英超賽季總結 - 第9位 白禮頓
《英超賽季總結》
第9️⃣位 白禮頓🌊
座落於英國南部嘅白禮頓，長年受到風吹雨打，雖然球隊今季同珍寶海鮮舫一樣遇到「大風浪」，但係白禮頓能夠及時修正兼且勇往直前，更甚成為今季英超飛躍進步嘅球隊，同埋係下半季加冕「北倫敦之王」，咁到底遇到「大風浪」係咪必定會出事定係能夠避免呢，定抑或係有人想佢下沉呢🤷現實：第9位 預測：第13位（⬆️4位）
開季前我地預測白禮頓能夠係來季保持接近嘅實力並提升至中下游位置，自17/18賽季登陸英超後嘅曉頓時代，以至19年樸達(Graham Potter)上任，白禮頓都係一支護級球隊，上季佢地以第16名衝線，3中堅陣式配上地面搓傳嘅踢法，但礙於球員級數影響，令到守強於攻，雖然右中堅賓韋治被阿仙奴高價收購，但變相亦有一筆資金作補強，結果樸達領軍第三季一洗頹風，由護級邊緣升上聯賽上半版🔥今個夏天白禮頓主要以2300萬歐元收購中場球員麥維普(Enock Mwepu)同以1800萬歐元購入古古利拿，其餘補強嘅右翼同後備龍門都係未如預期，而上述兩位新加盟嘅成員名氣不大，甚至資料有限，但嚟到領隊樸達嘅手上卻能夠發光發亮⚡️
開季嘅時候雖然後防有丹般恩、林迪同維特文受傷，但係基於賽程初段對戰嘅球隊難度唔算太高，結果地面搓傳同高位逼搶嘅打法令佢地係頭6輪聯賽打出4勝1和1負嘅佳績，甚至一度有機會登頂，但及後面對曼城、利物浦等強隊，聯賽名次逐漸退下來👀隨住上半季嘅成績由高位回落，球隊亦曾經連續11場聯賽不勝，本來白禮頓嘅特色已經係守強於攻，但前鋒線嘅韋碧克因為腹股溝嘅傷患休戰15場聯賽，另一前鋒馬奧比除左啲小動作為人垢病外，佢嘅把握力亦都係一般般，所以係賽季中段樸達一度將杜沙特推上中鋒位，由麥維普打攻中，可見當時情況有幾惡劣，要知道杜沙特嘅把握力都係差，上半季亦只係攻入4球，結果令白禮頓多輪聯賽成功守和對手但未能全取3分🥲
嚟到賽季下半段2月嘅時候，基於紐卡素以1500萬歐元帶走中堅丹般恩，當時後防再度受到打擊，因為同時間中堅域斯達(Adam Webster)受傷，結果白禮頓一直係4後衛同3中堅之間變化，防線受影響時前線又入唔到波，2月中起迎來6連敗，更甚嘅係6場只入1球🥵
儘管樸達係一位出色嘅領隊不斷搵方法，仍然未能搵到一套致勝方針，直到最後嘅8輪對聯賽，作客阿仙奴一伇杜沙特首次被委托出任左翼衛位置，結果杜沙特係邊路既有速度同體能協防，更可以同左中堅古古利拿一齊Overload左路，呢一招令對手無所適從，因為杜沙特仲會內切中路製造混亂，結果作客2比1擊敗阿仙奴，右翼衛麥維普同中場卡斯度同場冒起，仲有羅拔山齊士嘅神勇撲救，呢場勝仗簡直係幫球隊打左一支強心針🔥
一週後作客槍手鄰居熱刺，古古利拿嘅防守配上比素馬中路攔截，令熱刺9射0中龍，仲要比杜沙特係90分鐘絕殺，正式登基「北倫敦之王」兼成為英超攪局者🤣
最後8輪聯賽白禮頓5勝2和1負，杜沙特嘅角色致關重要，因為無佢在陣或者唔係擔任左翼衛嘅時候，勝率只有25%，當然基數唔大唔夠準確，但攞白禮頓4比0大炒曼聯一仗作例子，杜沙特同古古利拿簡直玩轉整條左路，因此下半季能夠扭轉形勢，由第14位升上第9位衝線，即使杜沙特嘅把握力係唔好，仍然功不可沒🙌🏻
賽季尾段嘅成功除左有賴杜沙特同古古利拿，仲有羅拔山齊士、比素馬同卡斯度嘅冒起👍🏼不過，儘管樸達嘅戰術有幾多變，前線嘅把握力依然，今季韋碧克同馬奧比入球數字上毫無長進，延伸到球隊嘅入球數字只係比上季多兩球（42球），為英超尾五，但防守卻係英超第6位，情況有啲似排後一位嘅狼隊👀由護級球隊搖身一變成為中游，成為Selling Club留係中游亦係在所難免，但賣走比素馬後，若然再賣埋古古利拿的話，能否保住中游位置就有待商榷🥶然而面對丹般恩嘅出走同傷兵問題，面對如此「風浪」都能夠抵達終點，相信只要有心經營同有樸達領軍，白禮頓都唔會突然「沉沒」🌊
今季代表作：白禮頓 4-0 曼聯🙌🏻
最佳收購：古古利拿 Marc Cucurella🇪🇸1800萬歐元
最佳球員：古古利拿 Marc Cucurella🇪🇸最佳進步球員：麥阿里士打 Alexis Marc Allister🇦🇷5球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第9️⃣位 白禮頓🌊
