失去孫興慜的第一仗 樸羅一球取勝淘汰般尼晉級
失去孫興慜的第一仗 樸羅一球取勝淘汰般尼晉級
足總盃第三圈賽事，熱刺主場對般尼，熱刺方面今仗失去孫興慜，而今日4-2-3-1陣式由班蘭莊遜(Brennan Johnson)出任左翼，右翼有古路錫夫斯基(Dejan Kulusevski)傷癒復出，攻擊中場繼續由盧施素(Giovani Lo Celso)擔任。般尼方面4-4-2陣式其實冇太大變化，雙前鋒繼續由上場入波嘅安道尼(Zeki Amdouni)同里爾科士(Lyle Foster)出任正選，中場用上小將艾朗藍斯(Aaron Ramsey)，同埋用上後備門將梅歷(Arijanet Muric)。
上半場熱刺主導形勢圍攻般尼，擁有67%控球率同7次起腳，但傾側於左路嘅進攻威脅不大，熱刺希望透過左翼斑蘭莊遜針對對方右閘域天奴(Vitinho)，因為域天奴相對地係攻強守弱，只不過未等到對方嘅失誤，自己嘅進攻套路就已經被洞悉，因為班蘭莊遜只係善於用右腳施射，因此域天奴只要封大位令佢射腳角度收窄就已經大幅降低威脅，所以上半場般尼即使無勢都能夠守住0比0。
下半場攻守格局接近，般尼面對逼搶往往龍門只能大腳斬上去，即使般尼球員攞到第一點，但好快就被熱刺中場球員拍甩，再加上球員質素有限，令到進攻機會更加凋零，所以場面格局只係等待熱刺何時破門。
58分鐘熱刺收起盧施素換入班恩基爾(Bryan Gil)，此子擔任左翼，古路錫夫斯基移入中路，班蘭莊遜就打右翼位置，呢一系列嘅調動令到班蘭莊遜能夠發揮佢嘅右腳，其後66分鐘一記彈地窩利終於開始考驗門將撲救能力。去到79分鐘門將梅歷用手掟波開龍門球，諗住快開打防守反擊，但被熱刺右閘樸羅(Pedro Porro)截到，推到禁區外抽射入網，熱刺終於打破僵局取得入球，而熱刺最後亦憑着呢個入球取得勝仗淘汰般尼晉級足總盃第四圈。
失去孫興慜嘅第一仗反映到孫仔雙槍仗嘅威力同前場輸送嘅能力，左翼班蘭莊遜右腳進攻被洞悉，李察利臣由守轉攻嘅傳送強差人意，幸好防守方面上無走樣，只係進攻乏力，因此進攻方面下一場對曼聯就要好好考慮邊個打左翼。般尼面對聖誕快車賽程過後，加上人腳質素，表現其實不過不失，對比起足總盃晉級，相信聯賽會係更重要一環。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
足總盃第三圈賽事，熱刺主場對般尼，熱刺方面今仗失去孫興慜，而今日4-2-3-1陣式由班蘭莊遜(Brennan Johnson)出任左翼，右翼有古路錫夫斯基(Dejan Kulusevski)傷癒復出，攻擊中場繼續由盧施素(Giovani Lo Celso)擔任。般尼方面4-4-2陣式其實冇太大變化，雙前鋒繼續由上場入波嘅安道尼(Zeki Amdouni)同里爾科士(Lyle Foster)出任正選，中場用上小將艾朗藍斯(Aaron Ramsey)，同埋用上後備門將梅歷(Arijanet Muric)。
上半場熱刺主導形勢圍攻般尼，擁有67%控球率同7次起腳，但傾側於左路嘅進攻威脅不大，熱刺希望透過左翼斑蘭莊遜針對對方右閘域天奴(Vitinho)，因為域天奴相對地係攻強守弱，只不過未等到對方嘅失誤，自己嘅進攻套路就已經被洞悉，因為班蘭莊遜只係善於用右腳施射，因此域天奴只要封大位令佢射腳角度收窄就已經大幅降低威脅，所以上半場般尼即使無勢都能夠守住0比0。
下半場攻守格局接近，般尼面對逼搶往往龍門只能大腳斬上去，即使般尼球員攞到第一點，但好快就被熱刺中場球員拍甩，再加上球員質素有限，令到進攻機會更加凋零，所以場面格局只係等待熱刺何時破門。
58分鐘熱刺收起盧施素換入班恩基爾(Bryan Gil)，此子擔任左翼，古路錫夫斯基移入中路，班蘭莊遜就打右翼位置，呢一系列嘅調動令到班蘭莊遜能夠發揮佢嘅右腳，其後66分鐘一記彈地窩利終於開始考驗門將撲救能力。去到79分鐘門將梅歷用手掟波開龍門球，諗住快開打防守反擊，但被熱刺右閘樸羅(Pedro Porro)截到，推到禁區外抽射入網，熱刺終於打破僵局取得入球，而熱刺最後亦憑着呢個入球取得勝仗淘汰般尼晉級足總盃第四圈。
失去孫興慜嘅第一仗反映到孫仔雙槍仗嘅威力同前場輸送嘅能力，左翼班蘭莊遜右腳進攻被洞悉，李察利臣由守轉攻嘅傳送強差人意，幸好防守方面上無走樣，只係進攻乏力，因此進攻方面下一場對曼聯就要好好考慮邊個打左翼。般尼面對聖誕快車賽程過後，加上人腳質素，表現其實不過不失，對比起足總盃晉級，相信聯賽會係更重要一環。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場