賽前預測：英格蘭 對 丹麥
歐洲國家盃四強🔥
🏴英格蘭 對 丹麥🇩🇰
英格蘭上一場大勝4球，相信為大部分球迷帶嚟驚喜，特別係只係睇咗上半場嘅我，因為上半場4分鐘哈利簡尼已經為英格蘭打開記錄，接住落嚟嘅上半場英格蘭進攻拖慢節奏，烏克蘭亦難以組織攻勢，換邊後烏克蘭幾次吹起反擊嘅號角都被英格蘭嘅入球熄滅佢哋團火，加上防守穿窿，大敗實屬難以避免。今晚重返溫布萊主場對戰丹麥，當角球攻勢威力減半，史達寧係左邊嘅威脅同與梳爾嘅配合就會變得更加重要，仲有加雲菲臘斯嘅精準長傳，以陣容深度同球員實力，再包埋主場優勢，英格蘭贏嘅機會都十分之大！丹麥呢支球隊經歷過艾歷臣事件之後，仍然屹立不倒，反而越打越有，「12+14」多爾貝治配上丹斯加特，相信會係丹麥未來嘅核心。上一場2比1擊敗捷克，上半場入左一球之後一直壓制捷克，第二球米希利左路傳中都十分之靚，中間巴夫韋治頂唔到，但仲有尾柱嘅多爾貝治近門攻入，下半場雖然一度被捷克嘅氣勢反壓被射入一球，但隨着丹麥加強防守，捷克射極唔都入，角球都被頂走，無力回天，最終由丹麥帶走勝果。今晚對住英格蘭，一如既往都係先守再等候反擊機會，而12+14嘅組合就變得10分重要，仲有勤力走動但射門零分嘅巴夫韋治要醒醒定定，當然仲可以用尤素夫保臣提供速度同爆炸力，所以丹麥嘅快速反擊都唔能夠忽視。另外仲有高大三中堅，絕對能夠大大減低英格蘭嘅角球威脅，因此形勢絕對唔係一面倒。如果睇到呢度，不妨follow我地嘅instagram睇到更多唔同嘅足球資訊！ 
🏴英格蘭 對 丹麥🇩🇰
英格蘭上一場大勝4球，相信為大部分球迷帶嚟驚喜，特別係只係睇咗上半場嘅我，因為上半場4分鐘哈利簡尼已經為英格蘭打開記錄，接住落嚟嘅上半場英格蘭進攻拖慢節奏，烏克蘭亦難以組織攻勢，換邊後烏克蘭幾次吹起反擊嘅號角都被英格蘭嘅入球熄滅佢哋團火，加上防守穿窿，大敗實屬難以避免。今晚重返溫布萊主場對戰丹麥，當角球攻勢威力減半，史達寧係左邊嘅威脅同與梳爾嘅配合就會變得更加重要，仲有加雲菲臘斯嘅精準長傳，以陣容深度同球員實力，再包埋主場優勢，英格蘭贏嘅機會都十分之大！丹麥呢支球隊經歷過艾歷臣事件之後，仍然屹立不倒，反而越打越有，「12+14」多爾貝治配上丹斯加特，相信會係丹麥未來嘅核心。上一場2比1擊敗捷克，上半場入左一球之後一直壓制捷克，第二球米希利左路傳中都十分之靚，中間巴夫韋治頂唔到，但仲有尾柱嘅多爾貝治近門攻入，下半場雖然一度被捷克嘅氣勢反壓被射入一球，但隨着丹麥加強防守，捷克射極唔都入，角球都被頂走，無力回天，最終由丹麥帶走勝果。今晚對住英格蘭，一如既往都係先守再等候反擊機會，而12+14嘅組合就變得10分重要，仲有勤力走動但射門零分嘅巴夫韋治要醒醒定定，當然仲可以用尤素夫保臣提供速度同爆炸力，所以丹麥嘅快速反擊都唔能夠忽視。另外仲有高大三中堅，絕對能夠大大減低英格蘭嘅角球威脅，因此形勢絕對唔係一面倒。如果睇到呢度，不妨follow我地嘅instagram睇到更多唔同嘅足球資訊！