維拉留力歐聯留出禍 葉士域治戴納梅開二度成功攞分
維拉留力歐聯留出禍 葉士域治戴納梅開二度成功攞分
英超星期日早場賽事，升班馬葉士域治對戰前列隊伍阿士東維拉，葉士域治今季目前只輸過比利物浦同曼城，其餘賽事成功守和，而今日葉士域治4-2-3-1陣式有7個球員都係今季新加盟，防中有加雲菲臘斯(Kalvin Phillips)，左翼用上新特蘭來投嘅積奇勒(Jack Clarke)，而攻擊中場則有車路士來投嘅赫捷臣(Omari Hutchinson)。另一邊嘅阿士東維拉開季破勢如竹，賽前排係聯賽前列第5位，今日4-2-3-1陣式有利安拜利(Leon Bailey)擔任右翼取代受傷嘅麥堅，攻擊中場摩根羅渣士(Morgan Rogers)同前鋒屈堅斯。
開波8分鐘加雲菲臘斯左路禁區邊比到左翼嘅奇勒，壓入禁區Cut Back回傳中路嘅前鋒利安戴納(Liam Delap)一射入網，升班馬葉士域治率先入球1比0。
不過15分鐘葉士域治後場犯錯，中堅格里夫斯(Jacob Greaves)解圍一腳傳比禁區嘅羅渣士，同屈堅斯禁區做個One-two輕鬆射入追平1比1。
葉士域治防守時呈5-3-2陣式，右翼奧比歷(Chiedozie Ogbene)就會回防到右閘位置形成五後衛，但進攻時就會踩上去拉開陣形闊度。進攻重心則偏側重於左路，包括係進攻型左閘戴維斯(Leif Davis)喺上半場已經創造兩次黃金機會，而赫捷臣係禁區頂嘅走位引球都製造一定嘅威脅。
阿士東維拉進攻時左閘迪尼會壓前到翼鋒位置，積及藍斯則會內切到Half Space位置拉開空間，攻擊中場羅渣士則係右路Half Space吸引注意或回後幫波。32分鐘利安拜利落底傳中，屈堅斯係兩個中堅都無給予壓力嘅情況下門前頂入，上半場成功反超1比2。
下半場葉士域治積極壓前爭取更多控球率，由上半場嘅36%嘅控球率提升到一半嘅控球率，佢哋亦有9次起腳比對方多出3倍。不斷嘅嘗試去到72分鐘，前鋒戴納沿左邊邊路推入禁區，入到禁區一個假腳就令對方中堅迪亞高卡路士(Diego Carlos)失位，最後戴納梅開二度追平二比二，維拉後段即使換入貝安迪亞、巴克利同伊恩麥臣等進攻好手都未能取得3分，結果兩隊踢成2比2，葉士域治成功取得1分
維拉今日作客嘅取態較為不溫不火，其實整場有過多嘅無謂失誤，令到對方能夠打出突擊，上半場能夠攻入兩球，源於對方嘅失誤同防守不力，而下半場維拉更加以控制節奏為重心，寄望以二比一嘅賽果到完場，顯然意見地係為週中對拜仁慕尼黑嘅歐聯一役留力，結果被對方追平比數後更被其氣勢反壓，最終留力引致出禍只能取得1分。
葉士域治方面正如上述，今場正選合共有七位球員都係新收購加盟，整支球隊有降班球隊、英冠球隊或者係英超強隊青訓嘅球員組成，默契磨合同實力需要時間培養，不過今日一仗反映出佢哋有力喺英超護級，焦點球員包括左閘戴維斯全場貢獻七次創造機會，赫捷臣4次成功過人同戴納梅開二度，只要後防球員減少失誤，葉士域治將會有力護級。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung
英超星期日早場賽事，升班馬葉士域治對戰前列隊伍阿士東維拉，葉士域治今季目前只輸過比利物浦同曼城，其餘賽事成功守和，而今日葉士域治4-2-3-1陣式有7個球員都係今季新加盟，防中有加雲菲臘斯(Kalvin Phillips)，左翼用上新特蘭來投嘅積奇勒(Jack Clarke)，而攻擊中場則有車路士來投嘅赫捷臣(Omari Hutchinson)。另一邊嘅阿士東維拉開季破勢如竹，賽前排係聯賽前列第5位，今日4-2-3-1陣式有利安拜利(Leon Bailey)擔任右翼取代受傷嘅麥堅，攻擊中場摩根羅渣士(Morgan Rogers)同前鋒屈堅斯。
開波8分鐘加雲菲臘斯左路禁區邊比到左翼嘅奇勒，壓入禁區Cut Back回傳中路嘅前鋒利安戴納(Liam Delap)一射入網，升班馬葉士域治率先入球1比0。
不過15分鐘葉士域治後場犯錯，中堅格里夫斯(Jacob Greaves)解圍一腳傳比禁區嘅羅渣士，同屈堅斯禁區做個One-two輕鬆射入追平1比1。
葉士域治防守時呈5-3-2陣式，右翼奧比歷(Chiedozie Ogbene)就會回防到右閘位置形成五後衛，但進攻時就會踩上去拉開陣形闊度。進攻重心則偏側重於左路，包括係進攻型左閘戴維斯(Leif Davis)喺上半場已經創造兩次黃金機會，而赫捷臣係禁區頂嘅走位引球都製造一定嘅威脅。
阿士東維拉進攻時左閘迪尼會壓前到翼鋒位置，積及藍斯則會內切到Half Space位置拉開空間，攻擊中場羅渣士則係右路Half Space吸引注意或回後幫波。32分鐘利安拜利落底傳中，屈堅斯係兩個中堅都無給予壓力嘅情況下門前頂入，上半場成功反超1比2。
下半場葉士域治積極壓前爭取更多控球率，由上半場嘅36%嘅控球率提升到一半嘅控球率，佢哋亦有9次起腳比對方多出3倍。不斷嘅嘗試去到72分鐘，前鋒戴納沿左邊邊路推入禁區，入到禁區一個假腳就令對方中堅迪亞高卡路士(Diego Carlos)失位，最後戴納梅開二度追平二比二，維拉後段即使換入貝安迪亞、巴克利同伊恩麥臣等進攻好手都未能取得3分，結果兩隊踢成2比2，葉士域治成功取得1分
維拉今日作客嘅取態較為不溫不火，其實整場有過多嘅無謂失誤，令到對方能夠打出突擊，上半場能夠攻入兩球，源於對方嘅失誤同防守不力，而下半場維拉更加以控制節奏為重心，寄望以二比一嘅賽果到完場，顯然意見地係為週中對拜仁慕尼黑嘅歐聯一役留力，結果被對方追平比數後更被其氣勢反壓，最終留力引致出禍只能取得1分。
葉士域治方面正如上述，今場正選合共有七位球員都係新收購加盟，整支球隊有降班球隊、英冠球隊或者係英超強隊青訓嘅球員組成，默契磨合同實力需要時間培養，不過今日一仗反映出佢哋有力喺英超護級，焦點球員包括左閘戴維斯全場貢獻七次創造機會，赫捷臣4次成功過人同戴納梅開二度，只要後防球員減少失誤，葉士域治將會有力護級。
如果睇到呢度，不妨follow我地嘅instagram同Youtube睇到更多唔同嘅足球資訊！
IG : Footballarena_hk
Facebook: 足球港場
Youtube: 足球港場 - Chung