英超賽季預測 - 第十九 & 二十位
22/23英超賽季預測🏴🦁
距離22/23英超賽季開鑼仲有10日，係時候開展新系列預測一下來季20支英超球隊嘅走向，今季有富咸、般尼茅夫同諾定咸森林殺上英超，但季中夾集左世界盃，英超賽制亦改成可以換5個人同Multi-ball嘅方案，因此各隊嘅走向都充滿變數🤧第19位 富咸⚫️⚪️
英冠冠軍富咸相隔一季就重返英超，當中最大功臣當然係英冠破紀錄神射手米祖域，44場聯賽攻入43球7助攻，旁邊嘅哈利威爾遜就輕鬆收獲19個助攻成為英冠助攻王🤣雖然今個夏天富咸簽下祖奧柏連拿(Joao Palhinha)、安達斯皮利拉同向烏超薩克達借用左翼所羅門(Manor Solomon)，但係賣走法比奧卡華奴嘅影響或會比相像中大，缺少一位可以由後場推進同係前場可傳可射嘅人材，令球隊減少一個進攻點，如同上季升班嘅諾域治賣走貝安迪亞一樣🥲另外，上季借用嘅尼高威廉斯已經被諾定咸森林買走，最新即將購入嘅安巴布(Kevin Mbabu)就可以頂替右閘位置，但球員係禾夫斯堡係打右翼衛後備，攻防兩端要重新調整，而後備嘅迪堤前季係英超都係一般般，因此右閘已經唔係穩陣。至於上季一對正選中堅亦令人擔憂，Tim Ream年紀已經34歲，另一位夏達拉保約過往係英超係唔合格，因此唯一希望就係兩位新防中祖奧柏連拿同皮利拉，前者嚟自史砵亭攻守都唔錯，但前曼聯嘅皮利拉就希望佢會比到驚喜大家。最後有前無後或會頂到一時，但前面都啞火咁富咸就難以護級，特別係米祖域會錫身定係全力比賽都會值得留意，因為來季佢係進攻核心但佢嘅踢法容易有身體接觸，一個唔小心受傷或會影響佢代表塞爾維亞出戰世界盃，所以富咸嘅降班機會亦都唔細😮💨
第20位 般尼茅夫🍒
相隔兩季重返英超嘅般尼茅夫，上季以英冠第二名衝線直接升班，雖然上季佢地係英冠最少失球，但今夏組軍唔算積極，免簽兩個球員都未能解決問題，以目前情況我地預測般尼茅夫會係榜尾位置降班🥵
上季由史葛柏克領軍嘅般尼茅夫主要係4-3-3同4-2-3-1陣式輪換，踢法主要係Mid-Block，雙防中由路易斯曲克(Lewis Cook)同萊馬(Jefferson Lerma)負責，其中曲克會墜後派牌，萊馬壓前協助右路進攻，而真正送個波入網就靠前利物浦嘅蘇蘭基同比寧(Philip Billing)，當中上季蘇蘭基攻入29球7助攻，而後者就交出10球10助攻嘅表現，另外仲有威爾斯大舊佬基化摩亞同年輕左翼Jaidon Anthony👀
然而以上述進攻球員能否擔起進攻重擔真係令人有啲質疑，特別係蘇蘭基是否脫胎換骨值得留意，但其餘嘅比寧同年輕左翼Anthony相信難以係節奏更快嘅英超交出同樣水準。而如果前線球員唔掂，球隊進攻或會啞火，因為兩閘會做到overload但效果一般，輪換右閘Adam Smith偏向防守，即使購入嘅右閘費特歷斯都係後備材料，同時戰術上並不依重兩閘壓前進攻，相未提到中堅現時唔夠質素同深度，球隊並無購下上季借用嘅利物浦中堅Nathan Philips，中堅只有Chris Mepham相算有英超經驗，而正選中堅Lloyd Kelly係熱身賽受傷，如未能開季前購入有質素嘅中堅，必要時或需要其他球員頂替中堅位置，呢種方法極具風險，何況係一支護級球隊，因此般尼茅夫降班機會非常大🥶
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場
