英超賽季預測 - 第九 & 十位
22/23英超賽季預測🏴🦁
第9️⃣位 狼隊🐺上季以第10名作結嘅狼隊，由般奴拿治領軍，整季守強於攻，防守上佢地共失43球，為英超第五位，而進攻卻係排係英超尾四攻入38球，前線由占美利斯同黃喜燦擔當主力但前者狀態不復當年勇，後者受傷患影響其表現，而後場嘅三中堅固然可以協助防守，但真正救亡嘅係門將祖斯沙，75.2%撲救率為英超第二，講完上季嘅情況來季會有何變化呢？
今個夏天查卡奧完成租約完結離隊，中堅老大哥沙斯約滿離隊，而歸隊嘅就有「油王」阿達馬查奧爾，最後就係以2430萬歐元購入中堅尼敦哥連斯(Nathan Collins)。沙斯嘅離隊令球隊需要引入一位新中堅，而21歲嘅哥連斯上季效力般尼，上季正選中堅賓美爾受傷時正正就係由佢頂上，縱使佢曾經對賓福特一戰領紅，或者係最後一戰犯手球輸十二碼，呢位年青中堅整體上係般尼全隊中發揮突出兼具備潛力，因此球隊亦願意支付巨額收購呢位甘賓尼都寄予厚望嘅中堅👀然而，前線攻力貧乏嘅問題並無解決，魯爾占美利斯再老一歲狀態也許同樣下跌，黃喜燦能否係新一季重拾本來嘅亮眼表現亦成疑，幸好球隊有柏度尼圖、普丹斯同歸隊嘅查奧爾，三人嘅盤帶技術相信會增加反擊嘅輸送。與此同時值得留意嘅係狼隊係近期嘅熱身賽包括對比錫達斯同利雲特都係排出4-3-3陣式，來季英超也許會變成四人後防從後組織加強進攻，畢竟中前場可以多一位人手組織，所以縱使買人上未有解決前線進攻問題，但轉陣亦令人期待，而且魯賓尼維斯係今夏並無離隊，所以第9位也許係佢地嘅上限🙌🏻
第1️⃣0️⃣位 紐卡素🏰
「暴發戶」紐卡素係今個夏天令人相當期待，特別係上季尾段打出嘅連勝升上第11位衝線，令人有種感覺係「萬事俱備只欠東風」，不過紐卡素今個夏天令人「非常失望」，但如此失望是好是壞呢🤧
本以為紐卡素會大手買人，但今夏只有以1750萬歐元買斷左閘泰格特，以1150萬歐元收購般尼門將樸比同以3700從法甲里爾引入中堅史雲博文。前者泰格特同樸比有豐富英超經驗收購正常合理，而後者史雲博文身型彪炳，勇於瞓身落腳攔截，同埋速度上冇想像中咁慢，因為高大身軀往往限制球員速度🥸另外佢嘅大腳前傳同大轉邊都有一定嘅準繩度，因此預計佢可以好快適應英超節奏，兼且會取代拉修斯成為正選中堅。
後場有補強，中場有般奴甘馬雷斯，但前場相對上較為遜色，基斯活特只能做到支點角色，聖麥斯文雖有盤扭但最後一傳一射都係令人失望，阿米朗雖然係熱身賽好fit但係英超一直未有大放異彩，最後係哥林威爾遜有走位有配合同埋門，但傷多個踢，上季只係聯賽上陣18場交出8球，因此前線攻力將會決定紐卡素嘅走勢。
而球隊並唔係無行動，紐卡素曾經同伊基蒂克(Hugo Ekitike)走得好近但最後被PSG出手搶走，報價利華古遜嘅迪亞比(Moussa Diaby)被拒，剛剛靜雞雞出4000萬鎊買麥迪臣又被拒，所以球隊係補強前線遇到唔少困難，畢竟紐卡素地理位置唔吸引兼且無歐洲賽踢🥵
