《球星解密》球皇美斯踢法變化
文: 時代的波經 Lee Keith
圖: MALFFA MANSON
當朗拿甸奴離開巴塞，哥迪奧拿上任巴塞隆拿教練嘅位置，美斯成為了球隊嘅進攻重心。此時，美斯迎來足球生涯嘅高峰。直到此刻，美斯已同多位極具級數嘅球員合作，組成唔同組合，當中美斯嘅踢法亦有一定嘅變化。
年輕時期
初上高峰時，美斯於巴塞擔任右翼。當年贏得六冠王嘅巴塞擁有處於當打之年嘅沙維同恩尼斯達於中場控制節奏，整理攻勢，美斯可以於前場不斷竄擾同突破對方後防。
當年哥迪奧拿麾下嘅巴塞，前線球員位置走動靈活，美斯有時亦會到中路活動，包括以其技術同對抗性，突破對方壓迫後引領反擊。當大家瀏覽呢位球王嘅球王片，唔難發現美斯身體質素同對抗性其實良好，先可以擺脫對方嘅攔截同拉扯，持續而穩定咁向前推進。
MVP組合
2010年南非世界盃過後，韋拿加盟巴塞，加上柏度冒起，美斯同兩人組成了MVP組合。美斯擔任「假9號」角色，主導前線。有韋拿同柏度嘅走動配合之下，美斯嘅助功能力得以發揮，2010-11球季，美斯單季助攻有23次，首次突破20大關。而當年巴塞成功再奪歐聯冠軍，證明了MVP組合嘅成功。
MSN組合
隨尼馬同蘇亞雷斯加先後加盟巴塞，於2014-15球季，美斯同兩人組成了實力極其誇張嘅MSN組合。組合裡面，尼馬擔任左翼，蘇亞雷斯於正前位置成為支點，美斯回歸右翼位置。此時嘅美斯較多由右路內切至中間製造機會，而反擊/快攻方面，三人嘅默契令攻擊非常銳利。MSN組成嘅第一季，己經為巴塞贏得西甲、國王盃，以及歐聯冠軍，助球隊成為三冠王，此時期係美斯另一個生涯高峰。
近年踢法
隨沙維同恩尼斯達年華老去而離開巴塞，美斯嘅年紀亦漸漸增大，速度減慢之下，更多於中路撐起球隊中前場嘅組織，分波、轉邊、推進、入波、助攻等工作，一人包辦。近年巴塞無論由華維迪、施迪安，抑或朗奴高文執教下，球隊表現不穩，尤其組織攻勢方面 (不論陣地戰或快攻/反擊)，美斯不時需要以個人能力製造穿針引線嘅助攻、獨闖龍潭嘅入球，或者係百步穿楊嘅罰球，為巴塞取勝，2017-18球季至今，美斯為巴塞贏得西甲同國王盃各兩次，已經唔簡單。
國家隊方面，於剛剛過去嘅美洲盃，阿根廷教練史卡朗尼所設定嘅戰術非常切合美斯近年踢法。球隊大部份攻勢由美斯引領，其餘兄弟們走位拉開空間，適時同美斯配合，衝擊對方防線，製造機會。而美斯自身亦有進步，賽事中可見其前場壓迫增加唔少，相當搏命。另外，美斯如今亦更有領袖風範，勤於指揮同鼓勵隊友，四強面對哥倫比亞互射十二碼階段，激勵門將馬天尼斯，捧盃慶祝時制止迪保羅侮辱對手巴西，都係鐵證，亦係從前少見嘅。美斯得償所願，帶領國家隊贏得美洲盃，打破阿根廷 28年嘅大國腳冠軍荒，絕對實至名歸。
完成處子戰
29/8琴晚，美斯於巴黎聖日耳門作客蘭斯嘅法甲比賽，66分鐘後備入替其好兄弟尼馬，完成處子戰。連同補時，美斯於出場嘅半小時之中，主要於中路偏右活動，曾引領反擊，分球予麥巴比。今場可見美斯踢法上未有太大改變，而日後當美斯與尼馬同場合作時，兩人必須有清晰嘅分工，例如一個攻勢之中，一個人引球推進，另一位就要連同麥巴比衝擊對方防線，相信兩兄弟仍有足夠默契令其組合發光發熱。最後，祝願美斯於巴黎踢得順利，過得快樂。
以下為足本圖文版，歡迎觀看同支持!!
圖: MALFFA MANSON
當朗拿甸奴離開巴塞，哥迪奧拿上任巴塞隆拿教練嘅位置，美斯成為了球隊嘅進攻重心。此時，美斯迎來足球生涯嘅高峰。直到此刻，美斯已同多位極具級數嘅球員合作，組成唔同組合，當中美斯嘅踢法亦有一定嘅變化。
年輕時期
初上高峰時，美斯於巴塞擔任右翼。當年贏得六冠王嘅巴塞擁有處於當打之年嘅沙維同恩尼斯達於中場控制節奏，整理攻勢，美斯可以於前場不斷竄擾同突破對方後防。
當年哥迪奧拿麾下嘅巴塞，前線球員位置走動靈活，美斯有時亦會到中路活動，包括以其技術同對抗性，突破對方壓迫後引領反擊。當大家瀏覽呢位球王嘅球王片，唔難發現美斯身體質素同對抗性其實良好，先可以擺脫對方嘅攔截同拉扯，持續而穩定咁向前推進。
MVP組合
2010年南非世界盃過後，韋拿加盟巴塞，加上柏度冒起，美斯同兩人組成了MVP組合。美斯擔任「假9號」角色，主導前線。有韋拿同柏度嘅走動配合之下，美斯嘅助功能力得以發揮，2010-11球季，美斯單季助攻有23次，首次突破20大關。而當年巴塞成功再奪歐聯冠軍，證明了MVP組合嘅成功。
MSN組合
隨尼馬同蘇亞雷斯加先後加盟巴塞，於2014-15球季，美斯同兩人組成了實力極其誇張嘅MSN組合。組合裡面，尼馬擔任左翼，蘇亞雷斯於正前位置成為支點，美斯回歸右翼位置。此時嘅美斯較多由右路內切至中間製造機會，而反擊/快攻方面，三人嘅默契令攻擊非常銳利。MSN組成嘅第一季，己經為巴塞贏得西甲、國王盃，以及歐聯冠軍，助球隊成為三冠王，此時期係美斯另一個生涯高峰。
近年踢法
隨沙維同恩尼斯達年華老去而離開巴塞，美斯嘅年紀亦漸漸增大，速度減慢之下，更多於中路撐起球隊中前場嘅組織，分波、轉邊、推進、入波、助攻等工作，一人包辦。近年巴塞無論由華維迪、施迪安，抑或朗奴高文執教下，球隊表現不穩，尤其組織攻勢方面 (不論陣地戰或快攻/反擊)，美斯不時需要以個人能力製造穿針引線嘅助攻、獨闖龍潭嘅入球，或者係百步穿楊嘅罰球，為巴塞取勝，2017-18球季至今，美斯為巴塞贏得西甲同國王盃各兩次，已經唔簡單。
國家隊方面，於剛剛過去嘅美洲盃，阿根廷教練史卡朗尼所設定嘅戰術非常切合美斯近年踢法。球隊大部份攻勢由美斯引領，其餘兄弟們走位拉開空間，適時同美斯配合，衝擊對方防線，製造機會。而美斯自身亦有進步，賽事中可見其前場壓迫增加唔少，相當搏命。另外，美斯如今亦更有領袖風範，勤於指揮同鼓勵隊友，四強面對哥倫比亞互射十二碼階段，激勵門將馬天尼斯，捧盃慶祝時制止迪保羅侮辱對手巴西，都係鐵證，亦係從前少見嘅。美斯得償所願，帶領國家隊贏得美洲盃，打破阿根廷 28年嘅大國腳冠軍荒，絕對實至名歸。
完成處子戰
29/8琴晚，美斯於巴黎聖日耳門作客蘭斯嘅法甲比賽，66分鐘後備入替其好兄弟尼馬，完成處子戰。連同補時，美斯於出場嘅半小時之中，主要於中路偏右活動，曾引領反擊，分球予麥巴比。今場可見美斯踢法上未有太大改變，而日後當美斯與尼馬同場合作時，兩人必須有清晰嘅分工，例如一個攻勢之中，一個人引球推進，另一位就要連同麥巴比衝擊對方防線，相信兩兄弟仍有足夠默契令其組合發光發熱。最後，祝願美斯於巴黎踢得順利，過得快樂。
以下為足本圖文版，歡迎觀看同支持!!