《絕對財力降臨紐卡素》

近日，以沙特阿拉伯國家主權基金(PIF) 為首嘅財團，成功以3.05億鎊收購英超球隊紐卡素。
紐卡素易手嘅消息令其球迷歡喜，皆因欠缺野心嘅上一任班主艾殊利終於離開。除此之外，今次收購轟動了整個球壇，皆因以沙特財團嘅財力，可能會對球壇嘅生態帶來影響。

極高嘅轉會費同薪金
沙特財團嘅資產遠高於任何一支球隊，至少係「富豪球隊」曼城嘅十倍有多。期望成為頂級球隊，於五至十年內贏英超冠軍嘅紐卡素，有能力以絕對嘅財力爭取其轉會目標。

此刻嘅紐卡素屬英超中下游球隊，比起曼城、車路士、巴黎聖日耳門等歐洲列強，球隊或需要以更高轉會費、薪金、福利等誘因以吸引目標球員加盟。曼城今夏用了一億鎊引入基亞利殊，他日當紐卡素財大氣粗起來，可以用幾億。最近狀態神勇嘅沙拿向利物浦要求50萬鎊周薪，紐卡素俾 100萬鎊都得。

難以競爭轉會市場中，若有紐卡素參加競爭，恐怕球員們會被「枱價」。若歐洲列強放棄與其競爭，恐怕漸漸會難以於賽場上同紐卡素競爭。大家唔好期望歐洲足協嘅財政公平條例能阻止紐卡素發揮財力，巴黎聖日耳門早就示範了用「左手交右手」嘅方法，破解條例中虧損上限嘅限制。

「工資帽」出現
為維持比賽嘅競爭性，英超甚至歐洲可能會參考NBA，訂立統一嘅薪酬上限，轉會費亦可能會受到類似限制。

下一步啟示
英超十九隊將會於本周召開緊急會議，紐卡素亦會派出代表出席會議。事情會如何發展，相信到時可以從會議嘅報道中得到啟示。