英超賽季預測 - 第三 & 四位
22/23英超賽季預測🏴🦁
第3️⃣位 熱刺🔱熱刺上季有驚無險地拿下前四，當然有賴干地嘅到來同簡尼孫仔嘅配合，而干地作為「冠軍教頭」，以上季嘅情況拿下前四已經達標，但一季過後同大手投資，今季或許係熱刺打破「獎盃荒」嘅時候👀
今個夏天熱刺一共引入6位球員，包括門將費沙科士打、借用中堅朗格勒、左翼衛佩列錫、右翼衛史賓斯、中場比素馬同前鋒李察利臣，6個引援將各個位置補強深度同實力。回顧返上季熱刺嘅戰術就係三中堅防守反擊，簡尼回後策應由孫興慜入波。當然，上季季初簡尼無心戀戰，季中有贏輸贏輸嘅不穩定局面，季尾簡尼孫仔被鎖死或狀態不佳時就陷入困局，仲有左右翼衛人選不合干地心意，種種問題干地就嘗試用今個轉會窗解決👀有干地呢位冠軍教頭同球隊回復正軌，相信簡尼有返心機同拼勁去爭冠。左右翼衛正選有佩列錫同杜靴迪，後備有施斯隆、史賓斯同艾馬臣可用。雖然戰術都係三中堅防反，但變招可以用李察利臣係前線爭頂或個人盤帶突破，仲有古路錫夫斯基呢位第三前鋒，因此縱使熱刺只打一種防反戰術，都足以繼續成為殺著，主導進攻打破鐵桶陣熱刺確實差啲，但如同上述古路錫夫斯基同李察利臣就可以幫到手，所以以今夏補強方針相信熱刺可以拿下前四，但歐聯方面就有啲保留，估計晉身十六強係首要目標🥵
第4️⃣位 阿仙奴🔫
連續兩季投資多過一億鎊買人嘅阿仙奴，上季谷底反彈但賽季尾段受兵潮影響，陣容上捉襟見肘下係輸掉北倫敦打吡後失去前四，來季需要征戰歐霸盃🤧
上季錯失機會未能奪得參戰歐聯席位，或許已經錯失最佳時機，因為阿仙奴甚少會「脫歐」單線作戰，而如今為何我哋反而會預測阿仙奴來季能夠拿下前四呢⁉️今個夏天阿仙奴撇除美國門將Matt Turner同中堅Auston Trusty，從巴西聖保羅購入19歲翼鋒馬昆奴斯，重點嘅收購就係辛真高、法比奧韋拉同加比爾捷西斯。相信三位嘅資料大家都非常熟悉，簡單啲講辛真高會成為泰亞尼嘅輪換角色，法比奧韋拉可以攻中可右翼，加比爾捷西斯能夠擔任箭頭。
7月起阿仙奴打左5場熱身賽全勝，其中對西維爾更加係大勝6比0，整體上薩卡、馬天尼利同奧迪加特呢一班年輕人自身實力再度提升，捷西斯係中鋒位更加係狀態火熱，5場熱身賽攻入7球，而且後備嘅尼基迪亞轉身射波更加靈活，整隊阿仙奴已經準備好以全新姿態亮相，所以開季有望展開一段連勝🔥
不過阿仙奴仍然有問題，中場需要增添人手，畢竟湯馬士柏迪都有一定嘅傷患史，如同右閘嘅富安健洋一樣。同時耶穌仔確實大殺四方，但無佢在場嘅攻力就下降一級，加上今季阿仙奴係需要雙線作戰，一星期打兩場嘅體力分配同狀態都會考驗到阿迪達嘅調動，所以阿仙奴並非穩陣入前四，只係車路士嘅問題暫時比佢更嚴重先會站立於此👀最後，除左預測兵工廠可以拿下前四，歐霸盃方面晉身4強相信都係廠迷嘅要求，以現時陣容同狀態相信能夠做到👊🏼如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
