英超賽季總結 - 第7位 韋斯咸
《英超賽季總結》
第7️⃣位 韋斯咸⚒️
「為了擁抱難以成真的美夢，你話這是幼稚請幼稚試一試🎶」追尋夢想，今季莫耶斯同鎚仔幫發左一場美夢，可惜夢醒時刻令人感到遺憾，佢地曾經淘汰聯賽盃四連冠嘅曼城，曾經係歐戰殺入四強，即使最後結局係唔完美，但係比賽中展現嘅態度已經令人敬佩，呢個就係今日要講嘅球隊 - 韋斯咸⚒️現實：第7位 預測：第10位（⬆️3位）
開季前我地預測韋斯咸會大幅回落，由第6位退至第10位，因為上季能夠留係前列嘅一部分原因係連皇降臨，但夏季未能簽下連加特，變相球隊係削弱左一個進攻點，同時韋斯咸首度三線應戰，球員疲於奔命加上安東尼奧經常受傷，所以預測韋斯咸會退步，不過球隊無後退甚至進步，好大程度歸功於三個男人，莫耶斯、迪蘭懷斯同查洛保雲🔥
上個夏天轉會窗雖然未能購入連加特，但就低價買斷中堅道臣(Craig Dawson)，同時以3500萬歐元購入中堅蘇馬(Kurt Zouma)，仲有借入PSG後備門將艾利奧拿(Alphonse Areola)，上述三個引援就較為有效，另外3000萬歐元買入嘅華拉錫(Nikola Vlasic)同借用嘅卡拉爾(Alex Kral)就未有太大發揮👀
嚟到開季嘅時候，韋斯咸聯賽戰績不俗，4輪聯賽2勝2和不敗，及後三線作戰迎戰歐霸盃，幸好嘅係小組賽對手為薩格勒布戴拿模、亨克同維也納迅速，對手較弱嘅情況下給予後備球員上陣，當中就成功發掘22歲右閘賓莊遜（Ben Johnson)，當時嘅表現穩打穩扎能夠充當正選，而韋斯咸曾經係季初輸比曼聯同賓福特，但莫耶斯嘅防反戰術亦曾經擊敗熱刺同係聯賽盃淘汰曼城出局，其後更加打出今季代表作3比2擊殺利物浦嘅賽事，當時雖然第一球疑似有啲爭議性，但係韋斯咸嘅反擊拳拳到肉，查洛保雲三夾一之下仍然能夠交出助攻，安東尼奧同雲迪克硬碰硬，而法比安斯基亦有神救，賽後一向冷靜嘅莫耶斯都不禁振臂高呼🎉擊敗利物浦後，中堅奧邦拿十字韌帶撕裂賽季報銷，後備中堅道臣就要頂上，同時間左閘基士維同中堅蘇馬都因傷缺陣，連同賽程緊密，球員逐漸出現疲態，12月嘅戰績相對地有所回落🥸
下半季雖然佢地曾經被曼聯絕殺，曾經係足總盃對非聯賽球隊京達米士特戰至91分鐘先追平比數兼且淘汰對手晉級，但真正嘅考驗係3月起嘅「西維爾盃」🏆
16強對住西維爾首回合雖然作客落敗，但次回合主場出擊由蘇錫克打出精彩一伇，先係頭鎚追平比數，再係耶莫蘭高係112分鐘絕殺對手，當時安頓家人後再協助球隊晉級成為一時佳話👍🏼
雖然歐霸盃邁向八強，基於陣容有限聯賽繼續起用懷斯、蘇錫克同安東尼奧，令到安東尼奧下半季雙線作戰時都較為沉寂，同時間聯賽亦難以避免戰績倒水，雙線作戰其間聯賽戰績係2勝1和4負🥵話雖如此，歐霸盃八強抽中里昂，首回合踢少一個打和，但次回合就3比0輕鬆晉級，加上最強對手巴塞出局，留力搏歐霸冠軍換取來季歐聯資格成為首要目標🔥
然而，世事並唔會一帆風順，正如上述陣容深度有限加上雙線作戰，對球員體能造成一定負擔，結果4月中蘇馬因傷倒下，伊沙迪奧普腳踝受傷，令到中堅人選一度唔夠人用🥶蘇馬雖然係對法蘭克福嘅首回合及時復出，但相信係未完全康復，次回合鎚仔幫早早就踢少一個，其後無力回天，結果與決賽只差一步，四強遺憾出局☹️
