〔歐國盃: 英格蘭 2-0 德國 比賽描述評論〕基亞利殊連同梳爾帶動組織 德國未能入球同調動亦有關係
歐國盃十六強，英德大戰，英格蘭以2-0勝出，相隔45年再於主場淘汰德國。
今場淘汰賽，兩隊排兵佈陣都偏向保守，同樣以343陣型應戰，集中於中場搶奪控球，戰況緊湊。
德國調整中場組合，提高抗衡力
德國今場嘅中場組合有所調整，教練路維選擇收起根度簡，以哥列斯卡搭擋卻奧斯，加強中場抗衡力。比賽早段，哥列斯卡幾次為球隊搶到控球權，亦勤於後上插前。第7分鐘嘅快攻，哥列斯卡中路插前，快要形成半單刀，迫到賴斯從後犯規，差點於要早段被罰紅牌 (因犯規時獲加位置僅僅後於賴斯)。
兩隊進攻方法都有一定威脅，但次數偏少
上半場兩隊勢均力敵，英格蘭收起攻中之下，主要以兩翼史達寧同沙卡引球上前，兩人嘅速度能幫助球隊打上前場，爭取到較多角球，亦令德國球員有時需要以犯規阻擋，英格蘭因此得到幾次前場罰球。英格蘭嘅罰球同角球，製造到麥佳亞兩次頭槌攻門，可惜其頭槌未能發力。不過，面對三中堅嘅德國，英格蘭死球攻勢難以製造太多入球機會。
而德國方面，梅拿同哈伐斯於攻中位置組織攻勢，雲拿主要向前衝擊，該打法曾經製造到哈伐斯放直線俾雲拿嘅半單刀機會，可惜未能把握。另一個方式就係以兩個翼衛拉邊，打高空攻勢，但英格蘭三中堅人數足夠應付，其中麥佳亞同史東斯頂走唔少高波。
正選陣容中，英格蘭未有進攻中場，德國前線只有雲拿一個衝擊點，兩隊較少具威脅嘅攻勢出現，大部份時間兩隊主要互相拉鋸。
基亞利殊入場連同梳爾左路製造入球
下半場68分鐘，修夫基用基亞利殊入替沙卡。雖然基亞利殊擔任左翼，但仍有提升組織嘅效果，加上擅於組織配合嘅梳爾插上幫手，令球隊左路組織力強大。75分鐘，史達寧中路俾波簡尼做支點俾基亞利殊停球，再分波俾梳爾助攻史達寧打開記錄。87分鐘，梳爾中線搶到皮球後，引領反擊，分俾左邊嘅基亞利殊傳中，哈里簡尼飛身頂入，拉開記錄。
英格蘭兩個入球，除證明基亞利殊同梳爾配合嘅威力，能帶動球隊嘅組織，亦可見球隊有足夠合作性同分工，做到細緻且流暢嘅配合。依家嘅英格蘭，再唔係「雷聲大，雨點小」，空有球星沒有組織嘅球隊。
史達寧險成罪人，其表現還可以更好
而德國落後一球時，其實有一個黃金機會來自史達寧傳球失誤，哈伐斯攞到波再送直線俾梅拿單刀，僅僅射斜。史達寧雖然係入球功臣，但其實亦差點成為罪人。另外今場再次見到史達寧「獨扭」失控球而被對方反擊嘅畫面，呢位功臣嘅表現還可以更好。
德國未能入球同調動亦有關係
梅拿今場表現盡責，但今場表現出疲態，上半場尾段曾回傳失誤形成哈里簡尼嘅機會，下半場錯失單刀扳平機會。除梅拿失機外，德國未能入球同教練路維嘅調動亦有關係。68分鐘時，比起以基拿比入替分組賽甚少上陣嘅雲拿，不如入替三場都有上陣而疲倦嘅梅拿。其實雲拿下半季於車路士亦有擔當於快攻/反擊之中，推進同分波嘅角色，加上體能因素，組織效果嘅落差未必太大。而從整體而言，雲拿速度比梅拿快，同速度快嘅基拿比配搭，兩個速度快嘅球員於前線，或者可以提供更大嘅牽制力同進攻威脅，製造更多機會，避免處於弱勢。
總結
今場過後，路維已經完成了德國國家隊主帥嘅任務，在此感謝路維15年來嘅付出，為球迷帶來唔少經典畫面。
