係香港搞波會癲
首集回顧 : 球會領導層的難題 - 領隊篇 (上)
次集回顧 : 球會領導層的難題 - 領隊篇 (中)
上集回顧 : 球會領導層的難題 - 領隊篇 (下)
黎到呢個特別篇就緊係唔好咁離地，香港地既業餘領隊就冇咩足球總監呀果啲架喇，但都唔代表係到搞波係一件易事黎架，等我地一齊黎睇睇係香港搞一隊業餘波到底會有幾咁麻煩啦！
一、場地
要搞波、練波又點可以冇場呢係咪？但係我地呢個香港有咁多土地問題，邊有咁多場比我地攞黎練波呀？想卜個草場又唔夠班炒場佬玩，一個八十零蚊既場夠膽死炒到成三舊水。雖然炒場的確係可以食水好深，但作為一個球隊黎講其實呢啲支出真係好無謂。不過係呢個乜鬼野都炒既香港，炒場又有幾咁出奇呢？我地都聽過好多人同我地講「比唔起錢就唔好學人搞波啦！」。我地都明呢個係事實，不過諗深一層，其實成件事都幾唔合理架，政府定個價錢出黎都唔係比人攞黎食水既。不過算啦，係呢個荒謬香港同人講邏輯同道理本來就係一件荒謬既事。
二、人腳
好喇當我地終於向現實低頭炒左個場留黎喇，咦？點解數黎數去都係唔夠人既？放飛機既放飛機遲到既遲到，夠鐘喇都淨係得七個，想點先大佬。約人果陣要番工就唔岩時間已經冇左一半人，到出到黎球場再打比人問佢地係邊，佢地可以果陣先話突然醒起有野做，又有一部份人話「喂我攰呀，你地都夠人架啦，我唔黎喇。」，結果一個係咁兩個又係咁，最後本來可以有十一個連後備就會得番七個人係場上面。
就算比你齊人喇，比你安排好陣容之後班後備就會係到嘈喇，「點解冇我份先？點解係你話事先？下次都係唔黎喇。」，喂大佬，一隊波緊係要有正選後備架啦，好正常姐下話？唔通一場十一人既比賽就只可以有十一個人？可能呢個就係具香港特色既足球哲學啦。
三、夾錢
香港人最容易反面既應該唔係政治立場，係錢。平時踢波大家一齊夾番小小錢卜下場買下水報下比賽比下球證費都好基本姐，偏偏就係呢幾廿蚊都可以有人走數。你永遠都唔明一個人點解可以為左果幾十蚊而放棄一班識左好耐既朋友。
係香港地錢銀野真係禁忌黎，整件衫又嫌貴卜個平平地既場又嫌遠，媽呀真係好難服侍呀。明明大家都唔係真係財政咁拮据，就係唔肯夾錢比你呀，吹咩？
所以話係香港地搞波都真係一件好辛苦既事，不過就算係咁，但點解香港仍然有咁多人搞波呢？好簡單，就係因為，我地中意足球囉。平時生活對住個腦細都已經咁辛苦咯，有機會一班朋友出黎踢下波感受下並肩作戰既感覺，其實都幾好架。當然啦，為左一班人而自己咁辛苦值唔值得就見人見智既，但可以因為咁樣而識到另一班波友既其實都未嘗唔係一件好事。
分享出去，Tag你身邊搞緊波既朋友仔睇下佢地有冇共鳴啦！
次集回顧 : 球會領導層的難題 - 領隊篇 (中)
上集回顧 : 球會領導層的難題 - 領隊篇 (下)
黎到呢個特別篇就緊係唔好咁離地，香港地既業餘領隊就冇咩足球總監呀果啲架喇，但都唔代表係到搞波係一件易事黎架，等我地一齊黎睇睇係香港搞一隊業餘波到底會有幾咁麻煩啦！
一、場地
要搞波、練波又點可以冇場呢係咪？但係我地呢個香港有咁多土地問題，邊有咁多場比我地攞黎練波呀？想卜個草場又唔夠班炒場佬玩，一個八十零蚊既場夠膽死炒到成三舊水。雖然炒場的確係可以食水好深，但作為一個球隊黎講其實呢啲支出真係好無謂。不過係呢個乜鬼野都炒既香港，炒場又有幾咁出奇呢？我地都聽過好多人同我地講「比唔起錢就唔好學人搞波啦！」。我地都明呢個係事實，不過諗深一層，其實成件事都幾唔合理架，政府定個價錢出黎都唔係比人攞黎食水既。不過算啦，係呢個荒謬香港同人講邏輯同道理本來就係一件荒謬既事。
二、人腳
好喇當我地終於向現實低頭炒左個場留黎喇，咦？點解數黎數去都係唔夠人既？放飛機既放飛機遲到既遲到，夠鐘喇都淨係得七個，想點先大佬。約人果陣要番工就唔岩時間已經冇左一半人，到出到黎球場再打比人問佢地係邊，佢地可以果陣先話突然醒起有野做，又有一部份人話「喂我攰呀，你地都夠人架啦，我唔黎喇。」，結果一個係咁兩個又係咁，最後本來可以有十一個連後備就會得番七個人係場上面。
就算比你齊人喇，比你安排好陣容之後班後備就會係到嘈喇，「點解冇我份先？點解係你話事先？下次都係唔黎喇。」，喂大佬，一隊波緊係要有正選後備架啦，好正常姐下話？唔通一場十一人既比賽就只可以有十一個人？可能呢個就係具香港特色既足球哲學啦。
三、夾錢
香港人最容易反面既應該唔係政治立場，係錢。平時踢波大家一齊夾番小小錢卜下場買下水報下比賽比下球證費都好基本姐，偏偏就係呢幾廿蚊都可以有人走數。你永遠都唔明一個人點解可以為左果幾十蚊而放棄一班識左好耐既朋友。
係香港地錢銀野真係禁忌黎，整件衫又嫌貴卜個平平地既場又嫌遠，媽呀真係好難服侍呀。明明大家都唔係真係財政咁拮据，就係唔肯夾錢比你呀，吹咩？
所以話係香港地搞波都真係一件好辛苦既事，不過就算係咁，但點解香港仍然有咁多人搞波呢？好簡單，就係因為，我地中意足球囉。平時生活對住個腦細都已經咁辛苦咯，有機會一班朋友出黎踢下波感受下並肩作戰既感覺，其實都幾好架。當然啦，為左一班人而自己咁辛苦值唔值得就見人見智既，但可以因為咁樣而識到另一班波友既其實都未嘗唔係一件好事。
分享出去，Tag你身邊搞緊波既朋友仔睇下佢地有冇共鳴啦！