第3️⃣位 熱刺🔱熱刺上季有驚無險地拿下前四，當然有賴干地嘅到來同簡尼孫仔嘅配合，而干地作為「冠軍教頭」，以上季嘅情況拿下前四已經達標，但一季過後同大手投資，今季或許係熱刺打破「獎盃荒」嘅時候👀
今個夏天熱刺一共引入6位球員，包括門將費沙科士打、借用中堅朗格勒、左翼衛佩列錫、右翼衛史賓斯、中場比素馬同前鋒李察利臣，6個引援將各個位置補強深度同實力。回顧返上季熱刺嘅戰術就係三中堅防守反擊，簡尼回後策應由孫興慜入波。當然，上季季初簡尼無心戀戰，季中有贏輸贏輸嘅不穩定局面，季尾簡尼孫仔被鎖死或狀態不佳時就陷入困局，仲有左右翼衛人選不合干地心意，種種問題干地就嘗試用今個轉會窗解決👀有干地呢位冠軍教頭同球隊回復正軌，相信簡尼有返心機同拼勁去爭冠。左右翼衛正選有佩列錫同杜靴迪，後備有施斯隆、史賓斯同艾馬臣可用。雖然戰術都係三中堅防反，但變招可以用李察利臣係前線爭頂或個人盤帶突破，仲有古路錫夫斯基呢位第三前鋒，因此縱使熱刺只打一種防反戰術，都足以繼續成為殺著，主導進攻打破鐵桶陣熱刺確實差啲，但如同上述古路錫夫斯基同李察利臣就可以幫到手，所以以今夏補強方針相信熱刺可以拿下前四，但歐聯方面就有啲保留，估計晉身十六強係首要目標🥵
第4️⃣位 阿仙奴🔫
連續兩季投資多過一億鎊買人嘅阿仙奴，上季谷底反彈但賽季尾段受兵潮影響，陣容上捉襟見肘下係輸掉北倫敦打吡後失去前四，來季需要征戰歐霸盃🤧
上季錯失機會未能奪得參戰歐聯席位，或許已經錯失最佳時機，因為阿仙奴甚少會「脫歐」單線作戰，而如今為何我哋反而會預測阿仙奴來季能夠拿下前四呢⁉️今個夏天阿仙奴撇除美國門將Matt Turner同中堅Auston Trusty，從巴西聖保羅購入19歲翼鋒馬昆奴斯，重點嘅收購就係辛真高、法比奧韋拉同加比爾捷西斯。相信三位嘅資料大家都非常熟悉，簡單啲講辛真高會成為泰亞尼嘅輪換角色，法比奧韋拉可以攻中可右翼，加比爾捷西斯能夠擔任箭頭。
7月起阿仙奴打左5場熱身賽全勝，其中對西維爾更加係大勝6比0，整體上薩卡、馬天尼利同奧迪加特呢一班年輕人自身實力再度提升，捷西斯係中鋒位更加係狀態火熱，5場熱身賽攻入7球，而且後備嘅尼基迪亞轉身射波更加靈活，整隊阿仙奴已經準備好以全新姿態亮相，所以開季有望展開一段連勝🔥
不過阿仙奴仍然有問題，中場需要增添人手，畢竟湯馬士柏迪都有一定嘅傷患史，如同右閘嘅富安健洋一樣。同時耶穌仔確實大殺四方，但無佢在場嘅攻力就下降一級，加上今季阿仙奴係需要雙線作戰，一星期打兩場嘅體力分配同狀態都會考驗到阿迪達嘅調動，所以阿仙奴並非穩陣入前四，只係車路士嘅問題暫時比佢更嚴重先會站立於此👀最後，除左預測兵工廠可以拿下前四，歐霸盃方面晉身4強相信都係廠迷嘅要求，以現時陣容同狀態相信能夠做到👊🏼如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場