英超賽季總結 - 第20位 諾域治
《英超賽季總結》第2️⃣0️⃣位諾域治🟢🟡
拖咗一段時間終於的起心肝為20隊英超球隊作總結🙌🏻第一隊要講嘅就係英超包尾兼榜班嘅諾域治，開季嘅諾域治確實令人有少許期待，重返英超兼增加轉會資出，令人產生遐想金絲雀有機會打破升降機傳統，可惜開季嘅連敗以至後來嘅換帥都係難逃一劫，最終提早四輪宣告降班❌預測：第17位（現實：⬇️3位）
早在11個月前我地預測諾域治能夠以第17位衝線護級成功，因為當時係英冠嘅佢地以97分奪得英冠冠軍，係英冠就打得攻守兼備，但今季係英超攻防兩端數據都係最差嗰隊，固然英超英冠係兩個世界，但部份嘅原因相信係引援失敗🥵
由曼城硬撬基亞利殊，維利購入貝安迪亞，呢種漣漪效應令到諾域治進攻體系分崩離析，因為係英冠時期貝安迪亞係進攻核心，15球16助攻係當時嘅數據，然而被維拉以3800萬歐元購入後，引入嘅華斯卡(Milot Rashica)、美國小將沙真特(Joshua Sargent)，完全唔能夠發揮水準，甚至係曾經效力利物浦嘅卡巴克後期傷多過踢，基摩都係一般般，只有曼聯借將班頓威廉斯同利斯美路(Pierre Lees-Melou)相對好啲啲，特別係後者係進攻防守都幫到手。
對比起過往嘅少修少補，今季單論轉會收資已經比過往高出2、3倍，顯示出管理層有野心留喺英超，不過事與願違就再次成為「英超升降機」。
去返上年8月，當時仍然係法基領軍嘅諾域治，面對曼城、利物浦等強隊，如同當頭棒喝，聯賽6連敗後先攞到1分，係11月先至取得第一勝，當時領隊法基亦嘗試作出改變，由4-3-3陣式變成三中堅，或者係4141打單防中都有，總共7套陣式都係搵唔到最佳陣式，而且法基領軍嘅諾域治係偏向敢於進攻、前場逼搶，但球員質素問題傳中又搵唔到點，諾文禁區外嘅遠射又唔中目標，結果進攻不成反被進攻，球員之間過多空位被對手發揮，結果係第11輪後正式換帥，由前維拉主帥甸史密夫上任，但佢嘅戰績除咗喺領軍頭三場打出1勝2和嘅戰績後，成績繼續「倒水」，但明顯嘅變化係諾域治轉成縮後嚟踢，嘗試以防守反擊為主，企圖利用沙真特同華斯卡兩隻快馬打突擊⚡️
然而諾域治人腳確實參差，首席射手仍然係芬蘭射手普基，11球3助攻已經係冠盡全隊，因為第二位已經係全季只入兩球嘅沙真特🤧全季嘅代表作或者係2比3落敗予曼聯嘅比賽，當時防守反擊相當清脆，不過面對C朗展現出非一般嘅發揮，諾域治輸波亦無可奈何，最終即使換帥，仍然因為球員質素參差、引援失敗嘅問題，以榜尾位置重回英冠😳對於來季嘅佢地，保住陣中球員再度衝擊英超聯賽係佢地首要任務，特別係上述嘅沙真特同華斯卡，相信經歷英冠一年嘅磨練佢地會打出應有嘅水準，再進一步的話就係要搵前鋒同龍門嘅替代品，預計普基係下季仍然可以征服英冠，但係佢都已經32歲，係時候要有替換人選，而門將告爾今季表現真係唔合格，所以前鋒同門將位置都要搵新球員取代，希望下下季會再見金絲雀🤣
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
拖咗一段時間終於的起心肝為20隊英超球隊作總結🙌🏻第一隊要講嘅就係英超包尾兼榜班嘅諾域治，開季嘅諾域治確實令人有少許期待，重返英超兼增加轉會資出，令人產生遐想金絲雀有機會打破升降機傳統，可惜開季嘅連敗以至後來嘅換帥都係難逃一劫，最終提早四輪宣告降班❌預測：第17位（現實：⬇️3位）
早在11個月前我地預測諾域治能夠以第17位衝線護級成功，因為當時係英冠嘅佢地以97分奪得英冠冠軍，係英冠就打得攻守兼備，但今季係英超攻防兩端數據都係最差嗰隊，固然英超英冠係兩個世界，但部份嘅原因相信係引援失敗🥵
由曼城硬撬基亞利殊，維利購入貝安迪亞，呢種漣漪效應令到諾域治進攻體系分崩離析，因為係英冠時期貝安迪亞係進攻核心，15球16助攻係當時嘅數據，然而被維拉以3800萬歐元購入後，引入嘅華斯卡(Milot Rashica)、美國小將沙真特(Joshua Sargent)，完全唔能夠發揮水準，甚至係曾經效力利物浦嘅卡巴克後期傷多過踢，基摩都係一般般，只有曼聯借將班頓威廉斯同利斯美路(Pierre Lees-Melou)相對好啲啲，特別係後者係進攻防守都幫到手。
對比起過往嘅少修少補，今季單論轉會收資已經比過往高出2、3倍，顯示出管理層有野心留喺英超，不過事與願違就再次成為「英超升降機」。
去返上年8月，當時仍然係法基領軍嘅諾域治，面對曼城、利物浦等強隊，如同當頭棒喝，聯賽6連敗後先攞到1分，係11月先至取得第一勝，當時領隊法基亦嘗試作出改變，由4-3-3陣式變成三中堅，或者係4141打單防中都有，總共7套陣式都係搵唔到最佳陣式，而且法基領軍嘅諾域治係偏向敢於進攻、前場逼搶，但球員質素問題傳中又搵唔到點，諾文禁區外嘅遠射又唔中目標，結果進攻不成反被進攻，球員之間過多空位被對手發揮，結果係第11輪後正式換帥，由前維拉主帥甸史密夫上任，但佢嘅戰績除咗喺領軍頭三場打出1勝2和嘅戰績後，成績繼續「倒水」，但明顯嘅變化係諾域治轉成縮後嚟踢，嘗試以防守反擊為主，企圖利用沙真特同華斯卡兩隻快馬打突擊⚡️
然而諾域治人腳確實參差，首席射手仍然係芬蘭射手普基，11球3助攻已經係冠盡全隊，因為第二位已經係全季只入兩球嘅沙真特🤧全季嘅代表作或者係2比3落敗予曼聯嘅比賽，當時防守反擊相當清脆，不過面對C朗展現出非一般嘅發揮，諾域治輸波亦無可奈何，最終即使換帥，仍然因為球員質素參差、引援失敗嘅問題，以榜尾位置重回英冠😳對於來季嘅佢地，保住陣中球員再度衝擊英超聯賽係佢地首要任務，特別係上述嘅沙真特同華斯卡，相信經歷英冠一年嘅磨練佢地會打出應有嘅水準，再進一步的話就係要搵前鋒同龍門嘅替代品，預計普基係下季仍然可以征服英冠，但係佢都已經32歲，係時候要有替換人選，而門將告爾今季表現真係唔合格，所以前鋒同門將位置都要搵新球員取代，希望下下季會再見金絲雀🤣
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場