車路士正式簽下高列巴尼
車路士正式簽下高列巴尼
車路士剛剛正式宣布簽下31歲中堅高列巴尼(Kalidou Koulibaly)，車路士會向意甲拿玻里支付4000萬轉會費+浮動條款，而球員嘅年薪將會高達1000萬歐元，換算大概20萬鎊周薪，雙方將會簽約5年至2027年🙌🏻今夏車路士有魯迪加、基斯甸臣轉戰西甲，兩翼衛AZP同馬高斯阿朗素疑似即將被巴塞撬走，因此重整防線刻不容緩🥶新老闆上任除左高薪簽下史達寧，更加以高薪簽下31歲應屆非洲盃冠軍嘅高列巴尼，呢位身高186cm嘅右腳中堅效力拿玻里多年，一直有傳佢會轉投英超，季尾更傳佢希望加盟巴塞，而最終就轉投倫敦🔵
作為拿玻里嘅中堅大將，上季聯賽27場交出3球3助攻，場均3.1次解圍，0.9次封阻為意甲第16位，踢法具侵略性，勇於空中爭頂同地面爭奪，即使身形高大但具備速度，加上有多年意甲同歐聯嘅經驗，估計適應英超都唔會太難⚡️
正所謂轉會市場係一環扣一環，高列巴尼加盟車路士後，球隊正努力追逐PSG嘅甘柏比同曼城嘅尼敦艾基，但後者最新消息就傾向留係曼城。而基於高列巴尼嘅加盟令青訓小將Levi Colwill或會離隊，盛傳修咸頓正在努力招攬球員。最後，高列巴尼嘅離隊令拿玻里急於尋找替代品，本來打算買入費倫巴治嘅韓國中堅金敏哉，但拿玻里唔想支付2000萬歐元嘅解約費，繼而令球員選擇加盟法甲雷恩，而拿玻里現時就將目標轉投PSG嘅Abdou Diallo👀
提到車路士，前車路士球員法比加斯今夏將會轉投意乙球隊科木Como，雙方將會簽下2年合約至2024年。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
車路士剛剛正式宣布簽下31歲中堅高列巴尼(Kalidou Koulibaly)，車路士會向意甲拿玻里支付4000萬轉會費+浮動條款，而球員嘅年薪將會高達1000萬歐元，換算大概20萬鎊周薪，雙方將會簽約5年至2027年🙌🏻今夏車路士有魯迪加、基斯甸臣轉戰西甲，兩翼衛AZP同馬高斯阿朗素疑似即將被巴塞撬走，因此重整防線刻不容緩🥶新老闆上任除左高薪簽下史達寧，更加以高薪簽下31歲應屆非洲盃冠軍嘅高列巴尼，呢位身高186cm嘅右腳中堅效力拿玻里多年，一直有傳佢會轉投英超，季尾更傳佢希望加盟巴塞，而最終就轉投倫敦🔵
作為拿玻里嘅中堅大將，上季聯賽27場交出3球3助攻，場均3.1次解圍，0.9次封阻為意甲第16位，踢法具侵略性，勇於空中爭頂同地面爭奪，即使身形高大但具備速度，加上有多年意甲同歐聯嘅經驗，估計適應英超都唔會太難⚡️
正所謂轉會市場係一環扣一環，高列巴尼加盟車路士後，球隊正努力追逐PSG嘅甘柏比同曼城嘅尼敦艾基，但後者最新消息就傾向留係曼城。而基於高列巴尼嘅加盟令青訓小將Levi Colwill或會離隊，盛傳修咸頓正在努力招攬球員。最後，高列巴尼嘅離隊令拿玻里急於尋找替代品，本來打算買入費倫巴治嘅韓國中堅金敏哉，但拿玻里唔想支付2000萬歐元嘅解約費，繼而令球員選擇加盟法甲雷恩，而拿玻里現時就將目標轉投PSG嘅Abdou Diallo👀
提到車路士，前車路士球員法比加斯今夏將會轉投意乙球隊科木Como，雙方將會簽下2年合約至2024年。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場