史達寧離開曼城加盟車路士
史達寧離開曼城加盟車路士
根據Fabrizio Romano嘅報導，車路士同曼城達成協議，將會支付4500萬鎊購入史達寧(Raheem Sterling)，雙方將會簽下5年合約至2027年，另外包含一年延長合約嘅選項。史達寧將會成為陣中最高薪嘅球員，有傳週薪將會達至30萬鎊或以上🙌🏻車路士新老闆上台後第一個引援，購入領隊杜曹首選目標史達寧，除左領隊想要球員，球員都想跟杜曹踢波，因為曼城亦有同史達寧傾談續約，但球員只想加盟車路士🔵提到史達寧離隊，其實季初都有消息流出指球員唔滿意被眨後備繼而放風「逼宮」，當史達寧係11月中開始重返正選位置流言先至逐漸消失～
27歲兼英格蘭主力嘅史達寧2015年由利物浦轉投曼城，效力曼城7季贏盡英格蘭本土聯賽盃賽冠軍，為曼城上陣339場攻入131球99個助攻，17/18至19/20賽季數據上都係一絕，去到近兩季先至無咁耀眼👀
然而球員係哥迪奧拿嘅指導下逐漸進步，走位配合或者係控球扭波突破各項決定都越來越好，不過對於球員嘅把握力依然為人垢病，更被稱為「敗家仔」，但要成為「敗家仔」都要有速度突破同無球走位配合，而且今季聯賽攻入13球5助攻，以Expected Goal(XG)計算嘅14.41球都係相差一球半，所以敗唔敗家就見仁見智🤣
最後杜曹購入史達寧，相信會取代「美國隊長」佩利錫同有傳會離隊嘅薛耶治，令到右翼有一個穩定上陣嘅人選⚡️購入史達寧後車路士將會同曼城繼續傾談購入尼敦艾基嘅可能性，不過曼城就堅持要當年嘅購入價4100萬鎊，即管留意事態動向👀
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
根據Fabrizio Romano嘅報導，車路士同曼城達成協議，將會支付4500萬鎊購入史達寧(Raheem Sterling)，雙方將會簽下5年合約至2027年，另外包含一年延長合約嘅選項。史達寧將會成為陣中最高薪嘅球員，有傳週薪將會達至30萬鎊或以上🙌🏻車路士新老闆上台後第一個引援，購入領隊杜曹首選目標史達寧，除左領隊想要球員，球員都想跟杜曹踢波，因為曼城亦有同史達寧傾談續約，但球員只想加盟車路士🔵提到史達寧離隊，其實季初都有消息流出指球員唔滿意被眨後備繼而放風「逼宮」，當史達寧係11月中開始重返正選位置流言先至逐漸消失～
27歲兼英格蘭主力嘅史達寧2015年由利物浦轉投曼城，效力曼城7季贏盡英格蘭本土聯賽盃賽冠軍，為曼城上陣339場攻入131球99個助攻，17/18至19/20賽季數據上都係一絕，去到近兩季先至無咁耀眼👀
然而球員係哥迪奧拿嘅指導下逐漸進步，走位配合或者係控球扭波突破各項決定都越來越好，不過對於球員嘅把握力依然為人垢病，更被稱為「敗家仔」，但要成為「敗家仔」都要有速度突破同無球走位配合，而且今季聯賽攻入13球5助攻，以Expected Goal(XG)計算嘅14.41球都係相差一球半，所以敗唔敗家就見仁見智🤣
最後杜曹購入史達寧，相信會取代「美國隊長」佩利錫同有傳會離隊嘅薛耶治，令到右翼有一個穩定上陣嘅人選⚡️購入史達寧後車路士將會同曼城繼續傾談購入尼敦艾基嘅可能性，不過曼城就堅持要當年嘅購入價4100萬鎊，即管留意事態動向👀
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場