36歲C朗展現短跑速度，解圍反擊入波一手包辦
剛剛星期六深夜，葡萄牙與德國炮製一場入球show，喺上半場廿幾分鐘，葡萄牙以一次快速反擊先開紀錄。仲以為葡萄牙可以憑呢一球令德國上演一場典型老鼠拉龜嘅敗仗，點知葡萄牙後方多次俾德國隊喺哥辛斯一邊製造威脅，無力調整，結果被德國轟入4球，最後以2-4敗陣。
不過講返第一球，呢個反擊確實係睇到O咀，由葡萄牙防守角球解圍開始計，去到將個波射入網，解圍、推進、傳波、傳波、射入，5個動作用咗大約17秒，牽涉3位葡萄牙球員，令人拍案叫絕嘅係發動攻勢嘅第一下觸球，同埋門嘅最後一下觸球，竟然係由同一個人完成，可見呢個人有幾「變態」！
C朗 Twitter 片段：https://twitter.com/sporting_tatico/status/1406312296318738433
呢位「變態」之人就係堅拒碳酸飲品（例如可樂）嘅C朗拿度，呢個入波正正係源於C朗喺防守角球時解圍。片段所見，C朗喺自己小禁區左右位置將個波頂出嚟，可以留意一下，C朗頂波時係面向個波開出嘅角球旗一方，佢一落地已二話不說轉身向前跑，佢起步跑到禁區頂時，隊友先拎到個波。其後，C朗全速奔跑，快到超越所有隊友，曾經一度落入越位位置，好在由祖達接應長傳後，單刀撥橫交俾C朗完成最簡單嘅任務。
通常部分球迷都會話，「空門tap-in，我阿婆都入啦！」，或者淨係睇C朗射入嗰一腳就話C朗淨係靠tap-in同12碼。不過由解圍嗰一下，耷低個頭極速狂奔，真正box to box，真係唔到你唔服。Tap-in簡單，但出現喺tap-in個位難，當然參與整個攻勢嘅另外兩位球員亦係攻不可沒。
除咗呢球之外，C朗今場仲有瀟灑嘅一幕俾大家欣賞：
C朗瀟灑挑波：https://twitter.com/Acapino2/status/1406310182364147713
入埋呢一球之後，C朗5次參賽已經累積一共12個歐國盃決賽周入球，繼續刷新賽事紀錄。
不過講返第一球，呢個反擊確實係睇到O咀，由葡萄牙防守角球解圍開始計，去到將個波射入網，解圍、推進、傳波、傳波、射入，5個動作用咗大約17秒，牽涉3位葡萄牙球員，令人拍案叫絕嘅係發動攻勢嘅第一下觸球，同埋門嘅最後一下觸球，竟然係由同一個人完成，可見呢個人有幾「變態」！
C朗 Twitter 片段：https://twitter.com/sporting_tatico/status/1406312296318738433
呢位「變態」之人就係堅拒碳酸飲品（例如可樂）嘅C朗拿度，呢個入波正正係源於C朗喺防守角球時解圍。片段所見，C朗喺自己小禁區左右位置將個波頂出嚟，可以留意一下，C朗頂波時係面向個波開出嘅角球旗一方，佢一落地已二話不說轉身向前跑，佢起步跑到禁區頂時，隊友先拎到個波。其後，C朗全速奔跑，快到超越所有隊友，曾經一度落入越位位置，好在由祖達接應長傳後，單刀撥橫交俾C朗完成最簡單嘅任務。
通常部分球迷都會話，「空門tap-in，我阿婆都入啦！」，或者淨係睇C朗射入嗰一腳就話C朗淨係靠tap-in同12碼。不過由解圍嗰一下，耷低個頭極速狂奔，真正box to box，真係唔到你唔服。Tap-in簡單，但出現喺tap-in個位難，當然參與整個攻勢嘅另外兩位球員亦係攻不可沒。
除咗呢球之外，C朗今場仲有瀟灑嘅一幕俾大家欣賞：
C朗瀟灑挑波：https://twitter.com/Acapino2/status/1406310182364147713
入埋呢一球之後，C朗5次參賽已經累積一共12個歐國盃決賽周入球，繼續刷新賽事紀錄。