對比另外兩位領隊 紐奴所受嘅遭遇嚴苛得多

熱刺面對曼聯大敗0-3後，今季上任嘅領隊紐奴遭到解顧。
熱刺今季英超頭三場全勝，紐奴安排孫興慜嘗試擔當哈里簡尼嘅角色，效果良好，首場便擊敗曼城。不過，當轉會不成嘅哈里簡尼回歸，球隊表現隨即下滑。速度一般嘅哈里簡尼回歸後，球隊整體速度不及季初老孫、盧卡斯同比亞芬呢個擊敗曼城嘅組合，快攻/反擊嘅衝突力下降。面對密集方面，紐奴及其團隊仍未找到穩定有效嘅踢法。未能轉會而被迫留隊哈里簡尼心態上顯得心不在焉，沒有了頭頂腳踢嘅「屈機」表現，回後組織亦未有以往積極，熱刺便成為了攻不銳嘅球隊。

防守方面，雖然新加盟嘅中堅羅美路表現不錯，但整體上仍未算穩陣於英超10場裡面嘅失球有16個，係Big Six球隊中最多，紐奴及其團隊有一定責任。

聯賽10戰5勝5負，以15分排第八，歐協聯於三場小組賽過後暫時排名第三。熱刺暫時嘅成績可謂不如人意，但今季兩個多月就解顧紐奴會否操之過急？同市宿敵阿仙奴嘅阿迪達，以及曼聯嘅蘇斯克查，兩人各自嘅球會比足時間佢哋摸索、建立體系、調整，然而兩隊長期成績並未有顯著提升，一個帶隊跌過落降班區，一個兩年幾以來進步緩慢，浮浮沉沉之下，兩人仍能保住帥位。相比之下，紐奴所面對嘅待遇比上述兩人嚴苛得多。或者，熱刺管理層已有把握讓名帥干地接任了。