雖然前線進攻未有改善，但有查比亞嘅復出，加上上季整隊團結打出嘅拼勁，相信紐卡素係來季能夠晉身前十🙌🏻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第9️⃣位 狼隊🐺上季以第10名作結嘅狼隊，由般奴拿治領軍，整季守強於攻，防守上佢地共失43球，為英超第五位，而進攻卻係排係英超尾四攻入38球，前線由占美利斯同黃喜燦擔當主力但前者狀態不復當年勇，後者受傷患影響其表現，而後場嘅三中堅固然可以協助防守，但真正救亡嘅係門將祖斯沙，75.2%撲救率為英超第二，講完上季嘅情況來季會有何變化呢？
今個夏天查卡奧完成租約完結離隊，中堅老大哥沙斯約滿離隊，而歸隊嘅就有「油王」阿達馬查奧爾，最後就係以2430萬歐元購入中堅尼敦哥連斯(Nathan Collins)。沙斯嘅離隊令球隊需要引入一位新中堅，而21歲嘅哥連斯上季效力般尼，上季正選中堅賓美爾受傷時正正就係由佢頂上，縱使佢曾經對賓福特一戰領紅，或者係最後一戰犯手球輸十二碼，呢位年青中堅整體上係般尼全隊中發揮突出兼具備潛力，因此球隊亦願意支付巨額收購呢位甘賓尼都寄予厚望嘅中堅👀然而，前線攻力貧乏嘅問題並無解決，魯爾占美利斯再老一歲狀態也許同樣下跌，黃喜燦能否係新一季重拾本來嘅亮眼表現亦成疑，幸好球隊有柏度尼圖、普丹斯同歸隊嘅查奧爾，三人嘅盤帶技術相信會增加反擊嘅輸送。與此同時值得留意嘅係狼隊係近期嘅熱身賽包括對比錫達斯同利雲特都係排出4-3-3陣式，來季英超也許會變成四人後防從後組織加強進攻，畢竟中前場可以多一位人手組織，所以縱使買人上未有解決前線進攻問題，但轉陣亦令人期待，而且魯賓尼維斯係今夏並無離隊，所以第9位也許係佢地嘅上限🙌🏻
第1️⃣0️⃣位 紐卡素🏰
「暴發戶」紐卡素係今個夏天令人相當期待，特別係上季尾段打出嘅連勝升上第11位衝線，令人有種感覺係「萬事俱備只欠東風」，不過紐卡素今個夏天令人「非常失望」，但如此失望是好是壞呢🤧
本以為紐卡素會大手買人，但今夏只有以1750萬歐元買斷左閘泰格特，以1150萬歐元收購般尼門將樸比同以3700從法甲里爾引入中堅史雲博文。前者泰格特同樸比有豐富英超經驗收購正常合理，而後者史雲博文身型彪炳，勇於瞓身落腳攔截，同埋速度上冇想像中咁慢，因為高大身軀往往限制球員速度🥸另外佢嘅大腳前傳同大轉邊都有一定嘅準繩度，因此預計佢可以好快適應英超節奏，兼且會取代拉修斯成為正選中堅。
後場有補強，中場有般奴甘馬雷斯，但前場相對上較為遜色，基斯活特只能做到支點角色，聖麥斯文雖有盤扭但最後一傳一射都係令人失望，阿米朗雖然係熱身賽好fit但係英超一直未有大放異彩，最後係哥林威爾遜有走位有配合同埋門，但傷多個踢，上季只係聯賽上陣18場交出8球，因此前線攻力將會決定紐卡素嘅走勢。
而球隊並唔係無行動，紐卡素曾經同伊基蒂克(Hugo Ekitike)走得好近但最後被PSG出手搶走，報價利華古遜嘅迪亞比(Moussa Diaby)被拒，剛剛靜雞雞出4000萬鎊買麥迪臣又被拒，所以球隊係補強前線遇到唔少困難，畢竟紐卡素地理位置唔吸引兼且無歐洲賽踢🥵
雖然前線進攻未有改善，但有查比亞嘅復出，加上上季整隊團結打出嘅拼勁，相信紐卡素係來季能夠晉身前十🙌🏻
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場