瑞典主帥通波蘭職員坑渠，賽後幽默回應「好滿意」
早前歐國盃完成咗最後一輪分組賽，原來喺其中嘅E組，發生咗一單場邊趣事，成為網絡熱話。平時大家睇波都會見到多數教練都係球員出身，腳法都有返咁上下，例如有啲五六十歲嘅名宿教練喺場邊輕鬆將個九樓咁高嘅波控落嚟，真係睇到嘩嘩聲 （例如呢條片： https://youtu.be/IDhK0M6MxmI ），而最近喺歐國盃亦出現咗有趣一幕。
話說喺瑞典對波蘭呢一場，瑞典以3-2擊敗波蘭，令後者無緣晉身淘汰賽，而瑞典自己亦以2勝1和嘅不敗戰績力壓西班牙，取得首名出線資格，波蘭喺比賽中曾經一度重燃希望，一眾職球員自然相當肉緊，例如個波出界時，有職員就急住想去執波，結果就發生以下事件……
睇片：https://streamable.com/v7klp8
當時一名波蘭職員喺場邊跑去執波，希望為球隊爭取時間，據講呢位職員係球隊嘅公關職員。正當佢喺邊線旁邊彎身準備執起個波之際，原來亦闖入咗瑞典嘅戰術指導區，瑞典主帥安達臣（Janne Andersson）陰陰濕濕地快腳一篤，個波喺該名職員雙腳之間穿過，令佢相當狼狽。呢位職員當然相當不忿，同安達臣嘈起上嚟。第四球證同波蘭主帥亦都介入調停，可以從肢體語言見到安達臣當時表示嗰位職員闖入己方範圍。
一眾球迷睇到呢一幕都相當興奮（波蘭球迷除外），有人話安達臣超型，踢波蘭出局不但止，仲玩謝埋個「教練」（初時有人以為「受害者」係波蘭教練團成員，後來被糾正）。
之後喺記者會上，仲有人問安達臣對於呢下通坑渠有咩感想同埋事發經過，安達臣相當幽默地露出沾沾自喜表情，佢笑住咁話：「我通咗佢坑渠，然後佢覺得嬲囉。對於呢下通坑渠，我覺得好滿意。
我有好幾年都冇勇氣踢個波喇。不過咁樣做完全係冇嘲笑佢嘅意思，只係佢走到埋嚟，我向佢雙腳中間篤走咗個波。
真係無辜㗎！佢走咗入我哋教練區，我先忍唔住通佢渠。我講過啦，我唔係想玩佢，但佢冇權喺入嚟呢度。賽後我哋有傾計，friend返啦！」
事實上，呢下嘅技術含量都唔係話咁高，而安達臣雖然係紅褲子出身，但球員時代多數都係喺瑞典低別聯賽打滾，唔算係名宿級教練，只不過個場面同埋佢嘅回應都幾搞笑，所以先吸引到咁多注意。唔知大家又點睇佢呢下動作呢？會唔會覺得有啲衰？
Source: Sportbible
話說喺瑞典對波蘭呢一場，瑞典以3-2擊敗波蘭，令後者無緣晉身淘汰賽，而瑞典自己亦以2勝1和嘅不敗戰績力壓西班牙，取得首名出線資格，波蘭喺比賽中曾經一度重燃希望，一眾職球員自然相當肉緊，例如個波出界時，有職員就急住想去執波，結果就發生以下事件……
睇片：https://streamable.com/v7klp8
當時一名波蘭職員喺場邊跑去執波，希望為球隊爭取時間，據講呢位職員係球隊嘅公關職員。正當佢喺邊線旁邊彎身準備執起個波之際，原來亦闖入咗瑞典嘅戰術指導區，瑞典主帥安達臣（Janne Andersson）陰陰濕濕地快腳一篤，個波喺該名職員雙腳之間穿過，令佢相當狼狽。呢位職員當然相當不忿，同安達臣嘈起上嚟。第四球證同波蘭主帥亦都介入調停，可以從肢體語言見到安達臣當時表示嗰位職員闖入己方範圍。
一眾球迷睇到呢一幕都相當興奮（波蘭球迷除外），有人話安達臣超型，踢波蘭出局不但止，仲玩謝埋個「教練」（初時有人以為「受害者」係波蘭教練團成員，後來被糾正）。
之後喺記者會上，仲有人問安達臣對於呢下通坑渠有咩感想同埋事發經過，安達臣相當幽默地露出沾沾自喜表情，佢笑住咁話：「我通咗佢坑渠，然後佢覺得嬲囉。對於呢下通坑渠，我覺得好滿意。
我有好幾年都冇勇氣踢個波喇。不過咁樣做完全係冇嘲笑佢嘅意思，只係佢走到埋嚟，我向佢雙腳中間篤走咗個波。
真係無辜㗎！佢走咗入我哋教練區，我先忍唔住通佢渠。我講過啦，我唔係想玩佢，但佢冇權喺入嚟呢度。賽後我哋有傾計，friend返啦！」
事實上，呢下嘅技術含量都唔係話咁高，而安達臣雖然係紅褲子出身，但球員時代多數都係喺瑞典低別聯賽打滾，唔算係名宿級教練，只不過個場面同埋佢嘅回應都幾搞笑，所以先吸引到咁多注意。唔知大家又點睇佢呢下動作呢？會唔會覺得有啲衰？
Source: Sportbible