車路士淘汰維拉晉級 安素罰球直入粉碎離隊傳聞
車路士淘汰維拉晉級 安素罰球直入粉碎離隊傳聞
英格蘭足總盃賽事，阿士東維拉主場對車路士，主隊方面4-2-3-1陣式由麥堅(John McGinn)同利安拜利(Leon Bailey)踢兩翼，迪亞高卡路士(Diego Carlos)就出任正選中堅。作客嘅車路士排面上4-2-3-1陣式，史達寧、尼干古同泰亞高施華先列後備，由尼高拉斯積遜(Nicolas Jackson)打左翼，彭馬(Cole Palmer)擺係正中鋒。
賽前對比起兩隊嘅近況，阿士東維拉較為有優勢，但實際上車路士驚喜地喺11分鐘以一次團隊配合製造入球，當時尼高拉斯積遜(Nicolas Jackson)左路推進入禁區，cut back比內切嘅馬杜亞基(Noni Madueke)，停波再食住身位回後，set 好炮台由加拉加(Conor Gallagher)後上射入，為車路士領先1比0。然而車路士攻勢一浪接一浪，21分鐘車路士右邊推進，古斯圖(Malo Gusto)傳中，維拉中堅迪亞高卡路士(Diego Carlos)升起預判錯誤，令積遜禁區內頂入，為車路士喺上半場領先2比0。
車路士今場以積遜踢左翼，彭馬打中鋒，位置上確實掩蓋咗佢踢中鋒嘅弱點，例如係背身攞波同走位，而今日踢左翼做到推進並且可以賣弄一下腳法，令佢喺今場創造咗四次機會為全場最高。
至於另一邊嘅維拉進攻時兩邊閘位輪流壓前，令到後防形成三中堅，右邊嘅卡殊更多時間上前。同時間維拉今日都維持高位嘅防線以幫助進攻，但偏偏車路士今日踢法更直接更快速地打反擊，目標防線後一大片草原，結果令維拉嘅回防時未能填補漏洞，特別係總有一隻閘位上前，三人防線再加上防中嘅卡馬拉回後先至勉強塞住空位，但卡馬拉回放速度又未夠快，因此係維拉上半場落後嘅主因。
換邊後兩隊並冇換人，去到54分鐘安素費車南迪斯一記罰球直飛死角，粉碎離隊謠言，更協助球隊擴大領先至三比零。車路士及後目標只係守到完場，但維拉嘅進攻一直冇起色，態度更加不溫不火，就算做到進攻到禁區邊，後上follow up嘅人都唔夠未能創造有效攻勢，直到71分鐘換入積及藍斯同迪亞比(Moussa Diaby)先有少少圍攻嘅姿勢，而呢兩位後備上陣嘅攻擊球員亦協助維拉追返一球，91分鐘積及藍斯禁區內回傳，迪亞比禁區頂峨嵋月起腳割草式地波入網，最終車路士作客以三比一擊敗阿士東維拉，晉級足總盃16強，而16強對手將會係英冠嘅列斯聯。
主隊嘅維拉今日行軍速度慢，進攻壓上去嘅人員亦唔足夠，加上70分鐘先開始換人，難免令人質疑球隊對足總盃嘅取態，畢竟維拉喺下半季都要面對英超同歐協聯兩條戰線。另一邊嘅車路士兩翼嘅發揮都值得一讚，雖然仲有好多進步嘅空間，但比起過往嘅低迷已經有大幅進步，特別係右翼嘅馬杜亞基突破幾有睇頭，曾經有一次喺右邊連過兩關推過大半場，亦有一次回防相當徹底由前半場跟到對手去到自家禁區，不過車路士嘅問題始終係穩定性，今日驚喜地踢一場好波，但下一場能唔能夠交到接近嘅表現已經係一個問題，因此車路士嘅波要一場一場咁睇。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場
賽前對比起兩隊嘅近況，阿士東維拉較為有優勢，但實際上車路士驚喜地喺11分鐘以一次團隊配合製造入球，當時尼高拉斯積遜(Nicolas Jackson)左路推進入禁區，cut back比內切嘅馬杜亞基(Noni Madueke)，停波再食住身位回後，set 好炮台由加拉加(Conor Gallagher)後上射入，為車路士領先1比0。然而車路士攻勢一浪接一浪，21分鐘車路士右邊推進，古斯圖(Malo Gusto)傳中，維拉中堅迪亞高卡路士(Diego Carlos)升起預判錯誤，令積遜禁區內頂入，為車路士喺上半場領先2比0。
車路士今場以積遜踢左翼，彭馬打中鋒，位置上確實掩蓋咗佢踢中鋒嘅弱點，例如係背身攞波同走位，而今日踢左翼做到推進並且可以賣弄一下腳法，令佢喺今場創造咗四次機會為全場最高。
至於另一邊嘅維拉進攻時兩邊閘位輪流壓前，令到後防形成三中堅，右邊嘅卡殊更多時間上前。同時間維拉今日都維持高位嘅防線以幫助進攻，但偏偏車路士今日踢法更直接更快速地打反擊，目標防線後一大片草原，結果令維拉嘅回防時未能填補漏洞，特別係總有一隻閘位上前，三人防線再加上防中嘅卡馬拉回後先至勉強塞住空位，但卡馬拉回放速度又未夠快，因此係維拉上半場落後嘅主因。
換邊後兩隊並冇換人，去到54分鐘安素費車南迪斯一記罰球直飛死角，粉碎離隊謠言，更協助球隊擴大領先至三比零。車路士及後目標只係守到完場，但維拉嘅進攻一直冇起色，態度更加不溫不火，就算做到進攻到禁區邊，後上follow up嘅人都唔夠未能創造有效攻勢，直到71分鐘換入積及藍斯同迪亞比(Moussa Diaby)先有少少圍攻嘅姿勢，而呢兩位後備上陣嘅攻擊球員亦協助維拉追返一球，91分鐘積及藍斯禁區內回傳，迪亞比禁區頂峨嵋月起腳割草式地波入網，最終車路士作客以三比一擊敗阿士東維拉，晉級足總盃16強，而16強對手將會係英冠嘅列斯聯。
主隊嘅維拉今日行軍速度慢，進攻壓上去嘅人員亦唔足夠，加上70分鐘先開始換人，難免令人質疑球隊對足總盃嘅取態，畢竟維拉喺下半季都要面對英超同歐協聯兩條戰線。另一邊嘅車路士兩翼嘅發揮都值得一讚，雖然仲有好多進步嘅空間，但比起過往嘅低迷已經有大幅進步，特別係右翼嘅馬杜亞基突破幾有睇頭，曾經有一次喺右邊連過兩關推過大半場，亦有一次回防相當徹底由前半場跟到對手去到自家禁區，不過車路士嘅問題始終係穩定性，今日驚喜地踢一場好波，但下一場能唔能夠交到接近嘅表現已經係一個問題，因此車路士嘅波要一場一場咁睇。
如果睇到呢度，不妨follow我地嘅instagram睇到更多唔同嘅足球資訊！
IG : Footballarena_hk
Facebook: 足球港場