〔歐國盃: 比利時 1-0 葡萄牙 比賽描述評論〕比利時以球員能力穩中求勝 葡萄牙錯過時機 其後加強火力無功而返
歐國盃進入淘汰賽階段，十六強嘅大戰，比利時一球險勝葡萄牙。
上半場兩隊都非常謹慎，互相面對密集，偶爾先有前場壓迫以及快攻/反擊。
葡萄牙上半場以穩為先，進攻火力一般
葡萄牙嘅排陣取態同上一場面對法國相似，上半場主要控球在腳同收縮，甚少全軍壓上，避免後防暴露空間。433陣型中，三中場抗衡力足夠，但前線方面，右翼依然以貝拿度施華正選，只有左路祖達同正前鋒C朗有足夠衝擊力。一次偶爾嘅快攻，祖達禁區內偏左空位射門，偏離目標，可見狀態一般。整體而言，葡萄牙進攻火力一般。
比利時以球員能力把握機會，穩中求勝
比利時正選陣容中，三位年齡偏大嘅中堅華美倫、艾達韋列特以及華湯根，轉身以及回追速度較慢，但富有經驗且擅長面對高空攻勢，只要唔壓上前，防守力有所保證。
進攻方面，比利時兩位主將大夏薩特同迪布尼經過分組賽部分時間嘅休息，正選上陣，加上盧卡古以及小夏薩特，技術一流，把握機會能力甚高。雖然三中堅陣之下未必能破解密集，組織大量機會，但有信心可以把握有限嘅快攻/反擊機會，穩中求勝。42分鐘，比利時一次反擊打上前，再拖慢配合，盧卡古走向左路牽引葡萄牙右閘達洛，小夏薩特左路內切到禁區頂遠射入網，整個過程可見比利時嘅進攻質素。
葡萄牙調動加強進攻火力
下半場，迪布尼於一次反擊中被保連夏犯規後受傷離場，由梅頓斯入替。而落後嘅葡萄牙需要搶攻，教練山度士於55分鐘以般奴入替莫天奴，加強禁區頂組織力，亦以祖奧菲歷斯入替貝拿度施華加強右路衝擊力。換人之後，葡萄牙進攻火力明顯加強，先有57分鐘，C朗引領攻勢，將波送到禁區內嘅祖達，祖達射門僅僅高出，其後到60分鐘，菲歷斯入禁區內頭鎚攻門，被高圖爾斯接到。
比賽變得激烈，比利時顯得吃力
隨葡萄牙壓上進攻，比利時反擊亦有增加。比賽節奏加快，攻守頻繁轉換，戰況變得激烈。比利時反擊主要依靠大夏薩特同盧卡古盤球上前，顯得吃力，下半場攻門只有兩次，可見迪布尼傷出嘅影響。
除實力外，體能亦係關鍵因素
葡萄牙教練山度士於78分鐘，再有兩個調動，分別以彭利拿同安達施華入替保連夏同祖達。而比利時嘅馬天尼斯等到87分鐘，大夏薩特受傷先換入卡拉斯高，略嫌太遲，令夏薩特不勝負荷而受傷，亦令比利時陷於險境。雖然後備球員實力同正選球員有差距，但比賽中體能亦係關鍵因素。
葡萄牙接近迫和，惜敗止步
葡萄牙較早調動之下，尾段圍攻比利時，80分鐘開始有幾次迫和嘅機會，包括迪亞斯嘅頭鎚、古利路射門中柱、C朗頭槌支點俾安達施華小禁區內攻門。葡萄牙非常接近迫和但未能把握機會，惜敗止步。
山度士或者可以更加進取
葡萄牙今場嘅機會集中於下半場，即係比利時領先後非常少壓迫上前嘅時候。而上半場比利時其實偶有前場壓迫，葡萄牙有機會打其防線身後嘅空間，針對比利時三位中場動作較慢嘅弱點，可惜依然用貝拿度施華擔任正選右翼，令球隊右路欠缺衝擊力，今場亦見到貝拿度施華未能突破而拖慢節奏嘅情況。或者，山度士今場因傾向控球在腳而忽略右邊嘅突破，錯過針對攻擊嘅時機，只可以話其用人保守。
C朗依然有火
C朗今場非常努力，做足造波、支點等工作，加上完場後不忿嘅神情，可見佢依然有火，依然有熱誠，小弟個人認為今屆未必係C朗最後一屆歐國盃。
比利時兩員大將狀態能否回復成八強勝負關鍵
而比利時方面，今場可謂險勝，除差點被迫和外，亦差點損失大將，幸好迪布尼同大夏薩特並無大礙。不過，兩人能否以最好嘅狀態於八強對陣意大利，係未知之數，亦係勝負關鍵，還記得比利時欠缺兩員大將下，曾被丹麥壓制，而意大利嘅壓迫力以及進攻火力，對比丹麥有過之而無不及。
