中游對壘水晶宮白禮頓握手言和 韋碧克降臨頭鎚救世追和
中游對壘水晶宮白禮頓握手言和 韋碧克降臨頭鎚救世追和
英超聖誕快車賽事，水晶宮對戰白禮頓，兩支中游球隊對壘，主隊方面上一場2比2尾段逼和曼城成為熱話，今日擺返4-3-3陣式，中場由韋曉士、萊馬(Jefferson Lerma)同基斯李察士組成，前場則依賴右翼奧利斯(Michael Olise)。客隊方面不斷有新球員冒出，基於傷兵潮問題，今日4-2-3-1嘅兩閘用上伊哥(Igor)同18歲小將軒斯活特(Jack Hinshelwood)，中場起用巴利巴(Carlos Baleba)，前鋒由祖奧柏度(Joao Pedro)掛帥。
上半場兩隊每10分鐘就會互換攻守勢頭，白禮頓雖有較多控球率但態度完全不溫不火，就算左路嘅三笘薰仍孤立無援。相反水晶宮今日能夠有時候展現到地面組織、前場逼搶嘅能力，並且佢地有主將奧利斯，比起自兩季嘅冒起，今季表現出嘅腳法、傳球路線，踢得更有自信，右路嘅撞牆或單人突破都成為水晶宮殺著，對位嘅左閘伊哥難以做好防守任務，結果係45分鐘奧利斯右路傳中，佐敦阿休尾柱頂入，水晶宮以1比0帶入更衣室。
換邊後白禮頓作出兩個調動，分別換入前鋒韋碧克(Danny Welbeck)同右翼布拿諾迪(Facundo Buonanotte)，本來嘅前鋒祖奧柏度就移去攻中位置打shadow striker，繼續維持4-2-3-1陣式。下半場白禮頓確實較為積極，進攻上將右閘軒斯活特推上翼位，後場只留一對中堅、左閘伊哥同基摩打3-1組織陣式，令前場有五個進攻點，結果82分鐘哥斯一次右路傳中，韋碧克禁區內頭鎚以拋物線笠死角入網，為白禮頓追成1比1。兩隊其後再無入球，最後兩隊以1比1握手言和。
被賽和嘅水晶宮係下半場任對方隨意壓前圍攻成為失分嘅主因，下半場白禮頓係調整後有14次起腳同7成控球率，而水晶宮只係打算守到尾，缺乏爭勝嘅決心。前場奧利斯嘅發揮為全隊嘅亮點，身旁嘅前鋒馬迪達就只係大大份，腳下功夫粗野，若然水晶宮有一個更好嘅前鋒必定能企穩聯賽前半段嘅位置，最後門將甸軒達臣今日封近柱、控球同截傳中都相當穩定。另一邊嘅白禮頓透過半場調動搶返一分可見領隊功力，但同時派過多嘅年青小將上陣亦係今季狀態不穩嘅原因之一，包括門將華布根嘅失誤導致失球，右閘軒斯活特錯失嘅黃金機會同上半場表現平平嘅巴利巴同艾丁加，所以能否平衡球員出場次數同陣容實力將會考驗迪沙比嘅功力。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超聖誕快車賽事，水晶宮對戰白禮頓，兩支中游球隊對壘，主隊方面上一場2比2尾段逼和曼城成為熱話，今日擺返4-3-3陣式，中場由韋曉士、萊馬(Jefferson Lerma)同基斯李察士組成，前場則依賴右翼奧利斯(Michael Olise)。客隊方面不斷有新球員冒出，基於傷兵潮問題，今日4-2-3-1嘅兩閘用上伊哥(Igor)同18歲小將軒斯活特(Jack Hinshelwood)，中場起用巴利巴(Carlos Baleba)，前鋒由祖奧柏度(Joao Pedro)掛帥。
上半場兩隊每10分鐘就會互換攻守勢頭，白禮頓雖有較多控球率但態度完全不溫不火，就算左路嘅三笘薰仍孤立無援。相反水晶宮今日能夠有時候展現到地面組織、前場逼搶嘅能力，並且佢地有主將奧利斯，比起自兩季嘅冒起，今季表現出嘅腳法、傳球路線，踢得更有自信，右路嘅撞牆或單人突破都成為水晶宮殺著，對位嘅左閘伊哥難以做好防守任務，結果係45分鐘奧利斯右路傳中，佐敦阿休尾柱頂入，水晶宮以1比0帶入更衣室。
換邊後白禮頓作出兩個調動，分別換入前鋒韋碧克(Danny Welbeck)同右翼布拿諾迪(Facundo Buonanotte)，本來嘅前鋒祖奧柏度就移去攻中位置打shadow striker，繼續維持4-2-3-1陣式。下半場白禮頓確實較為積極，進攻上將右閘軒斯活特推上翼位，後場只留一對中堅、左閘伊哥同基摩打3-1組織陣式，令前場有五個進攻點，結果82分鐘哥斯一次右路傳中，韋碧克禁區內頭鎚以拋物線笠死角入網，為白禮頓追成1比1。兩隊其後再無入球，最後兩隊以1比1握手言和。
被賽和嘅水晶宮係下半場任對方隨意壓前圍攻成為失分嘅主因，下半場白禮頓係調整後有14次起腳同7成控球率，而水晶宮只係打算守到尾，缺乏爭勝嘅決心。前場奧利斯嘅發揮為全隊嘅亮點，身旁嘅前鋒馬迪達就只係大大份，腳下功夫粗野，若然水晶宮有一個更好嘅前鋒必定能企穩聯賽前半段嘅位置，最後門將甸軒達臣今日封近柱、控球同截傳中都相當穩定。另一邊嘅白禮頓透過半場調動搶返一分可見領隊功力，但同時派過多嘅年青小將上陣亦係今季狀態不穩嘅原因之一，包括門將華布根嘅失誤導致失球，右閘軒斯活特錯失嘅黃金機會同上半場表現平平嘅巴利巴同艾丁加，所以能否平衡球員出場次數同陣容實力將會考驗迪沙比嘅功力。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場