〔美洲盃: 阿根廷 1-1 智利 比賽描述評論〕阿根廷進攻同抗衡優勝 踢主攻陣之下需要保守? 智利攻擊對方弱點 力保不敗
美洲盃2021首輪大戰，阿根廷同智利打成1-1平手，各得一分。
智利早段壓前搶攻
開賽早段，智利積極壓迫搶攻，希望先拔頭籌，而阿根廷早段以收縮防守應對，成功降低智利搶攻效果。到十分鐘左右，智利眼見搶攻不果，減少向壓迫，增加收縮。
除因為阿根廷收縮外，智利本身球員年紀偏大亦，難以長時間高速抗衡，體能流放需要相對克制。
阿根廷主攻陣之下有時需要保守
當智利減少向前壓迫，多數會預期輪到阿根廷向前壓迫智利一段時間，但阿根廷壓住智利之前，有十分鐘左右，兩隊對互相要面對密集，偶爾先有快攻/反擊。
從阿根廷正選陣容可見，只有柏利迪斯一名防中，另外兩位之中，迪保羅偏向進攻，盧施素擅長控球同創造機會。阿根廷陣容偏向主攻，防守力較弱，所以比較少主動向前壓迫，避免快打快對攻時出現「有前冇後」嘅情況，反而會稍為收後提高防守緊密度。到30分鐘，當智利壓迫力進一步下降，比賽節奏進一步放慢，阿根廷先真正成為主攻一方。
阿根廷運轉與組織能力兼備
阿根廷進攻效果比智利好，大部份球時間佔據優勢。原因之一係阿根廷運轉力優於智利，較多快攻/反擊具威脅，包括17分鐘嘅快攻，阿根廷中線偏右組織過程中，打穿智利壓迫再分俾中間嘅盧施素放直線，打穿防線，形成干沙利斯半單刀，可惜未能把握。31分鐘，一次反擊中，盧施素直面智利防線，禁區頂位接搏到犯規，美斯主射漂亮彎入，阿根廷領先。
比較官方陣容，美斯今場更似係影子前鋒多於右翼，亦見到中場迪保羅會拉右邊。於上述安排下，美斯得以於中路引領攻勢。正選陣容雖然防守力較弱，但相對地，球隊進攻組織力相當強，面對密集亦製造唔少機會，包括美斯早段插入左邊halfspace嘅攻勢、15分鐘盧施素於左邊halfspace踩後俾干沙利斯射門。另外，於死球攻勢，美斯嘅傳中亦具有威脅。
智利攻擊阿根廷弱點
智利方面，進攻重心山齊士因傷缺陣之下，效果明顯下降，但球隊從阿根廷後防線弱點嘗到甜頭，先有26分鐘嘅反擊，阿根廷右中堅Lucas Martines未有緊貼J. Meneses，J. Meneses 擺脫其防守後進入禁區射門斜出。下半場早段智利壓前搶攻，57分鐘，維達爾從Lucas Martines 身旁插入，查菲亞高情急下禁區內落鏟犯規，維達爾主射十二碼被馬天尼斯救出，華加斯頭鎚補中迫和。
加強攻力不果
阿根廷被迫和後，教練史卡朗尼 67分鐘換入迪馬利亞，開始搶攻，78分鐘前場反擊，干沙利斯於禁區內偏左位置，有足夠空間射門，但最終決定橫傳入中間，決定未夠進取。其後美斯右路內切傳中，干沙利斯走位漂亮但可惜頭鎚僅僅高出。其後到 80分鐘，史卡朗尼以阿古路同J.哥利亞，分別對位入替，馬天尼斯同干沙利斯，以補充前線體能。史卡朗尼上述調動合理，但略嫌太遲，未有足夠時間俾阿古路同J.哥利亞入局。比賽最後以1-1完結。
總結
今場阿根廷抗衡上取得優勢，展示咗各種嘅進攻能力，唯防守同把握力問題令球隊未能取勝。干沙利斯雖然未能把握入球機會，但其活力充沛，覆蓋範圍大，進攻走位良好，亦助攻助守，其實幫助球隊唔少。
