錫菲聯整場泊大巴成功偷雞 維拉尾段追和力保主場不敗金身
錫菲聯整場泊大巴成功偷雞 維拉尾段追和力保主場不敗金身
英超聖誕快車賽事，阿士東維拉主場對錫菲聯，維拉今季主場全勝，今日4-4-2陣式由干沙同朗格勒打雙中堅，麥堅、道格拉斯雷斯打雙中場，積及藍斯(Jacob Ramsey)就出任左翼。作客嘅錫菲聯目前排係榜尾，領隊韋達(Chris Wilder)上任後經歷三場4-1-4-1陣式後，今日轉陣5-4-1陣式泊大巴，值得一提係今日左閘用上借將拉路斯(Yasser Larouci)。
上半場維拉佔有接近八成控球率，但係空有控球並無太多威脅，因為維拉嘗試以中路突破，利用麥堅、道格拉斯雷斯同時不時內收嘅積及藍斯撕破中場線，但今日錫菲聯就係中路佈重兵盯防對面一對中場，令主隊只能係禁區外搓傳。其後維拉嘗試利用右邊拜利(Leon Bailey)嘅速度同盤扭技術做突破點，但今日錫菲聯左閘拉路斯防守表現出色，4次攔截都能夠阻止自家左路放題，所以維拉係上半場苦無對策。
換邊後錫菲聯繼續泊大巴力求一分，直到59分鐘阿士東維拉終於打破大門，當時錫菲聯角球解圍唔清脆，前鋒屈堅斯截到後傳到尾柱嘅拜利(Leon Bailey)撞射入網，為維拉領先1比0。不過VAR睇返原來當時門將被維拉球員拉扯，犯規在先，因此入球並不成立。然而78分鐘起錫菲聯開始反擊，先有諾活特(Oliver Norwood)禁區外嘅遠射，其後嘅角球攻勢，到87分鐘後備上陣嘅漢默(Gustavo Hamer)左路底線前一cup呃過對手，傳中由前鋒艾查(Cameron Archer)係十二碼點撞射入網，率先打破僵局嘅竟然係錫菲聯。
本以為維拉主場不敗嘅金身要瓦解，97分鐘道格拉斯雷斯禁區外右腳扯入禁區，十二碼點有辛尼奧路(Nicolo Zaniolo)中入楔搶贏門將身位頭槌頂入，成功追平一比一，最終兩隊以1比1賽和各得一分。
作客嘅錫菲聯泊大巴以1分為目標，能夠貫徹始終係值得一讚嘅地方，特別係轉陣至5-4-1陣式，然後78分鐘前錫菲聯無任何一次起腳機會，只守不攻，但睇準對方心態散漫嘅時候一鼓作氣反擊更差一點能夠全取3分。主隊嘅維拉下半場其實無做出調整去打破鐵桶陣，禁區人數眾多未能做到小範圍撞牆，前線又只得一點屈堅斯被盯防，唯一能夠做嘅遠射亦唔多，而且並冇利用角球攻勢搏亂，球隊感覺漸漸接受1分呢個選擇，因此被反擊得手實屬咎由自取。最後追平嘅攻勢講緊禁區外K角位傳中入楔等東西都係下半場較少睇到，因此比起人腳，球員心態更需要調整。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
英超聖誕快車賽事，阿士東維拉主場對錫菲聯，維拉今季主場全勝，今日4-4-2陣式由干沙同朗格勒打雙中堅，麥堅、道格拉斯雷斯打雙中場，積及藍斯(Jacob Ramsey)就出任左翼。作客嘅錫菲聯目前排係榜尾，領隊韋達(Chris Wilder)上任後經歷三場4-1-4-1陣式後，今日轉陣5-4-1陣式泊大巴，值得一提係今日左閘用上借將拉路斯(Yasser Larouci)。
上半場維拉佔有接近八成控球率，但係空有控球並無太多威脅，因為維拉嘗試以中路突破，利用麥堅、道格拉斯雷斯同時不時內收嘅積及藍斯撕破中場線，但今日錫菲聯就係中路佈重兵盯防對面一對中場，令主隊只能係禁區外搓傳。其後維拉嘗試利用右邊拜利(Leon Bailey)嘅速度同盤扭技術做突破點，但今日錫菲聯左閘拉路斯防守表現出色，4次攔截都能夠阻止自家左路放題，所以維拉係上半場苦無對策。
換邊後錫菲聯繼續泊大巴力求一分，直到59分鐘阿士東維拉終於打破大門，當時錫菲聯角球解圍唔清脆，前鋒屈堅斯截到後傳到尾柱嘅拜利(Leon Bailey)撞射入網，為維拉領先1比0。不過VAR睇返原來當時門將被維拉球員拉扯，犯規在先，因此入球並不成立。然而78分鐘起錫菲聯開始反擊，先有諾活特(Oliver Norwood)禁區外嘅遠射，其後嘅角球攻勢，到87分鐘後備上陣嘅漢默(Gustavo Hamer)左路底線前一cup呃過對手，傳中由前鋒艾查(Cameron Archer)係十二碼點撞射入網，率先打破僵局嘅竟然係錫菲聯。
本以為維拉主場不敗嘅金身要瓦解，97分鐘道格拉斯雷斯禁區外右腳扯入禁區，十二碼點有辛尼奧路(Nicolo Zaniolo)中入楔搶贏門將身位頭槌頂入，成功追平一比一，最終兩隊以1比1賽和各得一分。
作客嘅錫菲聯泊大巴以1分為目標，能夠貫徹始終係值得一讚嘅地方，特別係轉陣至5-4-1陣式，然後78分鐘前錫菲聯無任何一次起腳機會，只守不攻，但睇準對方心態散漫嘅時候一鼓作氣反擊更差一點能夠全取3分。主隊嘅維拉下半場其實無做出調整去打破鐵桶陣，禁區人數眾多未能做到小範圍撞牆，前線又只得一點屈堅斯被盯防，唯一能夠做嘅遠射亦唔多，而且並冇利用角球攻勢搏亂，球隊感覺漸漸接受1分呢個選擇，因此被反擊得手實屬咎由自取。最後追平嘅攻勢講緊禁區外K角位傳中入楔等東西都係下半場較少睇到，因此比起人腳，球員心態更需要調整。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場