2021年度話題球員第5位 - 簡迪
2️⃣0️⃣2️⃣1️⃣年度話題球員第5位✨
N’Golo Kanté - 簡迪🔵
現時30歲嘅簡迪，今年係車路士同法國國家隊都有盡情奔走，令球迷大叫「Kante Everywhere」🙌🏻
🏴上季英超（2021年起計算）1助攻
🏴今季英超 2入球
🏆歐聯冠軍
🏅歐聯決賽最佳球員
🥇20/21球季歐洲最佳中場
對於怕羞嘅簡迪，呢一年同車路士一樣搭上「湯馬士」火車衝上歐洲之巔🚀2021年第一場賽事，車路士1比3落敗予曼城，埋下林伯特被炒伏線，到1月24日林伯特完成執教最後一場賽事，及後由湯馬士．杜曹入主領軍車路士，自此簡迪同一眾藍戰士搭上湯馬士火車一去不返🤣
曹軍三中堅陣式，將「垃圾車」變成「無敵戰車」，杜曹領軍後立即係各項賽事合計打出14場不敗，聯賽逐漸重返前四位置，而係歐聯戰線車路士過關斬將，先後淘汰馬德里雙雄，其中簡迪就貢獻良多，歐聯十六強起簡迪攞到四次Man of The Match(MOTM)，其中歐聯四強次回合對住皇家馬德里，車路士兩個入球都靠簡迪策動，第一球回後現身、比波走位再二傳協助隊友，第二球展現佢無限體力嘅特點，84分鐘中場狂奔搶過拉莫斯嘅傳球再助攻隊友，尚未提及簡迪嘅防守攔截有幾咁重要🤧去到球季尾段，雖然未能係足總盃奪冠，但歐聯決賽順利擊敗曼城，當中簡迪係中場保護皮球同與對手爭奪控球權為重中之重，因此佢亦獲取決賽最佳球員🏅
去到歐國盃，作為法國隊中場動力核心，每場比賽都打足90分鐘，可惜十六強止步，呢個都係簡迪未能勝出金球獎嘅主因～去到新一季，曹氏車仔嘅三中堅穩如泰山，但近期因爲傷兵同肺炎問題令球隊同爭冠有啲距離，特別係簡迪，經常受小傷患困擾，而係昨日杜曹更加確認簡迪觸發膝頭舊患，要再進一步檢查🤕
總結今年簡迪雖然持續受小傷患困擾，未能場場正選出場，但係歐聯嘅精彩表演，特別係佢防守同不惜氣力嘅跑動，當然仲有怕羞仔嘅性格，令球迷對佢愛不釋手，因此簡迪絕對係年度話題人物之一，亦希望佢能夠早日康復🥰如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk
N’Golo Kanté - 簡迪🔵
🏴上季英超（2021年起計算）1助攻
🏴今季英超 2入球
🏆歐聯冠軍
🏅歐聯決賽最佳球員
🥇20/21球季歐洲最佳中場
對於怕羞嘅簡迪，呢一年同車路士一樣搭上「湯馬士」火車衝上歐洲之巔🚀2021年第一場賽事，車路士1比3落敗予曼城，埋下林伯特被炒伏線，到1月24日林伯特完成執教最後一場賽事，及後由湯馬士．杜曹入主領軍車路士，自此簡迪同一眾藍戰士搭上湯馬士火車一去不返🤣
曹軍三中堅陣式，將「垃圾車」變成「無敵戰車」，杜曹領軍後立即係各項賽事合計打出14場不敗，聯賽逐漸重返前四位置，而係歐聯戰線車路士過關斬將，先後淘汰馬德里雙雄，其中簡迪就貢獻良多，歐聯十六強起簡迪攞到四次Man of The Match(MOTM)，其中歐聯四強次回合對住皇家馬德里，車路士兩個入球都靠簡迪策動，第一球回後現身、比波走位再二傳協助隊友，第二球展現佢無限體力嘅特點，84分鐘中場狂奔搶過拉莫斯嘅傳球再助攻隊友，尚未提及簡迪嘅防守攔截有幾咁重要🤧去到球季尾段，雖然未能係足總盃奪冠，但歐聯決賽順利擊敗曼城，當中簡迪係中場保護皮球同與對手爭奪控球權為重中之重，因此佢亦獲取決賽最佳球員🏅
去到歐國盃，作為法國隊中場動力核心，每場比賽都打足90分鐘，可惜十六強止步，呢個都係簡迪未能勝出金球獎嘅主因～去到新一季，曹氏車仔嘅三中堅穩如泰山，但近期因爲傷兵同肺炎問題令球隊同爭冠有啲距離，特別係簡迪，經常受小傷患困擾，而係昨日杜曹更加確認簡迪觸發膝頭舊患，要再進一步檢查🤕
總結今年簡迪雖然持續受小傷患困擾，未能場場正選出場，但係歐聯嘅精彩表演，特別係佢防守同不惜氣力嘅跑動，當然仲有怕羞仔嘅性格，令球迷對佢愛不釋手，因此簡迪絕對係年度話題人物之一，亦希望佢能夠早日康復🥰如果睇到呢度，不妨follow我地嘅instagram睇到更多唔同嘅足球資訊！
IG : Footballarena.hk