平安夜食無情雞！PSG炒杜曹震撼球壇，接任人選不問可知卻令人期待
普天同慶嘅聖誕節，喺西方社會都係一個極為重要嘅節日，估唔到法甲豪門巴黎聖日耳門選擇喺平安夜，對主帥杜曹（Thomas Tuchel）狠下殺手，將佢解僱，認真無情。
根據《Sky Sports》等多間傳媒報道，法甲豪門巴黎聖日耳門已於今日（12月24日）與主教練杜曹解約。現年47歲嘅杜曹係球壇其中一位近年聲名大噪嘅「少帥」，佢喺2009-14年執教緬恩斯，及後接替高普執教多蒙特，係佢正式登上大舞台之作。2018年，呢位德國主帥得到PSG邀請，代替被炒嘅艾馬利出任球隊主帥。
咁到底杜曹係咪抵炒？
從成績論，杜曹帶領PSG兩個半球季期間，為球隊取得2屆法甲冠軍及另外3個本土錦標，上季更加帶領PSG歷史性晉身歐聯決賽，只可惜喺決賽不敗拜仁慕尼黑，但呢個無疑係向PSG及杜曹個人目標邁進一大步。不過，所有球迷都知道，對任何帶領PSG嘅教練嚟講，橫掃本土錦標只係基本要求，球會真正需要嘅係取得球會史上第一個歐聯冠軍，而縱觀PSG嘅規模及班費，其實佢哋近年花咗咁多時間金錢去建立呢間豪門，亦都的確需要一個歐聯冠軍先可以叫有所交待。
杜曹雖然上屆帶領PSG進入歐聯決賽，不過球隊今季喺聯賽已喪失統治地位，或所謂「霸氣」，戰至第17輪錄得11勝2和4負，以1分之差落後於里昂及里爾之下，呢個戰績以PSG標準而言肯定係不能接受。事實上，PSG今季不斷受傷兵問題困擾，不時都有多位主力同時缺陣，例如兩輪前對里爾一役，就有尼馬、沙拉比亞、班納特、伊卡迪等人缺陣，上一輪對史特拉斯堡又再加上古沙華及甘彭比缺陣，的確令杜曹十分頭痕。不過，正所謂「食得咸魚抵得渴」，坐上PSG帥位必然要面對更為苛刻嘅要求。雖然傷兵問題有可能係純粹運氣問題，但管理層其實唔會太在意原因，只要球隊成績不合期望就會作出改變，而且不能夠完全排除操練上、狀態管理、用人佈陣等因素導致傷病頻發嘅可能性，不論如何呢個都係現今教練嘅無奈，需要為球隊戰績一力承擔，不論佢實際上應負起多少責任。另一方面，你可以話杜曹教得唔係得別出色（場面上），佢亦唔夠執教大球會嘅經驗，早前更公開抱怨體育總監李安納度嘅引援工作，但球隊換過咁多名帥都搞唔掂，會唔會係有更高層次嘅問題存在？例如李安納度之類？現時「市面上」又有邊個嘅級數明顯高於杜曹嘅名帥隨時候命？不論如何，PSG解僱杜曹已成事實，而球隊上一仗其實係贏波，有冇急切需要喺平安夜炒人？定係PSG已經安排緊新任主帥趁住假期嚟到球隊進行交接，準備喺下一仗1月7日領軍？
對於新帥人選，好多人即時諗起已經休息一段時間嘅前熱刺主帥普捷天奴，賭博平台 Sky Bet 就以普捷天奴為下任主帥熱刺人選，賠率僅為1.05。《Sky Sports》記者Max Bielefeld就認為，除普捷天奴外，艾歷尼同樣係人選之一。自從兩位離開上一家球會，基本上每次有規模較大嘅球會傳出帥位不穩，都會同呢兩位名帥拉上關係，今次真係有帥位懸空，最後鹿死誰手，相信大家都期待。同時亦不能忘記，雖然已多次親口表明暫時冇興趣教波嘅雲加，亦不斷成為「萬能key」，如果過兩日未落實新帥人選，隨時又會有相關傳聞（笑）。不過根據著名記者Fabrizio Romano報道，普捷天奴已與PSG進入談判最終階段，有機會於日內宣布。普捷天奴配PSG將會係相當有新鮮感同令人期待嘅組合，到底佢哋可唔可以刷出火花，拎到各自嘅第一個歐聯冠軍呢？