上半場兩隊都非常謹慎，互相面對密集，偶爾先有前場壓迫以及快攻/反擊。
葡萄牙上半場以穩為先，進攻火力一般
葡萄牙嘅排陣取態同上一場面對法國相似，上半場主要控球在腳同收縮，甚少全軍壓上，避免後防暴露空間。433陣型中，三中場抗衡力足夠，但前線方面，右翼依然以貝拿度施華正選，只有左路祖達同正前鋒C朗有足夠衝擊力。一次偶爾嘅快攻，祖達禁區內偏左空位射門，偏離目標，可見狀態一般。整體而言，葡萄牙進攻火力一般。
比利時以球員能力把握機會，穩中求勝
比利時正選陣容中，三位年齡偏大嘅中堅華美倫、艾達韋列特以及華湯根，轉身以及回追速度較慢，但富有經驗且擅長面對高空攻勢，只要唔壓上前，防守力有所保證。
進攻方面，比利時兩位主將大夏薩特同迪布尼經過分組賽部分時間嘅休息，正選上陣，加上盧卡古以及小夏薩特，技術一流，把握機會能力甚高。雖然三中堅陣之下未必能破解密集，組織大量機會，但有信心可以把握有限嘅快攻/反擊機會，穩中求勝。42分鐘，比利時一次反擊打上前，再拖慢配合，盧卡古走向左路牽引葡萄牙右閘達洛，小夏薩特左路內切到禁區頂遠射入網，整個過程可見比利時嘅進攻質素。
葡萄牙調動加強進攻火力
下半場，迪布尼於一次反擊中被保連夏犯規後受傷離場，由梅頓斯入替。而落後嘅葡萄牙需要搶攻，教練山度士於55分鐘以般奴入替莫天奴，加強禁區頂組織力，亦以祖奧菲歷斯入替貝拿度施華加強右路衝擊力。換人之後，葡萄牙進攻火力明顯加強，先有57分鐘，C朗引領攻勢，將波送到禁區內嘅祖達，祖達射門僅僅高出，其後到60分鐘，菲歷斯入禁區內頭鎚攻門，被高圖爾斯接到。
比賽變得激烈，比利時顯得吃力
隨葡萄牙壓上進攻，比利時反擊亦有增加。比賽節奏加快，攻守頻繁轉換，戰況變得激烈。比利時反擊主要依靠大夏薩特同盧卡古盤球上前，顯得吃力，下半場攻門只有兩次，可見迪布尼傷出嘅影響。
除實力外，體能亦係關鍵因素
葡萄牙教練山度士於78分鐘，再有兩個調動，分別以彭利拿同安達施華入替保連夏同祖達。而比利時嘅馬天尼斯等到87分鐘，大夏薩特受傷先換入卡拉斯高，略嫌太遲，令夏薩特不勝負荷而受傷，亦令比利時陷於險境。雖然後備球員實力同正選球員有差距，但比賽中體能亦係關鍵因素。
葡萄牙接近迫和，惜敗止步
葡萄牙較早調動之下，尾段圍攻比利時，80分鐘開始有幾次迫和嘅機會，包括迪亞斯嘅頭鎚、古利路射門中柱、C朗頭槌支點俾安達施華小禁區內攻門。葡萄牙非常接近迫和但未能把握機會，惜敗止步。
山度士或者可以更加進取
葡萄牙今場嘅機會集中於下半場，即係比利時領先後非常少壓迫上前嘅時候。而上半場比利時其實偶有前場壓迫，葡萄牙有機會打其防線身後嘅空間，針對比利時三位中場動作較慢嘅弱點，可惜依然用貝拿度施華擔任正選右翼，令球隊右路欠缺衝擊力，今場亦見到貝拿度施華未能突破而拖慢節奏嘅情況。或者，山度士今場因傾向控球在腳而忽略右邊嘅突破，錯過針對攻擊嘅時機，只可以話其用人保守。
C朗依然有火
C朗今場非常努力，做足造波、支點等工作，加上完場後不忿嘅神情，可見佢依然有火，依然有熱誠，小弟個人認為今屆未必係C朗最後一屆歐國盃。
比利時兩員大將狀態能否回復成八強勝負關鍵
而比利時方面，今場可謂險勝，除差點被迫和外，亦差點損失大將，幸好迪布尼同大夏薩特並無大礙。不過，兩人能否以最好嘅狀態於八強對陣意大利，係未知之數，亦係勝負關鍵，還記得比利時欠缺兩員大將下，曾被丹麥壓制，而意大利嘅壓迫力以及進攻火力，對比丹麥有過之而無不及。