「方丈」雲高爾持續狙擊紅魔：「蘇B靠名宿光環吊命，對曼城表現似僕人」
係人都知道方丈份人好小器，得罪佢都冇好下場，荷蘭名帥雲高爾雖然已從教練工作退休，但佢仍然繼續「關注」曼聯表現，更接連狠批舊東家。
曼聯今季獲得新星雲迪碧克及老牌射手卡雲尼加盟，不過表現仍然起伏不定，特別係歐聯方面，曼聯首循環係威係勢，擊敗RB萊比錫同PSG兩大強敵，最後卻將晉級資格拱手相讓，要跌落歐霸參賽，令人失望。唯一聊以安慰嘅係同屬Big 6六大球會嘅曼城及車路士亦唔算特別出色。
前曼聯主帥雲高爾就乘勢批評曼聯，其中包括質疑曼聯主帥蘇斯克查領軍能力。雲高爾表示：「蘇斯克查係前曼聯球員，所以佢哋唔會好似對其他人咁，咁快炒佢。曼聯唔會喺球季中間炒教領隊，特別係蘇斯克查。我透過傳媒睇到好多關於蘇斯克查嘅事同埋佢嘅前途問題。當年曼聯等到球季結束先炒我，同樣事情亦可能發生喺蘇斯克查身上。」
雲高爾亦批評蘇斯克查嘅戰術：「佢帶嚟嘅足球係防守反擊，佢永遠因應對手而轉變，而且一直採用唔同陣式。對修咸頓時，佢用442，到第二場佢就出5後衛，再下一場又用4231。你可以話佢係因材施教，但對韋斯咸一仗，佢哋喺上半場直頭係被壓制，直到拉舒福特同般奴費南迪斯上陣扭轉局面。
用唔同陣式係可以嘅，但我嘅疑問係，佢有冇跟據所用陣式去訓練球員？呢個係關鍵，因為你轉陣時必須確保執行得到。呢一方面，訓練方式比球員質素更為重要。」
「對曼城時，曼聯所做嘅就係用10人防守。所有人都知我同哥迪奧拿關係麻麻，佢因為我喺我本書入面質疑佢而嬲咗我，但我鍾意睇曼城多過睇曼聯，亦同情曼城多過睇曼聯。老實講，曼聯只係想防守，然後打快速反擊，哥迪奧拿嘅球隊唔會希望用10個人防守。曼聯縮喺後面防守，然後擺一兩個球員喺前面，想佢哋9秒跑100米，咁咪打破世界紀錄？格連活特、拉舒福特或者馬斯亞都係超級快速嘅球員，可以利用喺防守反擊時嘅空間，但喺曼市打吡入面，曼聯踢到好似曼城嘅僕人（servants）咁。」
另外，早前雲高爾亦表示認為荷蘭新星雲迪碧克揀錯球會。
Source: Mirror
曼聯今季獲得新星雲迪碧克及老牌射手卡雲尼加盟，不過表現仍然起伏不定，特別係歐聯方面，曼聯首循環係威係勢，擊敗RB萊比錫同PSG兩大強敵，最後卻將晉級資格拱手相讓，要跌落歐霸參賽，令人失望。唯一聊以安慰嘅係同屬Big 6六大球會嘅曼城及車路士亦唔算特別出色。
前曼聯主帥雲高爾就乘勢批評曼聯，其中包括質疑曼聯主帥蘇斯克查領軍能力。雲高爾表示：「蘇斯克查係前曼聯球員，所以佢哋唔會好似對其他人咁，咁快炒佢。曼聯唔會喺球季中間炒教領隊，特別係蘇斯克查。我透過傳媒睇到好多關於蘇斯克查嘅事同埋佢嘅前途問題。當年曼聯等到球季結束先炒我，同樣事情亦可能發生喺蘇斯克查身上。」
雲高爾亦批評蘇斯克查嘅戰術：「佢帶嚟嘅足球係防守反擊，佢永遠因應對手而轉變，而且一直採用唔同陣式。對修咸頓時，佢用442，到第二場佢就出5後衛，再下一場又用4231。你可以話佢係因材施教，但對韋斯咸一仗，佢哋喺上半場直頭係被壓制，直到拉舒福特同般奴費南迪斯上陣扭轉局面。
用唔同陣式係可以嘅，但我嘅疑問係，佢有冇跟據所用陣式去訓練球員？呢個係關鍵，因為你轉陣時必須確保執行得到。呢一方面，訓練方式比球員質素更為重要。」
「對曼城時，曼聯所做嘅就係用10人防守。所有人都知我同哥迪奧拿關係麻麻，佢因為我喺我本書入面質疑佢而嬲咗我，但我鍾意睇曼城多過睇曼聯，亦同情曼城多過睇曼聯。老實講，曼聯只係想防守，然後打快速反擊，哥迪奧拿嘅球隊唔會希望用10個人防守。曼聯縮喺後面防守，然後擺一兩個球員喺前面，想佢哋9秒跑100米，咁咪打破世界紀錄？格連活特、拉舒福特或者馬斯亞都係超級快速嘅球員，可以利用喺防守反擊時嘅空間，但喺曼市打吡入面，曼聯踢到好似曼城嘅僕人（servants）咁。」
另外，早前雲高爾亦表示認為荷蘭新星雲迪碧克揀錯球會。
Source: Mirror