車仔的7號
車路士依家嘅7號球衣主人尼高路·簡迪生於1991年，法國足球運動員，司職防守中場。簡迪被認為是當今世界頂級的防守中場之一。他於2016年首次代表法國國家隊上陣。曾為李斯特城及車路士奪得英格蘭超級聯賽冠軍，亦為法國奪得2018年世界盃冠軍。
=================================================================================
上面嘅維基資料就講住咁多先，大家有興趣可以去番維基再參考下，今季簡迪係車仔嘅角色有少少調整，更多參與進攻，而呢個角色又同之前拉美利斯係車仔有D相似，所以今次最主要係想同比較一下簡迪同拉美利斯呢兩位不同時代嘅車仔7號。
首先我地重溫一下拉美利斯係車仔嘅入球
https://www.youtube.com/watch?v=qR-qtGbf47g&t=44s
雖然拉美利斯同簡迪一樣都以跑不完的體力見稱，除此之外片中可以見到拉美利斯不論係個人技術，控球，攻門，無球走動都有一定水準。而呢D都係依家嘅簡迪未見到嘅。
其次陣式上，拉美利斯果陣主要擔任4231嘅右中場，可以更投入係進攻上，而依家簡迪主要係433嘅偏右中場，而因為中路佐真奴嘅防守力不足，導致其實簡迪有D進退失據，加上球隊風格上拉美利斯果陣車仔有唔少時候都打防守反擊，令拉美利斯嘅體力可以發揮到，而依家車仔主打控球，令簡迪嘅優勢發揮唔到。
總結呢篇文絕對唔係要對簡迪有任何批評，正如一開始講簡迪係當今世界頂級的防守中場之一，在進攻上簡迪絕對有不足，但防守絕對係頂級，加上近期車路士嘅戰績下滑，係陣容上係咪可以有D調整呢？係咪借到希古恩番到就解決到問題呢？希望領隊沙利可以順利解決球隊當下嘅問題，帶領球隊衝擊歐聯席位啦。