皇馬捧起歐洲超級盃冠軍 麥巴比皇馬首戰即入球
皇馬捧起歐洲超級盃冠軍 麥巴比皇馬首戰即入球
歐洲超級盃賽事，歐聯冠軍皇家馬德里對戰歐霸盃冠軍阿特蘭大，皇馬今日排出4-3-3陣式，中場位置雖有卻奧斯退休，不過有比寧咸由攻擊中場位置移師到左中場，而前線當然有三叉戟雲尼素斯、洛迪高同首次穿起皇馬戰衣出戰嘅麥巴比(Kylian Mbappé)。另一邊嘅阿特蘭大3-4-1-2陣式，正前鋒史卡馬卡因傷缺陣，由盧克文(Ademola Lookman)同迪基迪拉爾(Charles De Ketelaere)擔任雙箭頭，盛傳會轉會到祖雲達斯嘅高柏美蘭斯(Teun Koopmeiners)不在後備席，正選中場位置則由迪努恩(Marten de Roon)補上。
基於歐洲超級盃賽事喺聯賽前舉行，兩隊嘅狀態都較為一般，需要時間搵返狀態，因此上半場嘅戰況慢熱。然而，上半場控球時間最多嘅相信應該係門將高爾圖斯(Thibaut Courtois)，因為阿特蘭大防守上撇除門將，嚴格執行人盯人防守，令皇馬係進攻組織上冇太多選擇，迫使對方利用長傳，增加對方失去控球權嘅機率，再靠兩路發難，其中前車路士球員薩柏哥斯達(Davide Zappacosta)32歲之齡依然活動範圍大，跑上跑落支援進攻防守相當賣力。
皇馬方面上半場防守純粹遮線為主，實際上給予對方非常多嘅傳送空間、攞波時間，有保留體力嘅感覺，全隊10人回防Low Block防守，皮球一到禁區就會進行包夾，而進攻上並沒有太清晰嘅主調，大致上係睇雲尼素斯係左路突破。皇馬今季第一場「後卻奧斯」年代中場缺乏連接同流動性，確實有洛迪高或比寧咸回後幫波，但及後其他人嘅走位配合並無兩個月前一樣咁具備團隊意識。
下半場兩隊開始成功製造威脅，46分鐘薩柏哥斯達傳中到尾柱，柏沙歷(Mario Pasaloc)頭槌一頂由門將高爾圖斯撲出。皇馬方面都有變招，其中麥巴比多咗喺左路位置出現，而59分鐘雲尼素斯禁區內左路扭過對方中堅迪占士堤，橫傳到尾柱入楔嘅華維迪撞射入網，正式破門領先一比零。67分鐘皇馬前場逼搶成功，雲尼素斯右路橫傳助攻不成，比寧咸左路禁區一攞睇定再橫傳，麥巴比十二點一射入網，為皇馬貢獻加盟第一球。及後雖然阿特蘭大落後之下隨即撳掣，換入前鋒列迪古(Mateo Retegui)同前愛華頓球員賓葛菲(Ben Godfrey)，但阿特蘭大嘅球員自60分鐘起已經速率下降，加上面對皇馬係下半場執行嘅前場逼搶戰術，被攻入兩球之後已經無力回天，結果皇家馬德里下半場改變節奏連入兩球擊敗意甲阿特蘭大，捧起歐洲超級盃冠軍，亦係麥巴比加盟皇馬第一個冠軍🏆
阿特蘭大戰術方針明確，上半場人盯人防守，右翼衛薩柏哥斯達用盡氣力來回奔走，唯獨面對皇馬低位防守無計可施，也許缺乏正選中鋒嘅原因，下半場體力不繼戰敗亦無可厚非。不過今場一對前鋒都有驚喜，盧克文活力、爭勝心十足，迪基迪拉爾都有唔錯嘅腳法，係意甲競爭相信都冇問題。
皇馬方面戰術係上半場留力，下半場改變節奏從而攻入兩球，雖然勝出，但上半場亦有改善空間，譬如中場分工需要更加清晰，麥總同雲尼素斯喺前場可以有更多互換位置嘅走動，不過呢支新皇馬始終需要時間磨合，因此密切留意麥總係皇馬嘅發揮。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
