曼聯門將奧拿拿參戰非洲盃或鬧門將荒
曼聯門將奧拿拿參戰非洲盃或鬧門將荒
2023年即將完結，新一年嘅來臨亦代表唔同賽事接踵而來，除左亞洲盃，同樣亦有非洲大陸嘅國家盃。每年非洲盃唔同球隊都受到影響，因為呢個盃賽同英超賽事同期進行，球隊需要放行讓路比球員回國效力，變相就影響自身球隊實力，譬如利物浦嘅沙拿、熱刺嘅柏比沙亞(Pape Sarr)同比素馬(Yves Bissouma)，當然仲有曼聯首席門將奧娜娜(Andre Onana)。
現年27歲嘅奧拿拿係喀麥隆國家隊成員之一，今年佢絕對係下半年球壇嘅風頭人物，出名嘅原因並非佢過人嘅控球能力，而係數之不盡嘅失誤，包括歐聯小組賽有一半嘅失球都可以同佢扯上關係，上一場英超聯賽對戰阿士東維拉亦被對手放大弱點，因此失誤連連嘅佢係大眾球迷追擊嘅目標。
曾經有報導傳出奧拿拿將會拒絕國家隊嘅徵召，打算留係曼聯基地加強訓練以提升水準，避免失去球隊正選位置。然而奧拿拿最後選擇為國效力，變相曼聯將有機會失去奧拿拿4個星期，直到決賽嘅2月11日。
本來打算留係球隊嘅傳聞屬真屬假未能推敲，但或許係知道坦哈格無論如何都會以佢為正選先不再擔憂。如今坦哈格係一月需要用上巴恩迪爾(Altay Bayindir)做正選門將，呢位土耳其門將自8月從費倫巴治加盟以來毫無上陣機會，先唔講長時間缺乏上陣機會影響表現，如今硬生生地令巴恩迪爾接受重擔將加大球員壓力，更甚嘅係曼聯目前比賽狀態極不穩定，因此目前嘅情況坦哈格係需要為未來巴恩迪爾表現差而負責。
除咗奧拿拿需要參戰非洲盃，陣中嘅岩拉拔(Sofyan Amrabat)同漢尼拔(Hannibal Mejbri)都同樣受到影響，或會影響到曼聯中場深度。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
2023年即將完結，新一年嘅來臨亦代表唔同賽事接踵而來，除左亞洲盃，同樣亦有非洲大陸嘅國家盃。每年非洲盃唔同球隊都受到影響，因為呢個盃賽同英超賽事同期進行，球隊需要放行讓路比球員回國效力，變相就影響自身球隊實力，譬如利物浦嘅沙拿、熱刺嘅柏比沙亞(Pape Sarr)同比素馬(Yves Bissouma)，當然仲有曼聯首席門將奧娜娜(Andre Onana)。
現年27歲嘅奧拿拿係喀麥隆國家隊成員之一，今年佢絕對係下半年球壇嘅風頭人物，出名嘅原因並非佢過人嘅控球能力，而係數之不盡嘅失誤，包括歐聯小組賽有一半嘅失球都可以同佢扯上關係，上一場英超聯賽對戰阿士東維拉亦被對手放大弱點，因此失誤連連嘅佢係大眾球迷追擊嘅目標。
曾經有報導傳出奧拿拿將會拒絕國家隊嘅徵召，打算留係曼聯基地加強訓練以提升水準，避免失去球隊正選位置。然而奧拿拿最後選擇為國效力，變相曼聯將有機會失去奧拿拿4個星期，直到決賽嘅2月11日。
本來打算留係球隊嘅傳聞屬真屬假未能推敲，但或許係知道坦哈格無論如何都會以佢為正選先不再擔憂。如今坦哈格係一月需要用上巴恩迪爾(Altay Bayindir)做正選門將，呢位土耳其門將自8月從費倫巴治加盟以來毫無上陣機會，先唔講長時間缺乏上陣機會影響表現，如今硬生生地令巴恩迪爾接受重擔將加大球員壓力，更甚嘅係曼聯目前比賽狀態極不穩定，因此目前嘅情況坦哈格係需要為未來巴恩迪爾表現差而負責。
除咗奧拿拿需要參戰非洲盃，陣中嘅岩拉拔(Sofyan Amrabat)同漢尼拔(Hannibal Mejbri)都同樣受到影響，或會影響到曼聯中場深度。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場