〔美洲盃短評〕巴西人強馬壯但未發揮最佳效果 主動同被動因素各一 左右衛冕機會
除歐國盃外，美洲盃亦開始進入白熱化階段。大熱門巴西於淘汰賽接連擊敗智利以及上屆亞軍秘魯，殺入決賽。從兩場淘汰賽之中，巴西展現了其特性，亦有主動同被動因素，左右巴西今屆嘅衛冕機會，以下將一一描述。
巴西人腳抗衡力強
巴西行軍速度快，前線尼馬快速引領攻勢，李察利臣加上柏基達衝擊力強。中場方面，卡斯米路同費特雙防中，覆蓋範圍大，對抗性高。巴西以人腳而言，抗衡力強，加上由堤亞高施華帶領嘅防線，以及球員本身實力，對攻時相信可以取得優勢。
不過，巴西嘅4231陣型偏向進攻，當秘魯下半場由541 轉陣為433，巴西一度接近被扳平。原因在於巴西前線球員較多向前壓迫 ，較少回追，當秘魯越過前場壓迫，巴西中後場人數會較少，秘魯會有較多空間製造威脅。
組織足夠細緻，只能於一邊滲入
陣地戰方面，巴西於兩場比賽，面對密集時都能做出細緻組織，滲入對方禁區，但次數唔多。一方面係因為陣地戰時間較少，另一原因係巴西只有右翼拉邊，上一場對智利嘅捷西斯同今場對秘魯嘅艾華頓，都有拉邊。而擔任左翼嘅尼馬長時間於中路活動，角色上，尼馬其實係進攻中場，巴西欠缺左翼令破集效果未到最強。巴西面對密集時可考慮以雲尼素斯取替攻中帕基達擔任左翼，讓尼馬成為單一正式攻中。
尼馬與柏基達同為攻中，兩人具有默契，能夠互相配合，功能未至於重疊。不過，面對密集之中，中路滲入難度甚高，巴西面對智利嘅唯一入球，就係來自兩人於中路嘅配合，而過程中其實包含了對方後衛解圍失誤，該入球帶有運氣。
兩個因素助巴西建立優勢
另外有兩點值得一提，分別係巴西如何主動和被動地建立體能優勢。主動方面，教練泰迪於賽程當中有唔少輪換，令球員體能狀態得以保持。
被動方面，巴西於美洲盃賽程中得到優勢。首先，巴西於分組賽B組嘅對手，實力較弱，而阿根廷、烏拉圭同智利，三支強隊集中於A組。而淘汰賽方面，巴西係前一日踢嘅一隊，到決賽自然有體能優勢。
巴西今屆美洲盃集實力同運氣於一身，而球隊晉級過程亦大致順利。巴西能否成功衛冕冠軍，一於拭目以待。
巴西人腳抗衡力強
巴西行軍速度快，前線尼馬快速引領攻勢，李察利臣加上柏基達衝擊力強。中場方面，卡斯米路同費特雙防中，覆蓋範圍大，對抗性高。巴西以人腳而言，抗衡力強，加上由堤亞高施華帶領嘅防線，以及球員本身實力，對攻時相信可以取得優勢。
不過，巴西嘅4231陣型偏向進攻，當秘魯下半場由541 轉陣為433，巴西一度接近被扳平。原因在於巴西前線球員較多向前壓迫 ，較少回追，當秘魯越過前場壓迫，巴西中後場人數會較少，秘魯會有較多空間製造威脅。
組織足夠細緻，只能於一邊滲入
陣地戰方面，巴西於兩場比賽，面對密集時都能做出細緻組織，滲入對方禁區，但次數唔多。一方面係因為陣地戰時間較少，另一原因係巴西只有右翼拉邊，上一場對智利嘅捷西斯同今場對秘魯嘅艾華頓，都有拉邊。而擔任左翼嘅尼馬長時間於中路活動，角色上，尼馬其實係進攻中場，巴西欠缺左翼令破集效果未到最強。巴西面對密集時可考慮以雲尼素斯取替攻中帕基達擔任左翼，讓尼馬成為單一正式攻中。
尼馬與柏基達同為攻中，兩人具有默契，能夠互相配合，功能未至於重疊。不過，面對密集之中，中路滲入難度甚高，巴西面對智利嘅唯一入球，就係來自兩人於中路嘅配合，而過程中其實包含了對方後衛解圍失誤，該入球帶有運氣。
兩個因素助巴西建立優勢
另外有兩點值得一提，分別係巴西如何主動和被動地建立體能優勢。主動方面，教練泰迪於賽程當中有唔少輪換，令球員體能狀態得以保持。
被動方面，巴西於美洲盃賽程中得到優勢。首先，巴西於分組賽B組嘅對手，實力較弱，而阿根廷、烏拉圭同智利，三支強隊集中於A組。而淘汰賽方面，巴西係前一日踢嘅一隊，到決賽自然有體能優勢。
巴西今屆美洲盃集實力同運氣於一身，而球隊晉級過程亦大致順利。巴西能否成功衛冕冠軍，一於拭目以待。