藍牌制度引入球壇 球員被罰藍牌需要離場10分鐘
藍牌制度引入球壇 球員被罰藍牌需要離場10分鐘
根據Telegraph嘅報導，國際足協理事會（IFAB）週五將會宣佈加入新嘅藍牌制度，但預計下季唔會立刻係頂級聯賽中使用，而係其他比賽例如足總盃同女子足總盃等比賽進行試驗。
當球員投訴過份激烈、惡意拉人犯規，球證將會有權出示藍牌，領取藍牌嘅球員，將要係比賽中離場10分鐘，之後可以返到場上繼續比賽。因此，藍牌嘅處分程度處於黃牌與紅牌之間，而球員領取兩張藍牌或一黃一藍則等同紅牌離場。
固然藍牌制度仍然要等IFAB釐清覆蓋範圍同使用嘅原則，但藍牌制度嘅誕生已經衍生一啲問題，首先係球證執法權，藍牌嘅出示係取決於球證嘅取態，但近年球證，又或者特別係英格蘭球證，執法水平每況愈下，藍牌嘅誕生將會增加球證嘅權力，但球證又有無足夠能力駕馭整場比賽呢？
其二係影響球賽進行，當有球員領藍牌離場10分鐘，該隊伍必定會縮後防守等反擊，呢10分鐘球隊將會變得消極同拖時間，以等待10分鐘完結，等待球隊重返11人，變相球員同球迷都會浪費呢10分鐘。
其三係改變球賽戰術，報導上有舉例指出2020歐洲國家盃嘅決賽，當時基亞連尼曾經惡意拉扯薩卡嘅球衣，犯規被罰黃牌，如果引入此制度將會判罰藍牌。事實上好多比賽都有拉人嘅戰術犯規，對於球員同球迷都見怪不怪，但若然球員係呢個戰術犯規被罰離場，其代價將提升更多，因此藍牌亦會改變目前球賽嘅戰術
最後係打破傳統，過往只有黃牌同紅牌，如今參考冰球引入藍牌制度，有人評論足球逐漸變得美國化，亦有人講已經唔係足球，但或許藍牌有佢嘅價值存在，譬如取代紅牌由直接離場改為離場10分鐘，球賽則不會變成一面倒，所以藍牌制度絕對可以係低組別試驗以觀察其效果。若然有人反駁足球已死，實則上足球一直改革，由1970年代引入換人制度，及後每場比賽可以換3個人，目前比賽甚至已經可以換5個人，同埋VAR、門線技術系統，其實足球一直在變，你又接唔接呢個制度呢？
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
https://youtu.be/kxT8tFBlJyk?si=8wcIVqcsM_jorBR1
根據Telegraph嘅報導，國際足協理事會（IFAB）週五將會宣佈加入新嘅藍牌制度，但預計下季唔會立刻係頂級聯賽中使用，而係其他比賽例如足總盃同女子足總盃等比賽進行試驗。
當球員投訴過份激烈、惡意拉人犯規，球證將會有權出示藍牌，領取藍牌嘅球員，將要係比賽中離場10分鐘，之後可以返到場上繼續比賽。因此，藍牌嘅處分程度處於黃牌與紅牌之間，而球員領取兩張藍牌或一黃一藍則等同紅牌離場。
固然藍牌制度仍然要等IFAB釐清覆蓋範圍同使用嘅原則，但藍牌制度嘅誕生已經衍生一啲問題，首先係球證執法權，藍牌嘅出示係取決於球證嘅取態，但近年球證，又或者特別係英格蘭球證，執法水平每況愈下，藍牌嘅誕生將會增加球證嘅權力，但球證又有無足夠能力駕馭整場比賽呢？
其二係影響球賽進行，當有球員領藍牌離場10分鐘，該隊伍必定會縮後防守等反擊，呢10分鐘球隊將會變得消極同拖時間，以等待10分鐘完結，等待球隊重返11人，變相球員同球迷都會浪費呢10分鐘。
其三係改變球賽戰術，報導上有舉例指出2020歐洲國家盃嘅決賽，當時基亞連尼曾經惡意拉扯薩卡嘅球衣，犯規被罰黃牌，如果引入此制度將會判罰藍牌。事實上好多比賽都有拉人嘅戰術犯規，對於球員同球迷都見怪不怪，但若然球員係呢個戰術犯規被罰離場，其代價將提升更多，因此藍牌亦會改變目前球賽嘅戰術
最後係打破傳統，過往只有黃牌同紅牌，如今參考冰球引入藍牌制度，有人評論足球逐漸變得美國化，亦有人講已經唔係足球，但或許藍牌有佢嘅價值存在，譬如取代紅牌由直接離場改為離場10分鐘，球賽則不會變成一面倒，所以藍牌制度絕對可以係低組別試驗以觀察其效果。若然有人反駁足球已死，實則上足球一直改革，由1970年代引入換人制度，及後每場比賽可以換3個人，目前比賽甚至已經可以換5個人，同埋VAR、門線技術系統，其實足球一直在變，你又接唔接呢個制度呢？
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
https://youtu.be/kxT8tFBlJyk?si=8wcIVqcsM_jorBR1