準備踢歐聯的香港球員——韋婉婷
香港幾時先可以有球員踢歐聯？就快有啦，佢係香港女子足球代表韋婉婷！講起香港足球，好多人一笑置之，但部分人根本睇都冇睇過，亦冇了解過球員嘅故事同血汗。除混血兒及外國留學之外，近年只有少數香港年輕男子球員出外尋求機會，成功嘅仲未見到，而女子足球方面就不斷有球員成功加盟外國球會，亦係相當值得敬佩及支持。
現年27歲嘅韋婉婷，據講係初中時因為女子足球隊唔夠人而被邀請加入，自始展開足球之旅。隨後，韋婉婷參加香港足總嘅青訓計劃及加入球會青年隊，後來佢去到美國升讀高中及大學，初時亦有繼續比賽。留美最後2年荒廢足球，2015年回港加盟公民後，韋婉婷載浮載沉，到2016、2017年左右先重拾心理及比賽上嘅狀態。唔知係唔係睇見師姐妹一個個努力爭取及獲得外流機會 (如陳詠詩、劉夢瓊、張煒琪、劉蕊澄、秦正行、鍾貝琪等)，韋婉婷亦開始到處自薦，竟得到阿爾巴尼亞班霸維拉斯尼亞 (Vllaznia) 招手，據稱係因為疫情被逼推遲行程，延至6月底先可以向球隊報到。
阿爾巴尼亞位於歐洲東南部巴爾幹半島，Vllaznia 球會就喺阿爾巴尼亞第4大城市兼歷史重鎮Shkodër，靠近黑山邊境。Vllaznia 係阿爾巴尼亞女子聯賽班霸，過去連續6年奪得冠軍。韋婉婷到達球會後，已經係聯賽最後幾輪賽事，Vllaznia 正爭取七連霸，仍派出只屬試腳身份嘅韋婉婷上陣，而佢喺第二場比賽就為球隊射入2球，最終得到球會開出合約留效至季尾。韋婉婷喺香港主要位置係進攻中場，但去到Vllaznia 冇幾耐就被擺喺前鋒位，佢亦表現得心應手，加盟後上陣6場入3球。
聯賽尾二一輪，Vllaznia 篤定聯賽冠軍，7月11日剎科戰頒發冠軍獎盃及獎牌，Vllaznia 以5分之差力壓次名，17場比賽中取得16勝1和不敗，更射入165球，只失3球。最後6場先加入球隊嘅韋婉婷，亦獲頒冠軍獎牌，佢接受香港傳媒採訪時表示球隊本身已經十分出色，自己只是後來加入成為球隊一員，仍然努力適應融入。
留意6分47秒:
作為聯賽冠軍，Vllaznia 將代表阿爾巴尼亞出戰來季女子歐聯外圍賽，女子歐聯外圍賽其實可視為分組賽，40支球隊分成10組，小組首名出線，直接開始32強淘汰賽。Vllaznia 今季就成功晉身淘汰賽，可惜32強就不敵丹麥球隊出局。若韋婉婷獲得球會留效，將會得到出戰歐聯嘅機會，韋婉婷早前向傳媒透露，同球會協議等待球季完成後討論續約，即係會喺近日處理，希望有好消息啦！另外，香港尚有秦正行及鍾貝琪兩名女將正效力蘇格蘭球隊基爾馬諾克。
現年27歲嘅韋婉婷，據講係初中時因為女子足球隊唔夠人而被邀請加入，自始展開足球之旅。隨後，韋婉婷參加香港足總嘅青訓計劃及加入球會青年隊，後來佢去到美國升讀高中及大學，初時亦有繼續比賽。留美最後2年荒廢足球，2015年回港加盟公民後，韋婉婷載浮載沉，到2016、2017年左右先重拾心理及比賽上嘅狀態。唔知係唔係睇見師姐妹一個個努力爭取及獲得外流機會 (如陳詠詩、劉夢瓊、張煒琪、劉蕊澄、秦正行、鍾貝琪等)，韋婉婷亦開始到處自薦，竟得到阿爾巴尼亞班霸維拉斯尼亞 (Vllaznia) 招手，據稱係因為疫情被逼推遲行程，延至6月底先可以向球隊報到。
阿爾巴尼亞位於歐洲東南部巴爾幹半島，Vllaznia 球會就喺阿爾巴尼亞第4大城市兼歷史重鎮Shkodër，靠近黑山邊境。Vllaznia 係阿爾巴尼亞女子聯賽班霸，過去連續6年奪得冠軍。韋婉婷到達球會後，已經係聯賽最後幾輪賽事，Vllaznia 正爭取七連霸，仍派出只屬試腳身份嘅韋婉婷上陣，而佢喺第二場比賽就為球隊射入2球，最終得到球會開出合約留效至季尾。韋婉婷喺香港主要位置係進攻中場，但去到Vllaznia 冇幾耐就被擺喺前鋒位，佢亦表現得心應手，加盟後上陣6場入3球。
聯賽尾二一輪，Vllaznia 篤定聯賽冠軍，7月11日剎科戰頒發冠軍獎盃及獎牌，Vllaznia 以5分之差力壓次名，17場比賽中取得16勝1和不敗，更射入165球，只失3球。最後6場先加入球隊嘅韋婉婷，亦獲頒冠軍獎牌，佢接受香港傳媒採訪時表示球隊本身已經十分出色，自己只是後來加入成為球隊一員，仍然努力適應融入。
留意6分47秒:
作為聯賽冠軍，Vllaznia 將代表阿爾巴尼亞出戰來季女子歐聯外圍賽，女子歐聯外圍賽其實可視為分組賽，40支球隊分成10組，小組首名出線，直接開始32強淘汰賽。Vllaznia 今季就成功晉身淘汰賽，可惜32強就不敵丹麥球隊出局。若韋婉婷獲得球會留效，將會得到出戰歐聯嘅機會，韋婉婷早前向傳媒透露，同球會協議等待球季完成後討論續約，即係會喺近日處理，希望有好消息啦！另外，香港尚有秦正行及鍾貝琪兩名女將正效力蘇格蘭球隊基爾馬諾克。