〔歐國盃短評〕意大利團隊元素無人能及 最終成就勵志故事
歐國盃決賽，意大利面對英格蘭早段落後之下，下半場迫和，其後於互射十二碼階段勝出，贏得冠軍。
意大利體能狀態不及英格蘭
意大利今場體能狀態不及英格蘭，早段壓迫未能成功，導致落後。不過當英格蘭收縮，意大利仍發揮其強大嘅組織能力，製造唔少機會。
後防兩寶
正所謂「家有一老如有一寶」，意大利嘅基亞連尼同邦路斯可謂「後防兩寶」，今場兩寶成功以其防守路數，補救速度弱點。意大利後備左閘艾馬臣雖具速度，但進攻配合及回防表現一般，下半場基亞連尼曾與艾馬臣調位，讓艾馬臣可以做比較簡單嘅包位工作，此舉雖不利於進攻突破，但防守方面就更加穩陣，亦見到基亞連尼作為老大哥嘅擔當。於十二碼階段，基亞連尼鼓勵隊友令其心態勝過英格蘭，克服同屆曾互射十二碼嘅弱點，贏得冠軍。至於基亞連尼對沙卡嘅犯規動作，雖然有點難睇，但從球隊於比賽中嘅利弊而言，不得不承認該犯規動作係經驗以及聰明嘅表現。
團隊元素無人能及，成就勵志故事
三年前無緣世界盃決賽周，三年後登上歐洲頂峰，意大利成功從谷底反彈，教練文仙尼功不可沒。文仙尼打造嘅球隊，一改傳統防守踢法，並以比較進攻嘅踢法奪冠，別具意義。
意大利論人腳，未必可以同葡萄牙、法國、英格蘭相提並論，但其默契、配合、士氣、火花、新老結合等團隊元素於今屆歐國盃無人能及。而球員發揮方面，眾將於合適嘅環境，得以發揮。中堅兩寶基亞連尼同邦路斯防守穩健，亦成功以經驗令球隊維持士氣。史賓拿蘇拿攻守皆具有效率，而迪羅倫素同艾馬臣表現亦相當盡力。佐真奴嘅派牌，穩定中帶有穿透力。巴利拿、盧卡迪利同華拉堤運轉夠快，對抗亦不落下風，令球隊得以主導比賽。恩斯尼於左路威脅甚大，其中內切入大位彎遠處嘅招數，造就了對比利時嘅經典入波。恩莫比利、比洛迪同比拉迪表現相對未算突出，但亦非常落力。不得不提嘅球員有兩個，其中基艾沙發揮強大嘅衝擊力，有如一把尖刀，而門將當拿隆馬於關鍵時刻往往能作出關鍵撲救，包括於四強同決賽嘅互射十二碼階段，成為賽事最佳球員，具說服力。
最後，恭喜意大利奪得歐國盃冠軍，成就三年間從無緣世界盃到走上歐洲巔峰，勇奪歐國盃嘅勵志故事。
意大利體能狀態不及英格蘭
意大利今場體能狀態不及英格蘭，早段壓迫未能成功，導致落後。不過當英格蘭收縮，意大利仍發揮其強大嘅組織能力，製造唔少機會。
後防兩寶
正所謂「家有一老如有一寶」，意大利嘅基亞連尼同邦路斯可謂「後防兩寶」，今場兩寶成功以其防守路數，補救速度弱點。意大利後備左閘艾馬臣雖具速度，但進攻配合及回防表現一般，下半場基亞連尼曾與艾馬臣調位，讓艾馬臣可以做比較簡單嘅包位工作，此舉雖不利於進攻突破，但防守方面就更加穩陣，亦見到基亞連尼作為老大哥嘅擔當。於十二碼階段，基亞連尼鼓勵隊友令其心態勝過英格蘭，克服同屆曾互射十二碼嘅弱點，贏得冠軍。至於基亞連尼對沙卡嘅犯規動作，雖然有點難睇，但從球隊於比賽中嘅利弊而言，不得不承認該犯規動作係經驗以及聰明嘅表現。
團隊元素無人能及，成就勵志故事
三年前無緣世界盃決賽周，三年後登上歐洲頂峰，意大利成功從谷底反彈，教練文仙尼功不可沒。文仙尼打造嘅球隊，一改傳統防守踢法，並以比較進攻嘅踢法奪冠，別具意義。
意大利論人腳，未必可以同葡萄牙、法國、英格蘭相提並論，但其默契、配合、士氣、火花、新老結合等團隊元素於今屆歐國盃無人能及。而球員發揮方面，眾將於合適嘅環境，得以發揮。中堅兩寶基亞連尼同邦路斯防守穩健，亦成功以經驗令球隊維持士氣。史賓拿蘇拿攻守皆具有效率，而迪羅倫素同艾馬臣表現亦相當盡力。佐真奴嘅派牌，穩定中帶有穿透力。巴利拿、盧卡迪利同華拉堤運轉夠快，對抗亦不落下風，令球隊得以主導比賽。恩斯尼於左路威脅甚大，其中內切入大位彎遠處嘅招數，造就了對比利時嘅經典入波。恩莫比利、比洛迪同比拉迪表現相對未算突出，但亦非常落力。不得不提嘅球員有兩個，其中基艾沙發揮強大嘅衝擊力，有如一把尖刀，而門將當拿隆馬於關鍵時刻往往能作出關鍵撲救，包括於四強同決賽嘅互射十二碼階段，成為賽事最佳球員，具說服力。
最後，恭喜意大利奪得歐國盃冠軍，成就三年間從無緣世界盃到走上歐洲巔峰，勇奪歐國盃嘅勵志故事。