傑斯：從來只有四人可豁免費格遜「吹風機」
曼聯傳奇領隊費格遜爵士向來以嚴厲見稱，早就有球員談及費爵爺對球員要求甚高，稍有不滿，就會施以「吹風機」式破口大罵，英國球壇稱之為 ‘hairdryer treatment’ ，可以想像一個人鬧人鬧到好似風筒咁，幫你吹頭，呢個形容就知費Sir鬧人嘅氣勢真係唔講得笑。
費Sir其中一個球隊管理哲學，就係任何人，不論你係幾貴嘅球星，都不得挑戰主帥權威，當年最著名事例就係「飛呠」事件，曼聯「七小福」之一嘅碧咸，不但係球會青訓「根正苗紅」出身，更外型俊俏，有「萬人迷」之稱，費Sir因為覺得佢受轉會傳聞影響變得心散，一次喺更衣室叱責碧咸，不料碧咸成為球星後「有毛有翼」，竟然駁咀鬧返費Sir轉頭，費Sir嬲到一腳踢起腳邊嘅波呠，無情力不慎擊中碧咸眉角，令呢位靚仔球星破相。事後，費Sir更正接向管理層提出必須出售碧咸，以保軍威。可見，冒犯費Sir「天威」嘅人，不論你場內場外影響力有幾大，贊助商有幾支持，一樣冇面俾。
效力曼聯長達27年嘅傑斯，點計都係費Sir其中一位最喜愛嘅弟子，佢最近透露，多年曼聯生涯中，只見過4人可以不受「費Sir吹風機」對待，而自己亦不能倖免。
傑斯表示：「有3-4位球員，費Sir從來唔會鬧。
簡東拿係其中一個，仲有白賴仁笠臣、堅尼同C朗。佢哋每一個都係可以靠一己之力扭轉戰局嘅人。佢哋喺場上永遠做足本份，所以費Sir覺得冇需要鬧佢哋，除咗簡東拿。簡東拿有某啲比賽中乜都冇做，佢入唔到波，又唔會好似泰維斯或者朗尼咁多跑動，完場冇任何建樹，但費Sir知道佢遲早都會有貨交。
我哋有時喺更衣室會諗，『費Sir應該要鬧下佢啦，佢今日好似乜都冇做過咁』。不過下個星期佢又會射入奠勝入球，或者有啲神奇表現，所以可以睇到費Sir處理大牌球星係有一手，只要佢哋喺場上做到嘢，費Sir對佢哋係唔同啲。
費Sir簡直係一位心理學大師，佢好擅長激發個別球員最好嘅一面，佢知道應該要搭你膊頭、半場鬧到飛起、完場先鬧，定係雪藏你，佢總係知道點樣令每一個球員有正面反應。」
「我都試過駁咀，成個職業生涯大約6-7次。佢會因為我駁咀而罰我幾個星期人工。有時候的確會忍唔住，輸完波或者表現唔好，就可能會忍唔住想駁咀。佢喺執教生涯後期同返我講，其實佢鍾意我敢去反抗，因為反映我緊張件事。不過佢仍然要罰我，因為佢要向全隊展示權威，佢真係鍾意有人反抗，但當然唔可以跨過佢嘅底線。」
Source: Givemesport、Talksport
費Sir其中一個球隊管理哲學，就係任何人，不論你係幾貴嘅球星，都不得挑戰主帥權威，當年最著名事例就係「飛呠」事件，曼聯「七小福」之一嘅碧咸，不但係球會青訓「根正苗紅」出身，更外型俊俏，有「萬人迷」之稱，費Sir因為覺得佢受轉會傳聞影響變得心散，一次喺更衣室叱責碧咸，不料碧咸成為球星後「有毛有翼」，竟然駁咀鬧返費Sir轉頭，費Sir嬲到一腳踢起腳邊嘅波呠，無情力不慎擊中碧咸眉角，令呢位靚仔球星破相。事後，費Sir更正接向管理層提出必須出售碧咸，以保軍威。可見，冒犯費Sir「天威」嘅人，不論你場內場外影響力有幾大，贊助商有幾支持，一樣冇面俾。
效力曼聯長達27年嘅傑斯，點計都係費Sir其中一位最喜愛嘅弟子，佢最近透露，多年曼聯生涯中，只見過4人可以不受「費Sir吹風機」對待，而自己亦不能倖免。
傑斯表示：「有3-4位球員，費Sir從來唔會鬧。
簡東拿係其中一個，仲有白賴仁笠臣、堅尼同C朗。佢哋每一個都係可以靠一己之力扭轉戰局嘅人。佢哋喺場上永遠做足本份，所以費Sir覺得冇需要鬧佢哋，除咗簡東拿。簡東拿有某啲比賽中乜都冇做，佢入唔到波，又唔會好似泰維斯或者朗尼咁多跑動，完場冇任何建樹，但費Sir知道佢遲早都會有貨交。
我哋有時喺更衣室會諗，『費Sir應該要鬧下佢啦，佢今日好似乜都冇做過咁』。不過下個星期佢又會射入奠勝入球，或者有啲神奇表現，所以可以睇到費Sir處理大牌球星係有一手，只要佢哋喺場上做到嘢，費Sir對佢哋係唔同啲。
費Sir簡直係一位心理學大師，佢好擅長激發個別球員最好嘅一面，佢知道應該要搭你膊頭、半場鬧到飛起、完場先鬧，定係雪藏你，佢總係知道點樣令每一個球員有正面反應。」
「我都試過駁咀，成個職業生涯大約6-7次。佢會因為我駁咀而罰我幾個星期人工。有時候的確會忍唔住，輸完波或者表現唔好，就可能會忍唔住想駁咀。佢喺執教生涯後期同返我講，其實佢鍾意我敢去反抗，因為反映我緊張件事。不過佢仍然要罰我，因為佢要向全隊展示權威，佢真係鍾意有人反抗，但當然唔可以跨過佢嘅底線。」
Source: Givemesport、Talksport