〔歐國聯四強 : 比利時 2-3 法國 比賽描述評論〕上半場比利時以細節取得優勢 下半場法國向前壓迫 贏了抗衡造就逆轉
歐國聯四強，比利時對法國，世界盃四強翻版，於意大利都靈嘅祖雲達斯球場上演。
各有機會
比賽初段，兩隊比較謹慎，較少前場壓迫，雙方互相控球在腳並尋找反擊/快攻機會。
早段兩隊各有機會，包括盧卡古右路反擊傳中俾迪布尼小禁區前射門被羅利斯救出，以及麥巴比於一次快攻中推過對方門將高圖爾斯，只可惜欠缺射門角度。
以細節取得優勢
上半場中後段開始，比賽節奏減慢，形成互相打陣地戰嘅局面。比利時相對擅長陣地戰，其細節值得留意。
中後場組織中，球員之間會執行位置流動，如左右中堅華湯根同艾達韋列特會分別到左閘同偏右防中位置「逗住」左右翼衛卡拉斯高同卡斯泰尼，讓其上前衝擊，而兩位防中亦會走落左中堅身旁幫手組織上前。
上述細節助比利時面對同樣以三中堅陣應戰嘅法國時得到優勢，有較多控球同攻門，仲有一個入球。上到左翼位置嘅卡拉斯高帶球內切射入領先嘅一球。加上盧卡古以個人能力，轉身突破靴南迪斯兄弟兩人嘅包夾後於窄位抽射嘅漂亮入球，比利時半場領先2-0。
向前壓迫，從抗衡中得到優勢
下半場，落後兩球嘅法國增加向前壓迫，整體陣營壓前之下，攻中基沙文、兩邊嘅翼衛柏華同迪奧靴南迪斯更能發揮速度，幫助麥巴比衝擊，亦令比利時兩位老中堅華湯根同艾達韋列特更加吃力。法國從抗衡中得到優勢，比利時更多收縮防守，繼而麥巴比同賓斯馬能發揮個人能力。62分鐘，麥巴比推過泰利文斯，助攻賓斯馬於三人包中找到空位射入。
追近比數後，法國繼續搶攻。66分鐘，其前場壓迫奏效，比利時防中泰利文斯壓力下控球失誤被普巴搶奪皮球，其後於禁區內心急侵犯了搶到二次進攻機會嘅基沙文，令球隊被判十二碼，麥巴比操刀為法國追平。其實當時基沙文正向著邊線，若泰利文斯收入內線看管基沙文，起碼可避免球門被直接威脅，不必要冒險地直接搶奪皮球。
其後法國氣勢如虹，繼續強勢，製造唔少機會，而需要入球爭勝嘅比利時亦偶有反擊。87分鐘比利時一次左路反擊，盧卡古接應卡拉斯高傳中射入，可惜僅僅越位。其後法國經過幾次嘗試，包括普巴罰球中門框角，不久之後一次右路反擊，兩邊嘅翼衛柏華同迪奧靴南迪斯發揮速度，柏華後上推進再傳中，艾達韋列特觸到球但未能解圍，迪奧靴南迪斯接應抽入，法國落後兩球下成功逆轉！
值得回味嘅比賽
今場比賽峰迴路轉，比利時先以組織細節取得優勢，領先兩球，而下半場法國贏了抗衡，連入三球反勝。除此之外，亦有唔少球員個人能力表現，能為比賽帶來影響。今場比賽兼備技術同觀賞性，值得回味。
各有機會
比賽初段，兩隊比較謹慎，較少前場壓迫，雙方互相控球在腳並尋找反擊/快攻機會。
早段兩隊各有機會，包括盧卡古右路反擊傳中俾迪布尼小禁區前射門被羅利斯救出，以及麥巴比於一次快攻中推過對方門將高圖爾斯，只可惜欠缺射門角度。
以細節取得優勢
上半場中後段開始，比賽節奏減慢，形成互相打陣地戰嘅局面。比利時相對擅長陣地戰，其細節值得留意。
中後場組織中，球員之間會執行位置流動，如左右中堅華湯根同艾達韋列特會分別到左閘同偏右防中位置「逗住」左右翼衛卡拉斯高同卡斯泰尼，讓其上前衝擊，而兩位防中亦會走落左中堅身旁幫手組織上前。
上述細節助比利時面對同樣以三中堅陣應戰嘅法國時得到優勢，有較多控球同攻門，仲有一個入球。上到左翼位置嘅卡拉斯高帶球內切射入領先嘅一球。加上盧卡古以個人能力，轉身突破靴南迪斯兄弟兩人嘅包夾後於窄位抽射嘅漂亮入球，比利時半場領先2-0。
向前壓迫，從抗衡中得到優勢
下半場，落後兩球嘅法國增加向前壓迫，整體陣營壓前之下，攻中基沙文、兩邊嘅翼衛柏華同迪奧靴南迪斯更能發揮速度，幫助麥巴比衝擊，亦令比利時兩位老中堅華湯根同艾達韋列特更加吃力。法國從抗衡中得到優勢，比利時更多收縮防守，繼而麥巴比同賓斯馬能發揮個人能力。62分鐘，麥巴比推過泰利文斯，助攻賓斯馬於三人包中找到空位射入。
追近比數後，法國繼續搶攻。66分鐘，其前場壓迫奏效，比利時防中泰利文斯壓力下控球失誤被普巴搶奪皮球，其後於禁區內心急侵犯了搶到二次進攻機會嘅基沙文，令球隊被判十二碼，麥巴比操刀為法國追平。其實當時基沙文正向著邊線，若泰利文斯收入內線看管基沙文，起碼可避免球門被直接威脅，不必要冒險地直接搶奪皮球。
其後法國氣勢如虹，繼續強勢，製造唔少機會，而需要入球爭勝嘅比利時亦偶有反擊。87分鐘比利時一次左路反擊，盧卡古接應卡拉斯高傳中射入，可惜僅僅越位。其後法國經過幾次嘗試，包括普巴罰球中門框角，不久之後一次右路反擊，兩邊嘅翼衛柏華同迪奧靴南迪斯發揮速度，柏華後上推進再傳中，艾達韋列特觸到球但未能解圍，迪奧靴南迪斯接應抽入，法國落後兩球下成功逆轉！
值得回味嘅比賽
今場比賽峰迴路轉，比利時先以組織細節取得優勢，領先兩球，而下半場法國贏了抗衡，連入三球反勝。除此之外，亦有唔少球員個人能力表現，能為比賽帶來影響。今場比賽兼備技術同觀賞性，值得回味。