而英格蘭方面，呢場歷史性嘅勝仗意義重大，令英格蘭普天同慶。不過，歐國盃賽事尚未結束，球員仍需努力，唔可以掉以輕心。
今場淘汰賽，兩隊排兵佈陣都偏向保守，同樣以343陣型應戰，集中於中場搶奪控球，戰況緊湊。
德國調整中場組合，提高抗衡力
德國今場嘅中場組合有所調整，教練路維選擇收起根度簡，以哥列斯卡搭擋卻奧斯，加強中場抗衡力。比賽早段，哥列斯卡幾次為球隊搶到控球權，亦勤於後上插前。第7分鐘嘅快攻，哥列斯卡中路插前，快要形成半單刀，迫到賴斯從後犯規，差點於要早段被罰紅牌 (因犯規時獲加位置僅僅後於賴斯)。
兩隊進攻方法都有一定威脅，但次數偏少
上半場兩隊勢均力敵，英格蘭收起攻中之下，主要以兩翼史達寧同沙卡引球上前，兩人嘅速度能幫助球隊打上前場，爭取到較多角球，亦令德國球員有時需要以犯規阻擋，英格蘭因此得到幾次前場罰球。英格蘭嘅罰球同角球，製造到麥佳亞兩次頭槌攻門，可惜其頭槌未能發力。不過，面對三中堅嘅德國，英格蘭死球攻勢難以製造太多入球機會。
而德國方面，梅拿同哈伐斯於攻中位置組織攻勢，雲拿主要向前衝擊，該打法曾經製造到哈伐斯放直線俾雲拿嘅半單刀機會，可惜未能把握。另一個方式就係以兩個翼衛拉邊，打高空攻勢，但英格蘭三中堅人數足夠應付，其中麥佳亞同史東斯頂走唔少高波。
正選陣容中，英格蘭未有進攻中場，德國前線只有雲拿一個衝擊點，兩隊較少具威脅嘅攻勢出現，大部份時間兩隊主要互相拉鋸。
基亞利殊入場連同梳爾左路製造入球
下半場68分鐘，修夫基用基亞利殊入替沙卡。雖然基亞利殊擔任左翼，但仍有提升組織嘅效果，加上擅於組織配合嘅梳爾插上幫手，令球隊左路組織力強大。75分鐘，史達寧中路俾波簡尼做支點俾基亞利殊停球，再分波俾梳爾助攻史達寧打開記錄。87分鐘，梳爾中線搶到皮球後，引領反擊，分俾左邊嘅基亞利殊傳中，哈里簡尼飛身頂入，拉開記錄。
英格蘭兩個入球，除證明基亞利殊同梳爾配合嘅威力，能帶動球隊嘅組織，亦可見球隊有足夠合作性同分工，做到細緻且流暢嘅配合。依家嘅英格蘭，再唔係「雷聲大，雨點小」，空有球星沒有組織嘅球隊。
史達寧險成罪人，其表現還可以更好
而德國落後一球時，其實有一個黃金機會來自史達寧傳球失誤，哈伐斯攞到波再送直線俾梅拿單刀，僅僅射斜。史達寧雖然係入球功臣，但其實亦差點成為罪人。另外今場再次見到史達寧「獨扭」失控球而被對方反擊嘅畫面，呢位功臣嘅表現還可以更好。
德國未能入球同調動亦有關係
梅拿今場表現盡責，但今場表現出疲態，上半場尾段曾回傳失誤形成哈里簡尼嘅機會，下半場錯失單刀扳平機會。除梅拿失機外，德國未能入球同教練路維嘅調動亦有關係。68分鐘時，比起以基拿比入替分組賽甚少上陣嘅雲拿，不如入替三場都有上陣而疲倦嘅梅拿。其實雲拿下半季於車路士亦有擔當於快攻/反擊之中，推進同分波嘅角色，加上體能因素，組織效果嘅落差未必太大。而從整體而言，雲拿速度比梅拿快，同速度快嘅基拿比配搭，兩個速度快嘅球員於前線，或者可以提供更大嘅牽制力同進攻威脅，製造更多機會，避免處於弱勢。
總結
今場過後，路維已經完成了德國國家隊主帥嘅任務，在此感謝路維15年來嘅付出，為球迷帶來唔少經典畫面。
而英格蘭方面，呢場歷史性嘅勝仗意義重大，令英格蘭普天同慶。不過，歐國盃賽事尚未結束，球員仍需努力，唔可以掉以輕心。