根據《Sky Sports》等多間傳媒報道，法甲豪門巴黎聖日耳門已於今日（12月24日）與主教練杜曹解約。現年47歲嘅杜曹係球壇其中一位近年聲名大噪嘅「少帥」，佢喺2009-14年執教緬恩斯，及後接替高普執教多蒙特，係佢正式登上大舞台之作。2018年，呢位德國主帥得到PSG邀請，代替被炒嘅艾馬利出任球隊主帥。
咁到底杜曹係咪抵炒？
從成績論，杜曹帶領PSG兩個半球季期間，為球隊取得2屆法甲冠軍及另外3個本土錦標，上季更加帶領PSG歷史性晉身歐聯決賽，只可惜喺決賽不敗拜仁慕尼黑，但呢個無疑係向PSG及杜曹個人目標邁進一大步。不過，所有球迷都知道，對任何帶領PSG嘅教練嚟講，橫掃本土錦標只係基本要求，球會真正需要嘅係取得球會史上第一個歐聯冠軍，而縱觀PSG嘅規模及班費，其實佢哋近年花咗咁多時間金錢去建立呢間豪門，亦都的確需要一個歐聯冠軍先可以叫有所交待。
杜曹雖然上屆帶領PSG進入歐聯決賽，不過球隊今季喺聯賽已喪失統治地位，或所謂「霸氣」，戰至第17輪錄得11勝2和4負，以1分之差落後於里昂及里爾之下，呢個戰績以PSG標準而言肯定係不能接受。事實上，PSG今季不斷受傷兵問題困擾，不時都有多位主力同時缺陣，例如兩輪前對里爾一役，就有尼馬、沙拉比亞、班納特、伊卡迪等人缺陣，上一輪對史特拉斯堡又再加上古沙華及甘彭比缺陣，的確令杜曹十分頭痕。不過，正所謂「食得咸魚抵得渴」，坐上PSG帥位必然要面對更為苛刻嘅要求。雖然傷兵問題有可能係純粹運氣問題，但管理層其實唔會太在意原因，只要球隊成績不合期望就會作出改變，而且不能夠完全排除操練上、狀態管理、用人佈陣等因素導致傷病頻發嘅可能性，不論如何呢個都係現今教練嘅無奈，需要為球隊戰績一力承擔，不論佢實際上應負起多少責任。另一方面，你可以話杜曹教得唔係得別出色（場面上），佢亦唔夠執教大球會嘅經驗，早前更公開抱怨體育總監李安納度嘅引援工作，但球隊換過咁多名帥都搞唔掂，會唔會係有更高層次嘅問題存在？例如李安納度之類？現時「市面上」又有邊個嘅級數明顯高於杜曹嘅名帥隨時候命？不論如何，PSG解僱杜曹已成事實，而球隊上一仗其實係贏波，有冇急切需要喺平安夜炒人？定係PSG已經安排緊新任主帥趁住假期嚟到球隊進行交接，準備喺下一仗1月7日領軍？
對於新帥人選，好多人即時諗起已經休息一段時間嘅前熱刺主帥普捷天奴，賭博平台 Sky Bet 就以普捷天奴為下任主帥熱刺人選，賠率僅為1.05。《Sky Sports》記者Max Bielefeld就認為，除普捷天奴外，艾歷尼同樣係人選之一。自從兩位離開上一家球會，基本上每次有規模較大嘅球會傳出帥位不穩，都會同呢兩位名帥拉上關係，今次真係有帥位懸空，最後鹿死誰手，相信大家都期待。同時亦不能忘記，雖然已多次親口表明暫時冇興趣教波嘅雲加，亦不斷成為「萬能key」，如果過兩日未落實新帥人選，隨時又會有相關傳聞（笑）。不過根據著名記者Fabrizio Romano報道，普捷天奴已與PSG進入談判最終階段，有機會於日內宣布。普捷天奴配PSG將會係相當有新鮮感同令人期待嘅組合，到底佢哋可唔可以刷出火花，拎到各自嘅第一個歐聯冠軍呢？