一數字一故事：『26』-鐵血的隊長
一數字一故事，每一篇會講下筆者對於果個球衣號碼最印象深刻嘅球員，第一篇會係佢車路士前隊長泰利。
生涯初期
好多人都以為泰利一開始就係車路士嘅青年軍，但其實唔係，起初佢同林柏特一樣都係韋斯咸青訓出身，直至佢15歲果年先轉投車路士嘅青年軍，係車路士初期泰利都未係一隊站穩陣腳，亦曾外借至諾定咸森林。但從00-01球季開始有穩定出場機會，加上拍擋迪西里嘅教導，漸漸令佢進入世界一線中堅之列。
事業頂峰
04-05球季摩連奴入主車路士，泰利亦係果陣正大熱大勇，係當季帶領車路士贏得球會50年以來首個英超冠軍，亦打破英超失球最少記錄。
係04-10年間泰利為車路士贏得唔少錦標當中包括英超，足總盃，聯賽盃等等。但係當中代表住歐洲冠軍嘅歐聯獎盃，泰利一直都冇舉起過，曾經係07-08球季車路士打入過歐聯決賽，對手係曼聯力戰至十二碼階段，泰利嘅一下跣腳，個球撞柱彈出，就係咁5比6落敗。
https://www.youtube.com/watch?v=f3tWqZ0pNC8
生涯低潮
一直以來泰利表現出色，在車路士和國家隊都成為隊長，2006年世界盃更入選23名最佳球員之一。泰利鮮有負面新聞，直至2010年泰利被爆出婚外情醜聞，其女主角的男友更是國家隊隊友布歷治。事件一曝光，形象插水，更被褫奪國家隊隊長一職。而泰利係場上嘅表現亦開始慢慢下滑，不時偶有犯錯，好彩嘅係係2012年泰利終於跟隨車路士奪得當屆歐聯冠軍，可惜嘅係決賽當日泰利因被罰停賽而無緣出場。
正當以為泰利會係車路士踢到掛靴，佢就因為上場時間等原因係生涯最後一季離開左車路士，加盟阿士東維拉，2018年10月宣佈退役。職業生涯告一段落。
作為90後見到一個又一個細細個睇佢踢波嘅球員退役，一個又一個比自己仲細嘅新星橫空降世，都有唔少感觸，我地成日話一代不如一代，如果以今集主角做例子，我估新一代就係少左呢份血性，呢份鐵血精神，不論如何都希望有一日可以見到泰利可以以第二個身份帶領車路士奪得錦標。
生涯初期
好多人都以為泰利一開始就係車路士嘅青年軍，但其實唔係，起初佢同林柏特一樣都係韋斯咸青訓出身，直至佢15歲果年先轉投車路士嘅青年軍，係車路士初期泰利都未係一隊站穩陣腳，亦曾外借至諾定咸森林。但從00-01球季開始有穩定出場機會，加上拍擋迪西里嘅教導，漸漸令佢進入世界一線中堅之列。
事業頂峰
04-05球季摩連奴入主車路士，泰利亦係果陣正大熱大勇，係當季帶領車路士贏得球會50年以來首個英超冠軍，亦打破英超失球最少記錄。
係04-10年間泰利為車路士贏得唔少錦標當中包括英超，足總盃，聯賽盃等等。但係當中代表住歐洲冠軍嘅歐聯獎盃，泰利一直都冇舉起過，曾經係07-08球季車路士打入過歐聯決賽，對手係曼聯力戰至十二碼階段，泰利嘅一下跣腳，個球撞柱彈出，就係咁5比6落敗。
https://www.youtube.com/watch?v=f3tWqZ0pNC8
生涯低潮
一直以來泰利表現出色，在車路士和國家隊都成為隊長，2006年世界盃更入選23名最佳球員之一。泰利鮮有負面新聞，直至2010年泰利被爆出婚外情醜聞，其女主角的男友更是國家隊隊友布歷治。事件一曝光，形象插水，更被褫奪國家隊隊長一職。而泰利係場上嘅表現亦開始慢慢下滑，不時偶有犯錯，好彩嘅係係2012年泰利終於跟隨車路士奪得當屆歐聯冠軍，可惜嘅係決賽當日泰利因被罰停賽而無緣出場。
正當以為泰利會係車路士踢到掛靴，佢就因為上場時間等原因係生涯最後一季離開左車路士，加盟阿士東維拉，2018年10月宣佈退役。職業生涯告一段落。
作為90後見到一個又一個細細個睇佢踢波嘅球員退役，一個又一個比自己仲細嘅新星橫空降世，都有唔少感觸，我地成日話一代不如一代，如果以今集主角做例子，我估新一代就係少左呢份血性，呢份鐵血精神，不論如何都希望有一日可以見到泰利可以以第二個身份帶領車路士奪得錦標。