英超賽季預測 - 第五 & 六位
22/23英超賽季預測🏴🦁
第5️⃣位 車路士🔵上季車路士嘅制裁風波令到球隊士氣低落，雖然有新老闆保希利上場，但反而令整隊無向好而係混亂不堪。新老闆如同玩「真人Football Manager」個個都想買，利雲、拉芬拿、觀迪都搶輸比巴塞，之後仲要比巴塞搞緊AZP同馬高斯阿朗素，比我係保希利真係激死🤬🤣
今個夏天車路士收返前鋒保查同中場加拉加，花費5600萬歐元購入史達寧同支付3800萬歐元購入高列巴尼，但球隊仍然有為數不少嘅問題。前場車路士盛傳會外借添姆雲拿，曾經有傳出售薛耶治比AC米蘭，但最近嘅消息就無乜，換而言之3-4-3陣式需要由史達寧、夏域斯同美臣蒙特三位互換位置輪流攻堅，只有美國隊長同保查可以輪換，但後者兩位嘅級數能否幫助球隊嘅進攻呢🥶中場方面有加拉加嘅回歸，令中場有足夠人手，但後場阿朗素同AZP正被巴塞「搞搞震」，參考最近對烏甸尼斯一仗，中堅方面由泰亞高施華、高列巴尼同AZP負責，但三位中堅都已經3字頭，及後美蘭沙亞同門將Kepa又話要外借，那麼後防線同二號門將位置就比較令人憂慮🥵咁多問題又要應對歐聯戰線，因此我地再一次大膽預測車路士會跌出前四🤧第6️⃣位 曼聯👹
上季嘅曼聯勉強能夠保住歐霸盃席位，當中嘅災難級表現，球員冇心踢又無限犯錯，令到球迷都希望早啲完季，而賽季完結後由坦哈格以強硬手段領軍，確實令過往混亂不堪嘅曼聯有一番新景象，但係改革需要時間，縱使熱身賽可能有驚喜，但凡事唔能夠一步登天，以現時陣容加上歐霸盃雙線作戰，相信第五第六位會係較合理嘅推斷🥵
今季曼聯除左死追法蘭基迪莊，仲有免簽艾歷臣，以1500萬歐元購入馬拉西亞(Tyrell Malacia)同以5300萬歐元購入利辛度馬天尼斯(Lisandro Martinez)，三個補強都係加強陣容深度，但並唔算即時直接提升陣容實力，畢竟馬拉西亞攻強於守，雖然爛打有拼勁但防守上係大問題。艾歷臣會係般奴嘅後備或輪換角色，而馬天尼斯身高限制需要調整出場陣容配合，所以三個補強都不是完美兼直接提升陣容實力。
不過正如上述改革係需要時間，係熱身賽我地睇到曼聯做到兩閘齊飛，係訓練片段睇到球員練地面搓傳踢到「彈彈波」，睇到輸波後領隊塊面黑晒而唔係笑笑口，遲到嘅球員會無得落場，一視同仁從嚴治軍，曼聯嘅改革有個好開始而一切需要時間🥸
去返上季季尾球迷講到所有位置都要賣人買人，前線上C朗離隊留隊問題波及全隊軍心，馬斯亞雖然熱身賽fit但是否曇花一現，伊蘭加能否再進步成為合格嘅替補，前線已經有數之不盡嘅問題。然後中場嘅麥湯文尼，左閘需要攻守平衡嘅問題，右閘嘅資質有限，中堅嘅麥SIR，同埋要多用腳嘅迪基亞，自身嘅問題都令曼聯難以殺入前四，所以呢一季會係曼聯改革進步嘅時間😶🌫️
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第5️⃣位 車路士🔵上季車路士嘅制裁風波令到球隊士氣低落，雖然有新老闆保希利上場，但反而令整隊無向好而係混亂不堪。新老闆如同玩「真人Football Manager」個個都想買，利雲、拉芬拿、觀迪都搶輸比巴塞，之後仲要比巴塞搞緊AZP同馬高斯阿朗素，比我係保希利真係激死🤬🤣
今個夏天車路士收返前鋒保查同中場加拉加，花費5600萬歐元購入史達寧同支付3800萬歐元購入高列巴尼，但球隊仍然有為數不少嘅問題。前場車路士盛傳會外借添姆雲拿，曾經有傳出售薛耶治比AC米蘭，但最近嘅消息就無乜，換而言之3-4-3陣式需要由史達寧、夏域斯同美臣蒙特三位互換位置輪流攻堅，只有美國隊長同保查可以輪換，但後者兩位嘅級數能否幫助球隊嘅進攻呢🥶中場方面有加拉加嘅回歸，令中場有足夠人手，但後場阿朗素同AZP正被巴塞「搞搞震」，參考最近對烏甸尼斯一仗，中堅方面由泰亞高施華、高列巴尼同AZP負責，但三位中堅都已經3字頭，及後美蘭沙亞同門將Kepa又話要外借，那麼後防線同二號門將位置就比較令人憂慮🥵咁多問題又要應對歐聯戰線，因此我地再一次大膽預測車路士會跌出前四🤧第6️⃣位 曼聯👹
上季嘅曼聯勉強能夠保住歐霸盃席位，當中嘅災難級表現，球員冇心踢又無限犯錯，令到球迷都希望早啲完季，而賽季完結後由坦哈格以強硬手段領軍，確實令過往混亂不堪嘅曼聯有一番新景象，但係改革需要時間，縱使熱身賽可能有驚喜，但凡事唔能夠一步登天，以現時陣容加上歐霸盃雙線作戰，相信第五第六位會係較合理嘅推斷🥵
今季曼聯除左死追法蘭基迪莊，仲有免簽艾歷臣，以1500萬歐元購入馬拉西亞(Tyrell Malacia)同以5300萬歐元購入利辛度馬天尼斯(Lisandro Martinez)，三個補強都係加強陣容深度，但並唔算即時直接提升陣容實力，畢竟馬拉西亞攻強於守，雖然爛打有拼勁但防守上係大問題。艾歷臣會係般奴嘅後備或輪換角色，而馬天尼斯身高限制需要調整出場陣容配合，所以三個補強都不是完美兼直接提升陣容實力。
不過正如上述改革係需要時間，係熱身賽我地睇到曼聯做到兩閘齊飛，係訓練片段睇到球員練地面搓傳踢到「彈彈波」，睇到輸波後領隊塊面黑晒而唔係笑笑口，遲到嘅球員會無得落場，一視同仁從嚴治軍，曼聯嘅改革有個好開始而一切需要時間🥸
去返上季季尾球迷講到所有位置都要賣人買人，前線上C朗離隊留隊問題波及全隊軍心，馬斯亞雖然熱身賽fit但是否曇花一現，伊蘭加能否再進步成為合格嘅替補，前線已經有數之不盡嘅問題。然後中場嘅麥湯文尼，左閘需要攻守平衡嘅問題，右閘嘅資質有限，中堅嘅麥SIR，同埋要多用腳嘅迪基亞，自身嘅問題都令曼聯難以殺入前四，所以呢一季會係曼聯改革進步嘅時間😶🌫️
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場