座落於英國南部嘅白禮頓，長年受到風吹雨打，雖然球隊今季同珍寶海鮮舫一樣遇到「大風浪」，但係白禮頓能夠及時修正兼且勇往直前，更甚成為今季英超飛躍進步嘅球隊，同埋係下半季加冕「北倫敦之王」，咁到底遇到「大風浪」係咪必定會出事定係能夠避免呢，定抑或係有人想佢下沉呢🤷現實：第9位 預測：第13位（⬆️4位）
開季前我地預測白禮頓能夠係來季保持接近嘅實力並提升至中下游位置，自17/18賽季登陸英超後嘅曉頓時代，以至19年樸達(Graham Potter)上任，白禮頓都係一支護級球隊，上季佢地以第16名衝線，3中堅陣式配上地面搓傳嘅踢法，但礙於球員級數影響，令到守強於攻，雖然右中堅賓韋治被阿仙奴高價收購，但變相亦有一筆資金作補強，結果樸達領軍第三季一洗頹風，由護級邊緣升上聯賽上半版🔥今個夏天白禮頓主要以2300萬歐元收購中場球員麥維普(Enock Mwepu)同以1800萬歐元購入古古利拿，其餘補強嘅右翼同後備龍門都係未如預期，而上述兩位新加盟嘅成員名氣不大，甚至資料有限，但嚟到領隊樸達嘅手上卻能夠發光發亮⚡️
開季嘅時候雖然後防有丹般恩、林迪同維特文受傷，但係基於賽程初段對戰嘅球隊難度唔算太高，結果地面搓傳同高位逼搶嘅打法令佢地係頭6輪聯賽打出4勝1和1負嘅佳績，甚至一度有機會登頂，但及後面對曼城、利物浦等強隊，聯賽名次逐漸退下來👀隨住上半季嘅成績由高位回落，球隊亦曾經連續11場聯賽不勝，本來白禮頓嘅特色已經係守強於攻，但前鋒線嘅韋碧克因為腹股溝嘅傷患休戰15場聯賽，另一前鋒馬奧比除左啲小動作為人垢病外，佢嘅把握力亦都係一般般，所以係賽季中段樸達一度將杜沙特推上中鋒位，由麥維普打攻中，可見當時情況有幾惡劣，要知道杜沙特嘅把握力都係差，上半季亦只係攻入4球，結果令白禮頓多輪聯賽成功守和對手但未能全取3分🥲
嚟到賽季下半段2月嘅時候，基於紐卡素以1500萬歐元帶走中堅丹般恩，當時後防再度受到打擊，因為同時間中堅域斯達(Adam Webster)受傷，結果白禮頓一直係4後衛同3中堅之間變化，防線受影響時前線又入唔到波，2月中起迎來6連敗，更甚嘅係6場只入1球🥵
儘管樸達係一位出色嘅領隊不斷搵方法，仍然未能搵到一套致勝方針，直到最後嘅8輪對聯賽，作客阿仙奴一伇杜沙特首次被委托出任左翼衛位置，結果杜沙特係邊路既有速度同體能協防，更可以同左中堅古古利拿一齊Overload左路，呢一招令對手無所適從，因為杜沙特仲會內切中路製造混亂，結果作客2比1擊敗阿仙奴，右翼衛麥維普同中場卡斯度同場冒起，仲有羅拔山齊士嘅神勇撲救，呢場勝仗簡直係幫球隊打左一支強心針🔥
一週後作客槍手鄰居熱刺，古古利拿嘅防守配上比素馬中路攔截，令熱刺9射0中龍，仲要比杜沙特係90分鐘絕殺，正式登基「北倫敦之王」兼成為英超攪局者🤣
最後8輪聯賽白禮頓5勝2和1負，杜沙特嘅角色致關重要，因為無佢在陣或者唔係擔任左翼衛嘅時候，勝率只有25%，當然基數唔大唔夠準確，但攞白禮頓4比0大炒曼聯一仗作例子，杜沙特同古古利拿簡直玩轉整條左路，因此下半季能夠扭轉形勢，由第14位升上第9位衝線，即使杜沙特嘅把握力係唔好，仍然功不可沒🙌🏻
賽季尾段嘅成功除左有賴杜沙特同古古利拿，仲有羅拔山齊士、比素馬同卡斯度嘅冒起👍🏼不過，儘管樸達嘅戰術有幾多變，前線嘅把握力依然，今季韋碧克同馬奧比入球數字上毫無長進，延伸到球隊嘅入球數字只係比上季多兩球（42球），為英超尾五，但防守卻係英超第6位，情況有啲似排後一位嘅狼隊👀由護級球隊搖身一變成為中游，成為Selling Club留係中游亦係在所難免，但賣走比素馬後，若然再賣埋古古利拿的話，能否保住中游位置就有待商榷🥶然而面對丹般恩嘅出走同傷兵問題，面對如此「風浪」都能夠抵達終點，相信只要有心經營同有樸達領軍，白禮頓都唔會突然「沉沒」🌊
今季代表作：白禮頓 4-0 曼聯🙌🏻
最佳收購：古古利拿 Marc Cucurella🇪🇸1800萬歐元
最佳球員：古古利拿 Marc Cucurella🇪🇸最佳進步球員：麥阿里士打 Alexis Marc Allister🇦🇷5球2助攻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場