結束雙線作戰後，領隊莫耶斯就表示我地終於可以有充分時間休息同備戰，而卸下壓力嘅佢地曾經大炒諾域治，2比2戰和曼城同落敗予白禮頓，最終以一點點只差以第7位衝線，來季需要轉戰歐協聯⚒️
一點點，確實整季嘅韋斯咸都係差一點點，例如係下半季嘅曼聯被絕殺，但只係後備上陣嘅費特歷克一個失誤而未能守到尾，又例如中堅道臣整季嘅表現都已經係高於預期，每場都拼命防守，但係對車路士同曼城嘅聯賽都係犯下天條輸十二碼，最後係績分上亦差一點點，輸比不堪入目嘅曼聯，來季未能繼續參戰歐霸盃😟雖然呢一點點遺憾確實存在，但回望整季呢個陣容深度走到呢一步已經係贏盡掌聲👏🏼掌聲除左要給予今季爆發嘅查洛保雲、迪蘭懷斯嘅進步同埋其他球員，最重要係領軍嘅莫耶斯🥸
「世界捉摸不定，曾令你挫敗洩氣但你拒放絕放棄，最後信念會漸覺醒🎶」由過往嘅「足球天材」、不被看好，然後去到「椰子是蘑菇的」，今日此時此刻莫耶斯用整季嘅表現已經證明自己，過往嘅失敗不等於一世嘅失敗，最重要係不放棄，連同球員、球迷、球會嘅支持，韋斯咸同莫耶斯先會得到今日嘅成績⚒️最後，來季嘅韋斯咸仍然荊棘滿途，但「願你相信捱過明天的試煉，會在背後發現天際聚滿飛燕🎶」🙌🏻今季代表作：韋斯咸 3-2 利物浦🙌🏻
最佳收購：蘇馬 Kurt Zouma🇫🇷3500萬歐元
最佳球員：查洛保雲 Jarrod Bowen🏴12球10助攻
最佳韋斯咸先生：盧保 Mark Noble🏴奉獻一生
最佳進步球員：查洛保雲 Jarrod Bowen🏴
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第7️⃣位 韋斯咸⚒️
「為了擁抱難以成真的美夢，你話這是幼稚請幼稚試一試🎶」追尋夢想，今季莫耶斯同鎚仔幫發左一場美夢，可惜夢醒時刻令人感到遺憾，佢地曾經淘汰聯賽盃四連冠嘅曼城，曾經係歐戰殺入四強，即使最後結局係唔完美，但係比賽中展現嘅態度已經令人敬佩，呢個就係今日要講嘅球隊 - 韋斯咸⚒️現實：第7位 預測：第10位（⬆️3位）
開季前我地預測韋斯咸會大幅回落，由第6位退至第10位，因為上季能夠留係前列嘅一部分原因係連皇降臨，但夏季未能簽下連加特，變相球隊係削弱左一個進攻點，同時韋斯咸首度三線應戰，球員疲於奔命加上安東尼奧經常受傷，所以預測韋斯咸會退步，不過球隊無後退甚至進步，好大程度歸功於三個男人，莫耶斯、迪蘭懷斯同查洛保雲🔥
上個夏天轉會窗雖然未能購入連加特，但就低價買斷中堅道臣(Craig Dawson)，同時以3500萬歐元購入中堅蘇馬(Kurt Zouma)，仲有借入PSG後備門將艾利奧拿(Alphonse Areola)，上述三個引援就較為有效，另外3000萬歐元買入嘅華拉錫(Nikola Vlasic)同借用嘅卡拉爾(Alex Kral)就未有太大發揮👀