而智利能攻擊對方弱點，加上球員拼搏，最後成功力保不敗，待山齊士復出，攻擊火力將回復唔少。
智利早段壓前搶攻
開賽早段，智利積極壓迫搶攻，希望先拔頭籌，而阿根廷早段以收縮防守應對，成功降低智利搶攻效果。到十分鐘左右，智利眼見搶攻不果，減少向壓迫，增加收縮。
除因為阿根廷收縮外，智利本身球員年紀偏大亦，難以長時間高速抗衡，體能流放需要相對克制。
阿根廷主攻陣之下有時需要保守
當智利減少向前壓迫，多數會預期輪到阿根廷向前壓迫智利一段時間，但阿根廷壓住智利之前，有十分鐘左右，兩隊對互相要面對密集，偶爾先有快攻/反擊。
從阿根廷正選陣容可見，只有柏利迪斯一名防中，另外兩位之中，迪保羅偏向進攻，盧施素擅長控球同創造機會。阿根廷陣容偏向主攻，防守力較弱，所以比較少主動向前壓迫，避免快打快對攻時出現「有前冇後」嘅情況，反而會稍為收後提高防守緊密度。到30分鐘，當智利壓迫力進一步下降，比賽節奏進一步放慢，阿根廷先真正成為主攻一方。
阿根廷運轉與組織能力兼備
阿根廷進攻效果比智利好，大部份球時間佔據優勢。原因之一係阿根廷運轉力優於智利，較多快攻/反擊具威脅，包括17分鐘嘅快攻，阿根廷中線偏右組織過程中，打穿智利壓迫再分俾中間嘅盧施素放直線，打穿防線，形成干沙利斯半單刀，可惜未能把握。31分鐘，一次反擊中，盧施素直面智利防線，禁區頂位接搏到犯規，美斯主射漂亮彎入，阿根廷領先。
比較官方陣容，美斯今場更似係影子前鋒多於右翼，亦見到中場迪保羅會拉右邊。於上述安排下，美斯得以於中路引領攻勢。正選陣容雖然防守力較弱，但相對地，球隊進攻組織力相當強，面對密集亦製造唔少機會，包括美斯早段插入左邊halfspace嘅攻勢、15分鐘盧施素於左邊halfspace踩後俾干沙利斯射門。另外，於死球攻勢，美斯嘅傳中亦具有威脅。
智利攻擊阿根廷弱點
智利方面，進攻重心山齊士因傷缺陣之下，效果明顯下降，但球隊從阿根廷後防線弱點嘗到甜頭，先有26分鐘嘅反擊，阿根廷右中堅Lucas Martines未有緊貼J. Meneses，J. Meneses 擺脫其防守後進入禁區射門斜出。下半場早段智利壓前搶攻，57分鐘，維達爾從Lucas Martines 身旁插入，查菲亞高情急下禁區內落鏟犯規，維達爾主射十二碼被馬天尼斯救出，華加斯頭鎚補中迫和。
加強攻力不果
阿根廷被迫和後，教練史卡朗尼 67分鐘換入迪馬利亞，開始搶攻，78分鐘前場反擊，干沙利斯於禁區內偏左位置，有足夠空間射門，但最終決定橫傳入中間，決定未夠進取。其後美斯右路內切傳中，干沙利斯走位漂亮但可惜頭鎚僅僅高出。其後到 80分鐘，史卡朗尼以阿古路同J.哥利亞，分別對位入替，馬天尼斯同干沙利斯，以補充前線體能。史卡朗尼上述調動合理，但略嫌太遲，未有足夠時間俾阿古路同J.哥利亞入局。比賽最後以1-1完結。
總結
今場阿根廷抗衡上取得優勢，展示咗各種嘅進攻能力，唯防守同把握力問題令球隊未能取勝。干沙利斯雖然未能把握入球機會，但其活力充沛，覆蓋範圍大，進攻走位良好，亦助攻助守，其實幫助球隊唔少。
而智利能攻擊對方弱點，加上球員拼搏，最後成功力保不敗，待山齊士復出，攻擊火力將回復唔少。