「瀟灑哥」貝碧托夫：你哋話我hea，其實係我擾敵之計
球壇有一位「瀟灑哥」，不但外表瀟灑，更可以喺以節奏快速及身體碰撞激烈嘅英超中，保持處之泰然、以慢打快嘅獨有節奏，一舉手一投足都美妙到令人驚嘆，佢當然就係保加利亞射手貝碧托夫 (Dimitar Berbatov)。對貝碧托夫嘅形容，除咗瀟灑，仲有另外一面嘅hea，而其實所謂瀟灑亦係指佢hea得嚟，同時展現到佢頂級嘅技術，入球效率都唔錯。
現年39歲嘅貝碧托夫已經退役，佢職業生涯上陣665場，射入281球，國家隊亦上陣78場射入48球，具有一定效率。貝碧托夫身高1.89米，接近柱躉式中鋒身高，但佢偏偏係一位腳法細膩嘅墮後型前鋒 (Deeplying Forward)，擅長回後用波，而且門前把握力亦同樣不俗，最大本錢就世界級嘅一腳控球技術 (first touch) 加上閱讀球賽能力，令佢雖然曾經被質疑態度懶散，但總括而言仍喺球迷心目中始終留下深刻印象。
https://i.imgur.com/jxn8gxl.gif
貝碧托夫近日接受訪問時，就談及世人指佢hea嘅呢個印象。貝碧托夫表示：「每個人睇波同踢波嘅方式都唔一樣。我唔同嘅地方，就係有時會令人覺得我游離於比賽之外，但與此同時我喺度觀察全場，尋找適合我嘅位置同適合嘅時機，等我可以搵到一個身後冇對手緊逼，可以有更多時間輕鬆接波嘅空間。
當我搵到呢個時間同空間，我就有更多時間去思考，要將個波送去邊個位。
有啲人唔明白呢一點，如果你足夠聰明，就算你冇足夠嘅速度，一樣可以『快』。你可以搵一個更好嘅位置，同埋更好地利用球隊嘅支援。
你可以想像下我喺熱刺嘅時候，強於跑動嘅人，有迪科爾、羅比堅尼同其他人，都比我強。但其實我個腦一直都跑緊 (指思考) ，只要我見到任何人位置俾我好，我一定會傳波，唔可以自私，因為我哋共同承擔勝負。
睇落或者好奇怪，但我喺每一隊都係咁踢。有時球迷或者隊友都唔理解，佢哋會擔心我唔係幫緊球隊，不過一段時間之後大家就會習慣，因為你會發現咁做真係有用。」
球王片:
https://youtu.be/2jqLlCZUCYU
現年39歲嘅貝碧托夫已經退役，佢職業生涯上陣665場，射入281球，國家隊亦上陣78場射入48球，具有一定效率。貝碧托夫身高1.89米，接近柱躉式中鋒身高，但佢偏偏係一位腳法細膩嘅墮後型前鋒 (Deeplying Forward)，擅長回後用波，而且門前把握力亦同樣不俗，最大本錢就世界級嘅一腳控球技術 (first touch) 加上閱讀球賽能力，令佢雖然曾經被質疑態度懶散，但總括而言仍喺球迷心目中始終留下深刻印象。
https://i.imgur.com/jxn8gxl.gif
貝碧托夫近日接受訪問時，就談及世人指佢hea嘅呢個印象。貝碧托夫表示：「每個人睇波同踢波嘅方式都唔一樣。我唔同嘅地方，就係有時會令人覺得我游離於比賽之外，但與此同時我喺度觀察全場，尋找適合我嘅位置同適合嘅時機，等我可以搵到一個身後冇對手緊逼，可以有更多時間輕鬆接波嘅空間。
當我搵到呢個時間同空間，我就有更多時間去思考，要將個波送去邊個位。
有啲人唔明白呢一點，如果你足夠聰明，就算你冇足夠嘅速度，一樣可以『快』。你可以搵一個更好嘅位置，同埋更好地利用球隊嘅支援。
你可以想像下我喺熱刺嘅時候，強於跑動嘅人，有迪科爾、羅比堅尼同其他人，都比我強。但其實我個腦一直都跑緊 (指思考) ，只要我見到任何人位置俾我好，我一定會傳波，唔可以自私，因為我哋共同承擔勝負。
睇落或者好奇怪，但我喺每一隊都係咁踢。有時球迷或者隊友都唔理解，佢哋會擔心我唔係幫緊球隊，不過一段時間之後大家就會習慣，因為你會發現咁做真係有用。」
球王片:
https://youtu.be/2jqLlCZUCYU