抽水抽著火水！Twitter出post講鍾斯，被曼聯投訴急刪
抽水係一門學問，都要睇對象睇時機睇內容，有時候抽著一啲唔合適嘅嘢，就會出現反效果，例如當你拎人哋嘅不幸同悲劇去玩，自然會惹眾怒。仲有一種，就係「踩過界」兼「得罪方丈」，真係抽著火水喇！
其實喺球迷圈內互相抽水開玩笑、諷刺其他球隊，係時有發生，但咁樣做嘅時候亦需要留意自己定位，假若係某隊球迷組織，主要係己隊球迷圍內討論。比較冇咁容易出事； 但若果係一個理應中立嘅平台，無緣無故取笑一個球員，就相當容易引發公關災難，最近正正發生咗類似事件，主角竟然係社交平台Twitter嘅英國官方帳號。
呢個名為TwitterUK嘅帳戶，自然代表Twitter駐英國業務，或者佢係想「符合國情」，拉近同英國用戶嘅距離，挑選咗英國最受歡迎嘅足球去出post，但佢喺8月11日發出一則帖文就惹來負面反應，內容係：「講出一個比菲爾鍾斯強嘅足球員」。如何判斷內文嘅態度同用意係主觀嘅，但到底點解主角係菲爾鍾斯？一個只於2019-20英超上陣2次嘅後衛，相信好多人都會覺得呢個post係有開玩笑/嘲笑/諷刺成分，至少曼聯認為係。
根據《Daily Mail》報道，TwitterUK發出該帖文後，收到球迷投訴及留言，抨擊Twitter一向對於網絡欺凌坐視不理，今次更成為牽頭人。報道更指出，有曼聯官方職員因事件聯絡Twitter。結果，TwitterUK刪除該帖文（當然已被網民截圖），並向菲爾鍾斯及曼聯致歉。
Twitter發言人稱：「我們的目的是展示一個新功能－－對話控制，讓用戶可以選擇甚麼人可以回覆你的帖文。我們的意圖不是造成不愉快，在意識到我們的錯誤後，我們馬上將帖文刪除。」諷刺嘅係，《Daily Mail》指呢個新功能原意其實正正係用嚟減少網絡欺凌，但呢個示範post本身卻被指係網絡欺凌。
事實上，菲爾鍾斯一向都係球迷開玩笑嘅「受歡迎人物」，其中包括他喺防守時嘅豐富表情，佢自己都曾經回應指已經習慣朋友喺通訊軟件嘅群組內不斷傳送他嘅經典表情，佢亦都唔會有負面情緒。菲爾鍾斯亦有幽默一面，早前傳聞效力曼聯已達到10年嘅他有可能獲安排紀念賽，佢就回應「大概只有我爸媽會到場」。
Source: Daily Mail、BBC
其實喺球迷圈內互相抽水開玩笑、諷刺其他球隊，係時有發生，但咁樣做嘅時候亦需要留意自己定位，假若係某隊球迷組織，主要係己隊球迷圍內討論。比較冇咁容易出事； 但若果係一個理應中立嘅平台，無緣無故取笑一個球員，就相當容易引發公關災難，最近正正發生咗類似事件，主角竟然係社交平台Twitter嘅英國官方帳號。
呢個名為TwitterUK嘅帳戶，自然代表Twitter駐英國業務，或者佢係想「符合國情」，拉近同英國用戶嘅距離，挑選咗英國最受歡迎嘅足球去出post，但佢喺8月11日發出一則帖文就惹來負面反應，內容係：「講出一個比菲爾鍾斯強嘅足球員」。如何判斷內文嘅態度同用意係主觀嘅，但到底點解主角係菲爾鍾斯？一個只於2019-20英超上陣2次嘅後衛，相信好多人都會覺得呢個post係有開玩笑/嘲笑/諷刺成分，至少曼聯認為係。
根據《Daily Mail》報道，TwitterUK發出該帖文後，收到球迷投訴及留言，抨擊Twitter一向對於網絡欺凌坐視不理，今次更成為牽頭人。報道更指出，有曼聯官方職員因事件聯絡Twitter。結果，TwitterUK刪除該帖文（當然已被網民截圖），並向菲爾鍾斯及曼聯致歉。
Twitter發言人稱：「我們的目的是展示一個新功能－－對話控制，讓用戶可以選擇甚麼人可以回覆你的帖文。我們的意圖不是造成不愉快，在意識到我們的錯誤後，我們馬上將帖文刪除。」諷刺嘅係，《Daily Mail》指呢個新功能原意其實正正係用嚟減少網絡欺凌，但呢個示範post本身卻被指係網絡欺凌。
事實上，菲爾鍾斯一向都係球迷開玩笑嘅「受歡迎人物」，其中包括他喺防守時嘅豐富表情，佢自己都曾經回應指已經習慣朋友喺通訊軟件嘅群組內不斷傳送他嘅經典表情，佢亦都唔會有負面情緒。菲爾鍾斯亦有幽默一面，早前傳聞效力曼聯已達到10年嘅他有可能獲安排紀念賽，佢就回應「大概只有我爸媽會到場」。
Source: Daily Mail、BBC