢嗰幾場真係踢得好好，所以佢繼續正選。
咁即係我要等待機會搶返個正選位，或者外借出去，向雲加證明我仍然係球會最好嘅門將。」
結果，喺修咸頓呢場波後，施捷斯尼只係喺盃賽上陣，而當季季尾 (2015夏)，阿仙奴就由車路士簽下施治，促使施捷斯尼連續兩季外借到羅馬，最終於2017年夏天加盟祖雲達斯。
修咸頓 2-0 阿仙奴 (2015-01-01)
https://www.youtube.com/watch?v=yfdVG0ER5is
Source: Goal
話說喺2015年元旦，阿仙奴作客修咸頓，比賽中施捷斯尼首先一次出迎失誤，被沙迪奧文尼窄位笠射建功，其後再有一次喺兩位隊友之間，小禁區內求其一腳將個波篤橫，被泰迪治輕鬆射入，令球隊以0-2落敗。佢當刻嘅壓力可想而知，而佢喺失第二球後坐喺門線飲水嘅畫面亦都令好多球迷印象深刻。
點知施捷斯尼除咗飲水減壓之外，仲有特別減壓「技巧」，冇錯！就係好多人都覺得有效嘅食煙。施捷斯尼透露，當年有關佢輸波後喺更衣室內吸煙嘅傳聞係真嘅，佢結果亦都被雲加懲罰，而且呢場比賽成為佢最後一次為阿仙奴於英超上陣，但雲加並冇對佢大發雷霆，更加冇任何不愉快事件發生。
「因為要發洩比賽中嘅情緒，我喺更衣室入面食煙。當時大家都喺度，我匿埋喺淋浴間嘅一角，一個冇人見到嘅地方，點起一枝煙。
結果都係有人睇到，而且向雲加報告。幾日之後，雲加搵我，佢問我係唔係真，我話係。佢就罰我錢，件事就完咗。跟住佢話『嗱，你暫時冇得做正選住』，但我哋之間冇任何衝突同不和，我都好專業咁接受。」
「當年我一向都有食煙，雲加都好清楚，不過佢只係唔想有人喺更衣室入面食，其實我都知道。」
「之後我準備坐個星期板凳就可以做返正選，但當時球隊同埋奧斯賓拿狀態都唔錯，佢嗰幾場真係踢得好好，所以佢繼續正選。
咁即係我要等待機會搶返個正選位，或者外借出去，向雲加證明我仍然係球會最好嘅門將。」
結果，喺修咸頓呢場波後，施捷斯尼只係喺盃賽上陣，而當季季尾 (2015夏)，阿仙奴就由車路士簽下施治，促使施捷斯尼連續兩季外借到羅馬，最終於2017年夏天加盟祖雲達斯。
修咸頓 2-0 阿仙奴 (2015-01-01)
https://www.youtube.com/watch?v=yfdVG0ER5is
Source: Goal