嚟到開季嘅時候，韋斯咸聯賽戰績不俗，4輪聯賽2勝2和不敗，及後三線作戰迎戰歐霸盃，幸好嘅係小組賽對手為薩格勒布戴拿模、亨克同維也納迅速，對手較弱嘅情況下給予後備球員上陣，當中就成功發掘22歲右閘賓莊遜（Ben Johnson)，當時嘅表現穩打穩扎能夠充當正選，而韋斯咸曾經係季初輸比曼聯同賓福特，但莫耶斯嘅防反戰術亦曾經擊敗熱刺同係聯賽盃淘汰曼城出局，其後更加打出今季代表作3比2擊殺利物浦嘅賽事，當時雖然第一球疑似有啲爭議性，但係韋斯咸嘅反擊拳拳到肉，查洛保雲三夾一之下仍然能夠交出助攻，安東尼奧同雲迪克硬碰硬，而法比安斯基亦有神救，賽後一向冷靜嘅莫耶斯都不禁振臂高呼🎉擊敗利物浦後，中堅奧邦拿十字韌帶撕裂賽季報銷，後備中堅道臣就要頂上，同時間左閘基士維同中堅蘇馬都因傷缺陣，連同賽程緊密，球員逐漸出現疲態，12月嘅戰績相對地有所回落🥸
下半季雖然佢地曾經被曼聯絕殺，曾經係足總盃對非聯賽球隊京達米士特戰至91分鐘先追平比數兼且淘汰對手晉級，但真正嘅考驗係3月起嘅「西維爾盃」🏆
16強對住西維爾首回合雖然作客落敗，但次回合主場出擊由蘇錫克打出精彩一伇，先係頭鎚追平比數，再係耶莫蘭高係112分鐘絕殺對手，當時安頓家人後再協助球隊晉級成為一時佳話👍🏼
雖然歐霸盃邁向八強，基於陣容有限聯賽繼續起用懷斯、蘇錫克同安東尼奧，令到安東尼奧下半季雙線作戰時都較為沉寂，同時間聯賽亦難以避免戰績倒水，雙線作戰其間聯賽戰績係2勝1和4負🥵話雖如此，歐霸盃八強抽中里昂，首回合踢少一個打和，但次回合就3比0輕鬆晉級，加上最強對手巴塞出局，留力搏歐霸冠軍換取來季歐聯資格成為首要目標🔥
然而，世事並唔會一帆風順，正如上述陣容深度有限加上雙線作戰，對球員體能造成一定負擔，結果4月中蘇馬因傷倒下，伊沙迪奧普腳踝受傷，令到中堅人選一度唔夠人用🥶蘇馬雖然係對法蘭克福嘅首回合及時復出，但相信係未完全康復，次回合鎚仔幫早早就踢少一個，其後無力回天，結果與決賽只差一步，四強遺憾出局☹️
結束雙線作戰後，領隊莫耶斯就表示我地終於可以有充分時間休息同備戰，而卸下壓力嘅佢地曾經大炒諾域治，2比2戰和曼城同落敗予白禮頓，最終以一點點只差以第7位衝線，來季需要轉戰歐協聯⚒️
一點點，確實整季嘅韋斯咸都係差一點點，例如係下半季嘅曼聯被絕殺，但只係後備上陣嘅費特歷克一個失誤而未能守到尾，又例如中堅道臣整季嘅表現都已經係高於預期，每場都拼命防守，但係對車路士同曼城嘅聯賽都係犯下天條輸十二碼，最後係績分上亦差一點點，輸比不堪入目嘅曼聯，來季未能繼續參戰歐霸盃😟雖然呢一點點遺憾確實存在，但回望整季呢個陣容深度走到呢一步已經係贏盡掌聲👏🏼掌聲除左要給予今季爆發嘅查洛保雲、迪蘭懷斯嘅進步同埋其他球員，最重要係領軍嘅莫耶斯🥸
「世界捉摸不定，曾令你挫敗洩氣但你拒放絕放棄，最後信念會漸覺醒🎶」由過往嘅「足球天材」、不被看好，然後去到「椰子是蘑菇的」，今日此時此刻莫耶斯用整季嘅表現已經證明自己，過往嘅失敗不等於一世嘅失敗，最重要係不放棄，連同球員、球迷、球會嘅支持，韋斯咸同莫耶斯先會得到今日嘅成績⚒️最後，來季嘅韋斯咸仍然荊棘滿途，但「願你相信捱過明天的試煉，會在背後發現天際聚滿飛燕🎶」🙌🏻今季代表作：韋斯咸 3-2 利物浦🙌🏻
最佳收購：蘇馬 Kurt Zouma🇫🇷3500萬歐元
最佳球員：查洛保雲 Jarrod Bowen🏴12球10助攻
最佳韋斯咸先生：盧保 Mark Noble🏴奉獻一生
最佳進步球員：查洛保雲 Jarrod Bowen🏴
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場