距離22/23英超賽季開鑼仲有10日，係時候開展新系列預測一下來季20支英超球隊嘅走向，今季有富咸、般尼茅夫同諾定咸森林殺上英超，但季中夾集左世界盃，英超賽制亦改成可以換5個人同Multi-ball嘅方案，因此各隊嘅走向都充滿變數🤧第19位 富咸⚫️⚪️
英冠冠軍富咸相隔一季就重返英超，當中最大功臣當然係英冠破紀錄神射手米祖域，44場聯賽攻入43球7助攻，旁邊嘅哈利威爾遜就輕鬆收獲19個助攻成為英冠助攻王🤣雖然今個夏天富咸簽下祖奧柏連拿(Joao Palhinha)、安達斯皮利拉同向烏超薩克達借用左翼所羅門(Manor Solomon)，但係賣走法比奧卡華奴嘅影響或會比相像中大，缺少一位可以由後場推進同係前場可傳可射嘅人材，令球隊減少一個進攻點，如同上季升班嘅諾域治賣走貝安迪亞一樣🥲另外，上季借用嘅尼高威廉斯已經被諾定咸森林買走，最新即將購入嘅安巴布(Kevin Mbabu)就可以頂替右閘位置，但球員係禾夫斯堡係打右翼衛後備，攻防兩端要重新調整，而後備嘅迪堤前季係英超都係一般般，因此右閘已經唔係穩陣。至於上季一對正選中堅亦令人擔憂，Tim Ream年紀已經34歲，另一位夏達拉保約過往係英超係唔合格，因此唯一希望就係兩位新防中祖奧柏連拿同皮利拉，前者嚟自史砵亭攻守都唔錯，但前曼聯嘅皮利拉就希望佢會比到驚喜大家。最後有前無後或會頂到一時，但前面都啞火咁富咸就難以護級，特別係米祖域會錫身定係全力比賽都會值得留意，因為來季佢係進攻核心但佢嘅踢法容易有身體接觸，一個唔小心受傷或會影響佢代表塞爾維亞出戰世界盃，所以富咸嘅降班機會亦都唔細😮💨
第20位 般尼茅夫🍒
相隔兩季重返英超嘅般尼茅夫，上季以英冠第二名衝線直接升班，雖然上季佢地係英冠最少失球，但今夏組軍唔算積極，免簽兩個球員都未能解決問題，以目前情況我地預測般尼茅夫會係榜尾位置降班🥵
上季由史葛柏克領軍嘅般尼茅夫主要係4-3-3同4-2-3-1陣式輪換，踢法主要係Mid-Block，雙防中由路易斯曲克(Lewis Cook)同萊馬(Jefferson Lerma)負責，其中曲克會墜後派牌，萊馬壓前協助右路進攻，而真正送個波入網就靠前利物浦嘅蘇蘭基同比寧(Philip Billing)，當中上季蘇蘭基攻入29球7助攻，而後者就交出10球10助攻嘅表現，另外仲有威爾斯大舊佬基化摩亞同年輕左翼Jaidon Anthony👀
然而以上述進攻球員能否擔起進攻重擔真係令人有啲質疑，特別係蘇蘭基是否脫胎換骨值得留意，但其餘嘅比寧同年輕左翼Anthony相信難以係節奏更快嘅英超交出同樣水準。而如果前線球員唔掂，球隊進攻或會啞火，因為兩閘會做到overload但效果一般，輪換右閘Adam Smith偏向防守，即使購入嘅右閘費特歷斯都係後備材料，同時戰術上並不依重兩閘壓前進攻，相未提到中堅現時唔夠質素同深度，球隊並無購下上季借用嘅利物浦中堅Nathan Philips，中堅只有Chris Mepham相算有英超經驗，而正選中堅Lloyd Kelly係熱身賽受傷，如未能開季前購入有質素嘅中堅，必要時或需要其他球員頂替中堅位置，呢種方法極具風險，何況係一支護級球隊，因此般尼茅夫降班機會非常大🥶
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hkFacebook: 足球港場