鶴臣離任水晶宮領隊一職 加士拿上任掀起改革序幕
鶴臣離任水晶宮領隊一職 加士拿上任掀起改革序幕
https://youtu.be/hMfhmaZGu5U?si=QnXpmGga7eonhDaD 
水晶宮官方宣布領隊鶴臣(Roy Hodgson)離任球隊領隊一職，球會將會聘請前法蘭克福領隊加士拿(Oliver Glasner)接任，雙方將會簽約2年半至2026年6月。
現年76歲嘅鶴臣爺爺一度係2022年6月宣布退休，但係2023年3月為左「拯救」水晶宮再度出山，成功喺上季協助球隊護級後，再簽多一年合約，然而近期戰績一般，加上最近喺球場訓練上病倒需要入院治理，繼而決定辭任領隊一職。
不過根據Fabrizio Romano嘅報導，早一個星期水晶宮已經決定辭退鶴臣，並聘請新領隊，但巧合遇上鶴臣病倒嘅情況，從而演變到目前嘅情況。
有見及此，其實水晶宮管理層絕對可以做得更好。首先係講返上季辭退韋拉嘅決定已經係顯得唔夠耐性，當時韋拉雖然執教水晶宮迎來連續11場聯賽不勝，不過對手上有唔少強敵，縱使輸波場面亦唔係太輸蝕，賽果亦只係一球上落。可惜管理層耐性不足，護級心切，繼而辭退韋拉再度搵返鶴臣，由地面組織倒退去防守反擊，確實係保住聯賽席位，但對球隊進步已經係有負面影響。再者，喺護級成功後應該要尋找新領隊，而唔係同鶴臣續約，原因其一係鶴臣年事已高、身體狀況不穩定，其二喺英超絕對要破舊立新，否則會不進則退。
今季嘅水晶宮目前已25分排喺15位，對於長期中游嘅佢地唔算太差，但若然管理層已成績太差而決定辭退鶴臣，反而又有少少可憐鶴臣。今季陣中主力嘅奧利臣(Michael Olise)同艾斯(Eberechi Eze)經常受傷，第三主力嘅佐敦阿休(Jordan Ayew)又要征戰非洲盃，而且中場主力卓克杜哥利(Cheick Oumar Doucouré)又重傷收咧，人員上已經影響球隊部署。同一時間球隊其餘質素有限，呢個成績已經算唔錯。
一月水晶宮對阿仙奴嘅賽事，曾經有球迷拉起橫額控訴管理層同埋鶴臣嘅領導能力，不過鶴臣手下嘅水晶宮除咗着重防守，其實都有慢慢嘅轉變，例如今季係高空波防守大幅進步，球隊逐漸增添年輕球員，包括由巴西來投嘅法蘭卡(Matheus Franca)、右閘梅利斯(Daniel Munoz)同19歲中場華頓(Adam Wharton)，因此水晶宮有慢慢的改變而唔係一成不變。不過，鶴臣已經決定離職，只希望佢身體健康，始終老人家已經七十幾80歲，身體先係最緊要。
後鶴臣年代嘅水晶宮將會迎來新領隊加士拿(Oliver Glasner)，呢位前法蘭克福教頭曾經協助球隊贏得21/22球季嘅歐霸盃冠軍，當時振中有鎌田大地、高斯迪(Filip Kostic)同連士唐(Jesper Lindstrøm)等球員，執教風格着重地面搓傳同三中堅，週一水晶宮對愛華頓嘅賽事已經轉為3-4-2-1陣式，效果亦鮮明，因此可以期待水晶宮嘅新一章。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
https://youtu.be/hMfhmaZGu5U?si=QnXpmGga7eonhDaD
現年76歲嘅鶴臣爺爺一度係2022年6月宣布退休，但係2023年3月為左「拯救」水晶宮再度出山，成功喺上季協助球隊護級後，再簽多一年合約，然而近期戰績一般，加上最近喺球場訓練上病倒需要入院治理，繼而決定辭任領隊一職。
不過根據Fabrizio Romano嘅報導，早一個星期水晶宮已經決定辭退鶴臣，並聘請新領隊，但巧合遇上鶴臣病倒嘅情況，從而演變到目前嘅情況。
有見及此，其實水晶宮管理層絕對可以做得更好。首先係講返上季辭退韋拉嘅決定已經係顯得唔夠耐性，當時韋拉雖然執教水晶宮迎來連續11場聯賽不勝，不過對手上有唔少強敵，縱使輸波場面亦唔係太輸蝕，賽果亦只係一球上落。可惜管理層耐性不足，護級心切，繼而辭退韋拉再度搵返鶴臣，由地面組織倒退去防守反擊，確實係保住聯賽席位，但對球隊進步已經係有負面影響。再者，喺護級成功後應該要尋找新領隊，而唔係同鶴臣續約，原因其一係鶴臣年事已高、身體狀況不穩定，其二喺英超絕對要破舊立新，否則會不進則退。
今季嘅水晶宮目前已25分排喺15位，對於長期中游嘅佢地唔算太差，但若然管理層已成績太差而決定辭退鶴臣，反而又有少少可憐鶴臣。今季陣中主力嘅奧利臣(Michael Olise)同艾斯(Eberechi Eze)經常受傷，第三主力嘅佐敦阿休(Jordan Ayew)又要征戰非洲盃，而且中場主力卓克杜哥利(Cheick Oumar Doucouré)又重傷收咧，人員上已經影響球隊部署。同一時間球隊其餘質素有限，呢個成績已經算唔錯。
一月水晶宮對阿仙奴嘅賽事，曾經有球迷拉起橫額控訴管理層同埋鶴臣嘅領導能力，不過鶴臣手下嘅水晶宮除咗着重防守，其實都有慢慢嘅轉變，例如今季係高空波防守大幅進步，球隊逐漸增添年輕球員，包括由巴西來投嘅法蘭卡(Matheus Franca)、右閘梅利斯(Daniel Munoz)同19歲中場華頓(Adam Wharton)，因此水晶宮有慢慢的改變而唔係一成不變。不過，鶴臣已經決定離職，只希望佢身體健康，始終老人家已經七十幾80歲，身體先係最緊要。
後鶴臣年代嘅水晶宮將會迎來新領隊加士拿(Oliver Glasner)，呢位前法蘭克福教頭曾經協助球隊贏得21/22球季嘅歐霸盃冠軍，當時振中有鎌田大地、高斯迪(Filip Kostic)同連士唐(Jesper Lindstrøm)等球員，執教風格着重地面搓傳同三中堅，週一水晶宮對愛華頓嘅賽事已經轉為3-4-2-1陣式，效果亦鮮明，因此可以期待水晶宮嘅新一章。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung