[回顧經典 : 足球勵志代表作-伊斯坦堡之夜] 包含戰術同意志嘅半場調整 : 搏盡無悔!!
今屆歐聯分組賽上演利物浦同AC米蘭嘅戲碼。講起兩隊，相信好多球迷都會諗起2005年既伊斯坦堡之夜。大戰之前，不妨回顧呢場峰迴路轉既經典對決。2005年5月25日 歐聯決賽，利物浦對AC米蘭，論人腳利記確實比較輸蝕，擁有多位球星嘅AC米蘭被睇高一線。開波 51秒，派路開出右路罰球，用區域聯防嘅利記走漏後點既馬甸尼，馬甸尼射破杜迪克既十指關，AC米蘭早早領先一球。
利記上半場靠謝拉特同沙比阿朗素兩個中場中直接長傳到前場俾巴路斯、基維爾、右翼既加西亞或左翼懷斯。地波基本上被加度素、施多夫、派路三位防中截曬。面對有馬甸尼、史譚、尼斯達、卡富嘅頂級防線，利記高波斬上去前面，難以控球以繼續組織攻勢，利記上半場只有中堅希比亞既頭鎚威脅到AC米蘭門將迪達。
長傳急攻既做法俾咗AC米蘭好多打反擊嘅機會，上半場卡卡、舒夫真高同基斯普多次推進令利記後防風聲鶴唳。AC米蘭憑兩個反擊入波，基斯普梅開二度，半場領先三球。當時AC米蘭球迷甚至球員已經可以開始慶祝，而利迷失望既神情隔住個Mon都感受到，呢場決賽似乎係強弱懸殊。不過，好多利迷依然聲嘶力竭，唱著會歌You'll never walk alone, 身為球隊第十二人，不離不棄，共渡風雨。
面對如日中天既AC米蘭，上半場利記真係唔夠做，利記仲被動咁使用咗一個換人名額，下半場只能傾巢而出，壓迫搶攻，全力一搏。
利物浦領隊賓尼迪斯半場果段調動，轉打三中堅陣 352 ，用中場中夏文換右閘芬倫，加歷查、希比亞同本身既左閘查奧爾組成三中堅，沙比阿朗素同夏文打中場中，左右中場分別係懷斯同史米沙，攻中係謝拉特，前鋒有巴路斯同加西亞。
下半場一開波利物浦就打出強烈嘅全場壓迫，謝拉特唔使留喺中場中逗住，佢嘅box to box跑動能力得以發揮。全軍壓上嘅利記有效咁破壞到 AC米蘭嘅控球，令AC米蘭難以交放直線打反擊，利記搶到唔少機會，亦更多以短傳組，五人中場加上前面積極幫波，利記能夠推進到對方防線，進攻機會明顯增加。
54分鐘，懷斯左路傳中，謝拉特頭鎚頂遠處入網，追番一球，帶來希望。兩分鐘之後，史米沙走入中路，夏文撥橫俾佢遠射左下角入網，利記追近3-2，只差一球就可以翻生。氣勢如虹既利記繼續搶攻，中堅加歷查自己推波過半場，直接傳俾巴路斯做支點彈俾謝拉特中路插入禁區，直面門將迪達，加度素情急之下從後拉跌佢，利記獲得十二碼！沙比阿朗素主射被迪達救出再衝前補中，追平3-3!! 利記成功把握半場休息過後，體能比較充足既時間，不斷壓迫搶波，向前推進，六分鐘內連追三球!!其後安察洛提轉陣為三中堅，雙方以相同陣型互相拉鋸。其後懷斯勁射被撲出，舒夫真高接應傳中射波被查奧爾護空門，之後亦有加歷查既關鍵攔截。3-3嘅比數維持到 90分鐘，比賽進入加時。
下半場初段搏命搶攻既利記體能消耗得更快，史米沙同加歷查先後抽筋而需要出場接受治療，利記加時只能死守。116分鐘，AC米蘭後備入替既沙真奴左路傳中，舒夫真高衝頂，杜迪克飛身救到，舒夫真高衝前近距離補射，杜迪克極速回身，左手將波擋出底線，堪稱神救。
最後兩隊要以互射十二碼分勝負，加歷查提醒杜迪克參考球隊80年代既門將名宿高巴拿，於對手助跑之時大幅度左右晃動擾敵。
杜迪克嘅奇招第一二輪先後令AC米蘭沙真奴主射一飛沖天同撲出派路既主射，而夏文同施斯射入，利記領先兩球。其後兩輪湯馬臣、卡卡同史米沙射入，懷斯射左下角被迪達救到。AC米蘭四輪過後落後一球，舒夫真高必須入波，最後，杜迪克將舒夫真高射門救出。利物浦半場三球落後之下，成功逆轉，成為歐聯冠軍！「伊斯坦堡之夜」就此誕生。
能夠創造奇蹟，多得每一位利物浦球員歇力反撲，不惜體力，球隊面對強大嘅對手，放低任何顧慮，全力壓前，到尾段全力死守。謝拉特助攻助守，入第一球帶領全隊反抗，亦搏到球迫和既十二碼，決賽MVP當之無愧。另外，呢場反勝嘅戰術含量相當高，戰術大師賓尼迪斯連同教練團隊半場嘅轉陣係成場波既轉折點。將仕團結，搏盡無悔，成就足球史上經典既逆轉。利物浦話俾大家知，波係圓嘅，哪怕身處絕境，對手有幾強大，未完場前不言敗，先有奇蹟。
利記上半場靠謝拉特同沙比阿朗素兩個中場中直接長傳到前場俾巴路斯、基維爾、右翼既加西亞或左翼懷斯。地波基本上被加度素、施多夫、派路三位防中截曬。面對有馬甸尼、史譚、尼斯達、卡富嘅頂級防線，利記高波斬上去前面，難以控球以繼續組織攻勢，利記上半場只有中堅希比亞既頭鎚威脅到AC米蘭門將迪達。
長傳急攻既做法俾咗AC米蘭好多打反擊嘅機會，上半場卡卡、舒夫真高同基斯普多次推進令利記後防風聲鶴唳。AC米蘭憑兩個反擊入波，基斯普梅開二度，半場領先三球。當時AC米蘭球迷甚至球員已經可以開始慶祝，而利迷失望既神情隔住個Mon都感受到，呢場決賽似乎係強弱懸殊。不過，好多利迷依然聲嘶力竭，唱著會歌You'll never walk alone, 身為球隊第十二人，不離不棄，共渡風雨。
面對如日中天既AC米蘭，上半場利記真係唔夠做，利記仲被動咁使用咗一個換人名額，下半場只能傾巢而出，壓迫搶攻，全力一搏。
利物浦領隊賓尼迪斯半場果段調動，轉打三中堅陣 352 ，用中場中夏文換右閘芬倫，加歷查、希比亞同本身既左閘查奧爾組成三中堅，沙比阿朗素同夏文打中場中，左右中場分別係懷斯同史米沙，攻中係謝拉特，前鋒有巴路斯同加西亞。
下半場一開波利物浦就打出強烈嘅全場壓迫，謝拉特唔使留喺中場中逗住，佢嘅box to box跑動能力得以發揮。全軍壓上嘅利記有效咁破壞到 AC米蘭嘅控球，令AC米蘭難以交放直線打反擊，利記搶到唔少機會，亦更多以短傳組，五人中場加上前面積極幫波，利記能夠推進到對方防線，進攻機會明顯增加。
54分鐘，懷斯左路傳中，謝拉特頭鎚頂遠處入網，追番一球，帶來希望。兩分鐘之後，史米沙走入中路，夏文撥橫俾佢遠射左下角入網，利記追近3-2，只差一球就可以翻生。氣勢如虹既利記繼續搶攻，中堅加歷查自己推波過半場，直接傳俾巴路斯做支點彈俾謝拉特中路插入禁區，直面門將迪達，加度素情急之下從後拉跌佢，利記獲得十二碼！沙比阿朗素主射被迪達救出再衝前補中，追平3-3!! 利記成功把握半場休息過後，體能比較充足既時間，不斷壓迫搶波，向前推進，六分鐘內連追三球!!其後安察洛提轉陣為三中堅，雙方以相同陣型互相拉鋸。其後懷斯勁射被撲出，舒夫真高接應傳中射波被查奧爾護空門，之後亦有加歷查既關鍵攔截。3-3嘅比數維持到 90分鐘，比賽進入加時。
下半場初段搏命搶攻既利記體能消耗得更快，史米沙同加歷查先後抽筋而需要出場接受治療，利記加時只能死守。116分鐘，AC米蘭後備入替既沙真奴左路傳中，舒夫真高衝頂，杜迪克飛身救到，舒夫真高衝前近距離補射，杜迪克極速回身，左手將波擋出底線，堪稱神救。
最後兩隊要以互射十二碼分勝負，加歷查提醒杜迪克參考球隊80年代既門將名宿高巴拿，於對手助跑之時大幅度左右晃動擾敵。
杜迪克嘅奇招第一二輪先後令AC米蘭沙真奴主射一飛沖天同撲出派路既主射，而夏文同施斯射入，利記領先兩球。其後兩輪湯馬臣、卡卡同史米沙射入，懷斯射左下角被迪達救到。AC米蘭四輪過後落後一球，舒夫真高必須入波，最後，杜迪克將舒夫真高射門救出。利物浦半場三球落後之下，成功逆轉，成為歐聯冠軍！「伊斯坦堡之夜」就此誕生。
能夠創造奇蹟，多得每一位利物浦球員歇力反撲，不惜體力，球隊面對強大嘅對手，放低任何顧慮，全力壓前，到尾段全力死守。謝拉特助攻助守，入第一球帶領全隊反抗，亦搏到球迫和既十二碼，決賽MVP當之無愧。另外，呢場反勝嘅戰術含量相當高，戰術大師賓尼迪斯連同教練團隊半場嘅轉陣係成場波既轉折點。將仕團結，搏盡無悔，成就足球史上經典既逆轉。利物浦話俾大家知，波係圓嘅，哪怕身處絕境，對手有幾強大，未完場前不言敗，先有奇蹟。