利物浦一對中堅歐聯建功 作客AC米蘭有驚無險3比1取勝
利物浦一對中堅歐聯建功 作客AC米蘭有驚無險3比1取勝
歐聯新制第一日賽事，AC米蘭對利物浦，今季AC米蘭換上新領隊方辛卡(Paulo Fonseca)，目前聯賽4場只有1勝，成績位於中游，今日排出4-2-3-1陣式由摩拉達出任正選前鋒，右閘用上隊長卡拉比亞(Davide Calabria) 取代艾馬臣。作客嘅利物浦上場爆冷被諾定咸森林一球取勝，今日4-2-3-1陣式作出兩個調動，分別係左閘用上森美卡斯(Konstantinos Tsimikas)同左翼用上加普(Cody Gakpo)。
開波3分鐘利物浦左閘森美卡斯上前爭頂不成，由前鋒摩拉達做支點二傳，佩利錫沿右路推入禁區射遠柱入網，為AC米蘭率先領先1比0。本以為AC米蘭會帶來驚喜，但開波兩次起腳後就一直被利物浦圍攻，23分鐘利物浦前場死球由阿諾係左路斬到小禁區，由干拿迪頭鎚頂入追平比數。
其間沙拿個人亦有兩次起腳中楣彈出，及後到41分鐘雲迪克門前輕鬆頂入角球，利物浦一對中堅以頭鎚半場反超主隊2比1。
去到下半場落後嘅AC米蘭未有作出調動，本來已經有啲傷嘅門將邁治蘭(Mike Maignan)再被祖達射傷，佢係51分鐘內交出5次關鍵撲救，而代替佢上陣嘅係地標戰19歲小將Lorenzo Torriani，幸好利物浦下半場開始收油，去到67分鐘利物浦一次反擊，加普左路一個變速就過左對方中堅柏夫洛域(Strahinja Pavlovic)，傳中由蘇保斯禮以小腿撞入。最後有兩球差距嘅利物浦逐漸讓出控球權，但AC米蘭下半場6次起腳絕大部份都無威脅，Expected Goal累計只有0.43，最終利物浦3比1作客有驚無險擊敗AC米蘭取得歐聯第一勝。
作客嘅利物浦進攻、迫搶、反搶同控制節奏嘅部署更加穩陣，而大部份球員發揮良好，左翼加普狀態火熱，唯獨左閘森美卡斯久違嘅正選機會四次起腳都極度遠離目標，第一個失球都有一半責任，所以佢相對地較為遜色。
AC米蘭方面如果無邁治蘭嘅5次撲救、沙拿兩次中楣同下半場對方收油，主隊必定會再輸多幾球，因為一對防中尤素夫科芬拿同路夫斯卓克完全唔能夠保護一對中堅，後者踢左接近70分鐘，只有一次解圍同一次成功攔截。中堅嘅柏夫洛域防守意識不足，特別係紅軍可以係小禁區頂入兩個傳中球，米蘭防守出現好大問題。最後里奧嘅招牌當然係個人突破，數據上佢有五次成功過人但0次創造機會同傳中，起腳都只係一次而且係96分鐘，可見AC米蘭連進攻都相當乏力。對比起上季歐聯對紐卡素一役，當時路夫斯卓克係盯防對方中場古馬雷斯並且最後兩隊踢成0比0，當然難以利用紐卡素比喻為利物浦，但當時防守係有部署，今日角球、死球防守出現漏洞，但人員調動援慢，想打後場搓傳又失敗，即使球員同對手實力有相差，不過今場敗局領隊方辛卡有好大責任。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hkFacebook: 足球港場
Youtube: 足球港場 - Chung
歐聯新制第一日賽事，AC米蘭對利物浦，今季AC米蘭換上新領隊方辛卡(Paulo Fonseca)，目前聯賽4場只有1勝，成績位於中游，今日排出4-2-3-1陣式由摩拉達出任正選前鋒，右閘用上隊長卡拉比亞(Davide Calabria) 取代艾馬臣。作客嘅利物浦上場爆冷被諾定咸森林一球取勝，今日4-2-3-1陣式作出兩個調動，分別係左閘用上森美卡斯(Konstantinos Tsimikas)同左翼用上加普(Cody Gakpo)。
開波3分鐘利物浦左閘森美卡斯上前爭頂不成，由前鋒摩拉達做支點二傳，佩利錫沿右路推入禁區射遠柱入網，為AC米蘭率先領先1比0。本以為AC米蘭會帶來驚喜，但開波兩次起腳後就一直被利物浦圍攻，23分鐘利物浦前場死球由阿諾係左路斬到小禁區，由干拿迪頭鎚頂入追平比數。
其間沙拿個人亦有兩次起腳中楣彈出，及後到41分鐘雲迪克門前輕鬆頂入角球，利物浦一對中堅以頭鎚半場反超主隊2比1。
去到下半場落後嘅AC米蘭未有作出調動，本來已經有啲傷嘅門將邁治蘭(Mike Maignan)再被祖達射傷，佢係51分鐘內交出5次關鍵撲救，而代替佢上陣嘅係地標戰19歲小將Lorenzo Torriani，幸好利物浦下半場開始收油，去到67分鐘利物浦一次反擊，加普左路一個變速就過左對方中堅柏夫洛域(Strahinja Pavlovic)，傳中由蘇保斯禮以小腿撞入。最後有兩球差距嘅利物浦逐漸讓出控球權，但AC米蘭下半場6次起腳絕大部份都無威脅，Expected Goal累計只有0.43，最終利物浦3比1作客有驚無險擊敗AC米蘭取得歐聯第一勝。
作客嘅利物浦進攻、迫搶、反搶同控制節奏嘅部署更加穩陣，而大部份球員發揮良好，左翼加普狀態火熱，唯獨左閘森美卡斯久違嘅正選機會四次起腳都極度遠離目標，第一個失球都有一半責任，所以佢相對地較為遜色。
AC米蘭方面如果無邁治蘭嘅5次撲救、沙拿兩次中楣同下半場對方收油，主隊必定會再輸多幾球，因為一對防中尤素夫科芬拿同路夫斯卓克完全唔能夠保護一對中堅，後者踢左接近70分鐘，只有一次解圍同一次成功攔截。中堅嘅柏夫洛域防守意識不足，特別係紅軍可以係小禁區頂入兩個傳中球，米蘭防守出現好大問題。最後里奧嘅招牌當然係個人突破，數據上佢有五次成功過人但0次創造機會同傳中，起腳都只係一次而且係96分鐘，可見AC米蘭連進攻都相當乏力。對比起上季歐聯對紐卡素一役，當時路夫斯卓克係盯防對方中場古馬雷斯並且最後兩隊踢成0比0，當然難以利用紐卡素比喻為利物浦，但當時防守係有部署，今日角球、死球防守出現漏洞，但人員調動援慢，想打後場搓傳又失敗，即使球員同對手實力有相差，不過今場敗局領隊方辛卡有好大責任。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hkFacebook: 足球港場
Youtube: 足球港場 - Chung