歐洲超級盃賽事，歐聯冠軍皇家馬德里對戰歐霸盃冠軍阿特蘭大，皇馬今日排出4-3-3陣式，中場位置雖有卻奧斯退休，不過有比寧咸由攻擊中場位置移師到左中場，而前線當然有三叉戟雲尼素斯、洛迪高同首次穿起皇馬戰衣出戰嘅麥巴比(Kylian Mbappé)。另一邊嘅阿特蘭大3-4-1-2陣式，正前鋒史卡馬卡因傷缺陣，由盧克文(Ademola Lookman)同迪基迪拉爾(Charles De Ketelaere)擔任雙箭頭，盛傳會轉會到祖雲達斯嘅高柏美蘭斯(Teun Koopmeiners)不在後備席，正選中場位置則由迪努恩(Marten de Roon)補上。
基於歐洲超級盃賽事喺聯賽前舉行，兩隊嘅狀態都較為一般，需要時間搵返狀態，因此上半場嘅戰況慢熱。然而，上半場控球時間最多嘅相信應該係門將高爾圖斯(Thibaut Courtois)，因為阿特蘭大防守上撇除門將，嚴格執行人盯人防守，令皇馬係進攻組織上冇太多選擇，迫使對方利用長傳，增加對方失去控球權嘅機率，再靠兩路發難，其中前車路士球員薩柏哥斯達(Davide Zappacosta)32歲之齡依然活動範圍大，跑上跑落支援進攻防守相當賣力。
皇馬方面上半場防守純粹遮線為主，實際上給予對方非常多嘅傳送空間、攞波時間，有保留體力嘅感覺，全隊10人回防Low Block防守，皮球一到禁區就會進行包夾，而進攻上並沒有太清晰嘅主調，大致上係睇雲尼素斯係左路突破。皇馬今季第一場「後卻奧斯」年代中場缺乏連接同流動性，確實有洛迪高或比寧咸回後幫波，但及後其他人嘅走位配合並無兩個月前一樣咁具備團隊意識。
下半場兩隊開始成功製造威脅，46分鐘薩柏哥斯達傳中到尾柱，柏沙歷(Mario Pasaloc)頭槌一頂由門將高爾圖斯撲出。皇馬方面都有變招，其中麥巴比多咗喺左路位置出現，而59分鐘雲尼素斯禁區內左路扭過對方中堅迪占士堤，橫傳到尾柱入楔嘅華維迪撞射入網，正式破門領先一比零。67分鐘皇馬前場逼搶成功，雲尼素斯右路橫傳助攻不成，比寧咸左路禁區一攞睇定再橫傳，麥巴比十二點一射入網，為皇馬貢獻加盟第一球。及後雖然阿特蘭大落後之下隨即撳掣，換入前鋒列迪古(Mateo Retegui)同前愛華頓球員賓葛菲(Ben Godfrey)，但阿特蘭大嘅球員自60分鐘起已經速率下降，加上面對皇馬係下半場執行嘅前場逼搶戰術，被攻入兩球之後已經無力回天，結果皇家馬德里下半場改變節奏連入兩球擊敗意甲阿特蘭大，捧起歐洲超級盃冠軍，亦係麥巴比加盟皇馬第一個冠軍🏆
阿特蘭大戰術方針明確，上半場人盯人防守，右翼衛薩柏哥斯達用盡氣力來回奔走，唯獨面對皇馬低位防守無計可施，也許缺乏正選中鋒嘅原因，下半場體力不繼戰敗亦無可厚非。不過今場一對前鋒都有驚喜，盧克文活力、爭勝心十足，迪基迪拉爾都有唔錯嘅腳法，係意甲競爭相信都冇問題。
皇馬方面戰術係上半場留力，下半場改變節奏從而攻入兩球，雖然勝出，但上半場亦有改善空間，譬如中場分工需要更加清晰，麥總同雲尼素斯喺前場可以有更多互換位置嘅走動，不過呢支新皇馬始終需要時間磨合，因此密切留意麥總係皇馬嘅發揮。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung