冠軍教頭被狠批，布歷治：我超憎文仙尼！
講起布歷治（Wayne Bridge），應該唔少球迷第一時間諗起呢位前英格蘭國腳慘被泰利「笠綠帽」，同埋佢喺球場上拒絕同泰利握手嘅一幕。原來，佢除咗同泰利有「血海深仇」之外，同新科歐國盃冠軍教頭文仙尼亦有「牙齒印」。
布歷治最近接受訪問，透露過去一段日子觀看歐國盃時，除咗支持自己所屬嘅英格蘭外，亦十分希望意大利輸波，可惜最終事與願違。
布歷治話：「我真係好傷心（見到意大利奪冠），因為我好憎文仙尼，所有人都知我對佢一啲好感都冇。我唔會話佢係我遇過最差嘅教練，不過喺戰術上佢都唔係咁出色啫。講出嚟都令人傷心，但佢成績係唔差嘅。
我同家人唔止為英格蘭打氣，我哋仲一齊為佢喝倒采，『祝』佢輸波，所以咁嘅結果更加令人傷心。我從來冇當過佢係一個領隊。」
原來當年布歷治加盟曼城，半季後文仙尼就上任，去到夏季轉會窗，文仙尼連簽高拉洛夫及基歷治兩名左閘球員，亦標誌著布歷治嘅藍月生涯進入倒數，其後幾季布歷治都被外借，三次外借生涯之後，佢喺2013-14球季正式轉投雷丁，踢完呢一季後就結束職業球員生涯。布歷治亦都認為，曼城當年奪得英超冠軍，唔可以完全歸功文仙尼。
「佢幫曼城拎到英超冠軍所以好多人歸功於佢，曼城球迷都鍾意佢，但睇返當時嘅陣容， 班球員先係拎到冠軍嘅原因，唔係因為有佢做領隊。
我同佢鬧翻咗。當時我喺曼城幾個月，都相安無事嘅，但係一啲都唔享受佢嘅訓練。我哋要對住假人練隊型。作為閘位球員，佢同我講要傳俾邊個邊個，傳完呢度就要走嗰度之類，有兩個選擇，就係咁多。不過同假人踢波唔係真正嘅足球囉。
比拿美曾經試過問問題，佢話如果比賽時咁咁咁，應該點做呢，文仙尼會叫佢收聲唔好嘈，最後會叫佢返屋企唔使嚟練波。咁樣做領隊，我真係唔明囉。」
Sources: Sportbible, Mirror
布歷治最近接受訪問，透露過去一段日子觀看歐國盃時，除咗支持自己所屬嘅英格蘭外，亦十分希望意大利輸波，可惜最終事與願違。
布歷治話：「我真係好傷心（見到意大利奪冠），因為我好憎文仙尼，所有人都知我對佢一啲好感都冇。我唔會話佢係我遇過最差嘅教練，不過喺戰術上佢都唔係咁出色啫。講出嚟都令人傷心，但佢成績係唔差嘅。
我同家人唔止為英格蘭打氣，我哋仲一齊為佢喝倒采，『祝』佢輸波，所以咁嘅結果更加令人傷心。我從來冇當過佢係一個領隊。」
原來當年布歷治加盟曼城，半季後文仙尼就上任，去到夏季轉會窗，文仙尼連簽高拉洛夫及基歷治兩名左閘球員，亦標誌著布歷治嘅藍月生涯進入倒數，其後幾季布歷治都被外借，三次外借生涯之後，佢喺2013-14球季正式轉投雷丁，踢完呢一季後就結束職業球員生涯。布歷治亦都認為，曼城當年奪得英超冠軍，唔可以完全歸功文仙尼。
「佢幫曼城拎到英超冠軍所以好多人歸功於佢，曼城球迷都鍾意佢，但睇返當時嘅陣容， 班球員先係拎到冠軍嘅原因，唔係因為有佢做領隊。
我同佢鬧翻咗。當時我喺曼城幾個月，都相安無事嘅，但係一啲都唔享受佢嘅訓練。我哋要對住假人練隊型。作為閘位球員，佢同我講要傳俾邊個邊個，傳完呢度就要走嗰度之類，有兩個選擇，就係咁多。不過同假人踢波唔係真正嘅足球囉。
比拿美曾經試過問問題，佢話如果比賽時咁咁咁，應該點做呢，文仙尼會叫佢收聲唔好嘈，最後會叫佢返屋企唔使嚟練波。咁樣做領隊，我真係唔明囉。」
Sources: Sportbible, Mirror